Türkmenmetbugat

"Türkmenistanyň lukmançylygy" žurnaly

Esaslandyryjysy: Türkmenistanyň Saglygy goraýyş we derman senagaty ministrligi
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-55
Email: t-lukmanchylyk-zurnaly@sanly.tm

Gazeti PDF görnüşinde ýükläp almak

Habarlar

Türkmenistan we Finlýandiýa ulag-logistika hyzmatdaşlygyny ýola goýýar

«Türkmenistanyň Ulag-logistika merkezi» açyk görnüşli paýdarlar jemgyýeti bilen Finlýandiýanyň «Nurminen Logistics» kompaniýasy Londonda «Türkmenistan — maýa goýum we ösüş» atly maýa goýum forumynyň çäginde halkara ulag pudagynda hyzmatdaşlyk etmek hakynda Ähtnama gol çekdi. «Nurminen Logistics» häzirki zaman we ekologiýa taýdan arassa gaplary ulanmak bilen, Aziýa bilen Skandinawiýanyň arasynda demir ýol daşamalaryny amala aşyrýar. Kompaniýanyň logistika pudagynda 130 ýyldan gowrak tejribesi bar we ol öz mümkinçiliklerini hem-de çözgütlerini yzygiderli ösdürýär.

25 Noýabr 2023

Türkmenistan bäsdeşlige ukyply logistika kompaniýalaryň döredilmegine aýratyn üns berýär

Türkmenistanyň Prezidenti Serdar Berdimuhamedow Bütindünýä durnukly ulag güni mynasybetli geçirilýän «Durnukly ulag: durnukly ösüşe goşant» atly halkara ylmy-amaly maslahatyň öz işine başlamagy bilen Gutlag iberdi. Onda nygtalyşyna görä, Türkmenistan bäsdeşlige ukyply milli logistika kompaniýalarynyň emele gelmegine aýratyn üns berýär. Ulag diplomatiýasynyň hukuk esaslaryny berkitmekde, döwletimiziň ulag pudagynyň mümkinçiliklerini has-da pugtalandyrmakda, bu ugurda kanunçylygy kämilleşdirmekde we durmuşa geçirmekde «Türkmenistanyň Prezidentiniň ulag diplomatiýasyny ösdürmegiň 2022 — 2025-nji ýyllar üçin Maksatnamasy» möhüm orun eýeleýär.

25 Noýabr 2023

Londondaky maýa goýum forumy

Türkmenistanyň ykdysady mümkinçiliklerini dünýä ýaýdy Ählumumylaşma hadysasy geografik taýdan uzaklygyň Ýer ýüzüniň islendik künjegindäki ýurtlaryň birek-birek bilen ýakynlaşmagy üçin bökdençlik däldigini barha aýdyň görkezýär. Bu gün haýsy yklymda ýerleşýändigine garamazdan, ykdysadyýet we ykdysady gatnaşyklar döwletleri hyzmatdaşlara, zerurlyklar bolsa pikirdeşlere öwürýär. 22-23-nji noýabrda Beýik Britaniýanyň paýtagty Londonda geçirilen «Türkmenistan: maýa goýum we ösüş» atly forumyň mysalynda-da muny doly delillendirip bolar. Temza derýasyny etekläp oturan bu gadymy şäher ýurdumyzyň ykdysady we maýa goýum mümkinçiliklerine gyzyklanma bildirýän köp sanly ýurtdan 74 sany kompaniýanyň 150-den gowrak wekilini bir meýdança jemledi. Olaryň aglabasy Amerikanyň Birleşen Ştatlarynyň, Fransiýanyň, Germaniýanyň, Italiýanyň, Ýaponiýanyň, Hytaýyň, Malaýziýanyň, Koreýa Respublikasynyň, Azerbaýjanyň, Birleşen Arap Emirlikleriniň dürli ugurlarda iş alyp barýan öňdebaryjy düzümlerine wekilçilik edýärler.

25 Noýabr 2023

Ählumumy ösüşe goşant goşýan tagallalar

Şu ýylyň maýynda Birleşen Milletler Guramasynyň Baş Assambleýasynyň 77-nji sessiýasynyň 70-nji plenar mejlisinde Türkmenistanyň başlangyjy bilen her ýylyň 26-njy noýabryny «Bütindünýä durnukly ulag güni» diýip yglan etmek hakynda Kararnama kabul edildi. Bu şanly sene mynasybetli 26-njy noýabrda Aşgabatda «Durnukly ulag: durnukly ösüşe goşant» atly halkara ylmy-amaly maslahat geçiriler. Utgaşykly görnüşde guraljak foruma BMG-niň Ösüş maksatnamasynyň Türkmenistandaky wekilhanasynyň, halkara ulag düzümleriniň, ulag kompaniýalarynyň wekilleri gatnaşarlar. Berkarar döwletiň täze eýýamynyň Galkynyşy döwründe ýurdumyzyň halkara giňişlikde ulag diplomatiýasyny durmuşa geçirmekde gazanýan üstünlikleri Arkadagly Gahryman Serdarymyzyň: «Häzirki döwürde ulag-logistika ulgamy sebitleri we dünýäniň kontinentlerini birleşdirýän güýje öwrülýär. Şunuň bilen baglylykda, ýurdumyz Beýik Ýüpek ýolunyň ýüregi bolup durýar. Şoňa görä-de, bu geografik ýagdaýdan we beýleki mümkinçiliklerden ýerlikli peýdalanarys» diýen sözleriniň iş ýüzünde durmuşa geçirilýändigini dabaralandyrýar. BMG-niň Baş Assambleýasy Türkmenistanyň başlangyjy esasynda ulag-logistika ulgamynyň ählumumy ösüşine ýardam edýän täze mümkinçilikleri we çözgütleri gözlemek boýunça Kararnamalaryň birnäçesini kabul etdi. Olaryň biragyzdan kabul edilmegi Bitarap döwletimiziň bu ugurda öňe sürýän oňyn başlangyçlarynyň dünýä jem

25 Noýabr 2023

Umumadamzat bähbitli tagallalar

Dünýä tejribesiniň görkezişi ýaly, islendik döwletiň ykdysadyýetiniň geljekki ösüşleriniň özeni sebit we halkara derejesinde deňiz-derýa, awtomobil, demir ýol we howa ulaglarynyň her biriniň mümkinçiliklerinden ýerlikli peýdalanmaga gönükdirilen hem-de sazlaşykly işleýän düzümleriň döredilmegine baglydyr. Döwlet Baştutanymyzyň yzygiderli tagallalarynyň netijesinde ýurdumyzyň ulag ulgamyndaky halkara hyzmatdaşlygy barha giň gerime eýe bolýar. Bu hyzmatdaşlygyň esasy ugry hökmünde dünýä halklarynyň bähbidini nazarlaýan halkara ulag-üstaşyr geçelgelerini döretmek meselesine möhüm orun degişlidir. Türkmenistanyň geografik taýdan amatly çäkde ýerleşmegi, tebigy serişdeleriň baý gorlaryna eýe bolmagy ulag ulgamyny ösdürmäge ägirt uly serişdeleriň goýberilmegine, öňdebaryjy tejribeleri ulanmak arkaly döwrebap ulag-üstaşyr geçelgeleri, köprüleri, demir ýollary we turbageçirijileri gurmak boýunça iri taslamalaryň durmuşa geçirilmegine esas döredýär. Munuň özi ýurdumyzy Merkezi Aziýa sebitiniň ulag ulgamynyň esasy halkasyna öwürýär. Ýurdumyzyň ulag ulgamynda gazanan üstünliklerine we halkara derejesinde abraýynyň has-da pugtalanmagyna aýdyň mysal hökmünde hormatly Prezidentimiziň öňe süren başlangyçlary esasynda BMG-niň Baş Assambleýasy tarapyndan birnäçe Kararnamalaryň kabul edilmegini aýratyn bellemelidir. Şu ýylyň 16-njy maýynda BMG-niň Baş Assambleýasy tarapyndan 26-nj

24 Noýabr 2023

Hoşniýetli hyzmatdaşlygyň täze tapgyry

Hormatly Prezidentimiziň dost-doganlyk, hoşniýetlilik, ynsanperwerlik ýörelgelerine esaslanyp amala aşyrýan daşary syýasatynyň netijesinde Watanymyzyň halkara abraýy barha artýar. Dünýä jemgyýetçiligi Türkmenistanyň öňe sürýän başlangyçlaryny goldaýar. Häzirki wagtda Türkmenistan dünýäniň ençeme ýurtlary we halkara guramalar bilen saglygy goraýyş, daşky gurşawy goramak, senagat, oba hojalygy, bilim, medeniýet we beýleki ugurlar boýunça hyzmatdaşlygy ösdürip, bilelikdäki taslamalary amala aşyrýar. Döwletimiz dünýäde parahatçylygy, howpsuzlygy hem-de durnukly ösüşi üpjün etmäge ýardam bermek, halkara gatnaşyklar ulgamynda milli we ählumumy bähbitlerden ugur almak ýaly belent maksatlary çelgi edinip, dünýä ýurtlary bilen strategik gatnaşyklary barha pugtalandyrýar. 1-nji noýabrda paýtagtymyzda «Merkezi Aziýa — Koreýa Respublikasy» 16-njy hyzmatdaşlyk forumynyň geçirilmegi hem munuň nobatdaky beýanyna öwrüldi. Foruma ýurdumyzyň başlyklyk etmegi Bitarap Türkmenistanyň sebitde we dünýäde abadançylyga, ygtybarly durmuş-ykdysady ösüşe mynasyp goşandyny goşýandygyny nobatdaky gezek tassyklaýar.

24 Noýabr 2023

Döwletara gatnaşyklar pugtalandyrylýar

22-nji noýabrda hormatly Prezidentimiz Serdar Berdimuhamedow Malaýziýanyň Türkmenistanda täze bellenen Adatdan daşary we Doly ygtyýarly ilçisi Mohd Suhaimi bin Ahmad Tajuddini kabul etdi. Ol döwlet Baştutanymyza ynanç hatyny gowşurdy. Diplomat hormatly Prezidentimize Malaýziýanyň Ýokary Baştutany Abdulla Riaýatuddin Al-Mustafa Billanyň we Premýer-ministri Anwar bin Ibrahimiň mähirli salamyny ýetirdi hem-de öz ýurdunda özygtyýarly ösüş ýoly bilen ynamly öňe barýan Türkmenistan bilen dostlukly gatnaşyklaryň, özara bähbitli hyzmatdaşlygyň pugtalandyrylmagyna aýratyn ähmiýet berilýändigini belledi. Döwlet Baştutanymyz Malaýziýanyň ýokary ýolbaşçylaryna iň gowy arzuwlaryny beýan etdi we Mohd Suhaimi bin Ahmad Tajuddini möhüm diplomatik wezipä bellenilmegi bilen gutlap, ýurtlarymyzyň arasyndaky ikitaraplaýyn gatnaşyklary ösdürmäge gönükdirilen jogapkärli wezipesinde oňa uly üstünlikleri arzuw etdi.

24 Noýabr 2023

TÜRKMENISTAN — BELARUS: ylmy-tehniki gatnaşyklar ilerledilýär

Hormatly Prezidentimiz Serdar Berdimuhamedow: “Biz ylmyň we bilimiň mümkinçiliklerini parahatçylygyň, dostlugyň bähbitlerine gönükdirmek bilen, iri halkara guramalar, daşary ýurtlaryň ylmy merkezleri bilen ylym, tehnika we innowasion tehnologiýalar boýunça hyzmatdaşlygy yzygiderli pugtalandyrýarys” diýip nygtaýar. Hoşniýetli hyzmatdaşlygyň çäklerinde Türkmenistanyň we Belarus Respublikasynyň arasynda dostlukly gatnaşyklar dürli ugurlarda yzygiderli ösdürilýär. Ylym-bilim we medeni ulgamyň hünärmenleri iki ýurtda guralýan halkara maslahatlara, sergilere we festiwallara çagyrylýar. Häzirki döwürde bu dostlukly ýurduň ýokary okuw mekdeplerinde türkmenistanly talyp ýaşlaryň müňlerçesi bilim alýar. Ýakynda ýurdumyzyň ylmy jemgyýetçiliginiň wekilleri Ylym we tehnologiýalar babatda hyzmatdaşlyk etmek boýunça hökümetara türkmen-belarus toparynyň üçünji mejlisine gatnaşmak maksady bilen, Belarus Respublikasynyň Minsk şäherinde iş saparynda boldy.

24 Noýabr 2023

YHG-nyň Daşkent sammiti: bilelikde nurana geljege tarap

Türkmenistan 1992-nji ýyldan bäri Ykdysady Hyzmatdaşlyk Guramasynyň agzasy bolmak bilen, köptaraplaýyn görnüşdäki hyzmatdaşlygyň pugtalandyrylmagyna mynasyp goşant goşýar hem-de gurama gatnaşyjy döwletler bilen dostlukly, hoşniýetli goňşuçylyk gatnaşyklaryny işjeň ösdürýär. Munuň şeýledigini hormatly Prezidentimiz Serdar Berdimuhamedowyň YHG-nyň döwletleriň Baştutanlarynyň 16-njy sammitine gatnaşmak üçin Özbegistan Respublikasyna amala aşyran sapary hem nobatdaky gezek subut etdi. Saparyň çäginde hormatly Prezidentimiz Serdar Berdimuhamedowyň Özbegistan Respublikasynyň Prezidenti Şawkat Mirziýoýew bilen duşuşygy boldy. Hökümet wekiliýetleriniň agzalarynyň gatnaşmagynda geçirilen gepleşiklerde iki ýurduň Baştutanlary açylýan mümkinçilikleri hem-de geljek üçin bilelikdäki ileri tutulýan meýilnamalary nazara almak bilen, döwletara gatnaşyklaryň esasy meseleleri boýunça pikir alyşdylar. Özara gyzyklanma bildirilýän sebit we ählumumy gün tertibiniň wajyp meseleleri hem ara alnyp maslahatlaşyldy, abraýly düzümleriň çäklerinde, şol sanda YHG-nyň ugry boýunça hyzmatdaşlygy pugtalandyrmaga aýratyn üns berildi.

23 Noýabr 2023

Astanada Ýolçylaryň hökümatara geňeşiniň mejlisi geçdi

Gazagystanyň paýtagty Astanada Garaşsyz Döwletleriň Arkalaşygynyň Ýolçylaryň hökümatara geňeşiniň nobatdan daşary 47-nji mejlisi geçdi. «Kaztraffic-2023» XIX Halkara forumyň çäklerindäki mejlis Belarussiýanyň, Gazagystanyň, Russiýanyň we Özbegistanyň ýol-ulag we ylmy-barlag edaralarynyň wekilleriniň gatnaşmagynda geçdi. Olar GDA-nyň Ýolçylarynyň hökümatara geňeşiniň geçen döwürde ýeten sepgitleri bilen tanyşdylar hem-de arkalaşyga gatnaşyjy döwletleriň awtomobil ýollarynyň taslamasyny düzmek, gurmak, döwrebaplaşdyrmak we ulanmak ulgamyndaky hyzmatdaşlygy ösdürmegiň mümkinçiliklerini ara alyp maslahatlaşdylar.

23 Noýabr 2023

Özbegistan bilen Gazagystanyň arasynda täze ýoluň gurulmagy meýilleşdirilýär

Daşkentde geçen Ykdysady Hyzmatdaşlyk Guramasynyň sammitinde Gazagystanyň premýer-ministri Alihan Smailow sebitde ulag infrastrukturasynyň ösüşini öňe sürmek başlangyjyny beýan etdi. Onuň gurama agza ýurtlaryň onusyndan ýedisiniň dünýä ummanyna çykyp bilmejekdigini belläp, serhetaşa söwda we logistika infrastrukturasynyň döredilmegine üns bermegi teklip edendigini «Trend» habar berdi. Premýer-ministriň pikiriçe, esasy ösüş faktorlaryndan biri Gazagystan we Özbegistan serhedinde ýerleşýän senagat hyzmatdaşlygynyň «Merkezi Aziýa» halkara merkezi bolar. Gyrgyzystan Respublikasy bilen serhetde hem şeýle toplumyň gurulmagy meýilleşdirilýär.

23 Noýabr 2023

Türkmenistanyň Prezidenti Malaýziýanyň Adatdan daşary we Doly ygtyýarly ilçisini kabul etdi

Aşgabat, 22-nji noýabr (TDH). Şu gün hormatly Prezidentimiz Serdar Berdimuhamedow Malaýziýanyň Türkmenistanda täze bellenen Adatdan daşary we Doly ygtyýarly ilçisi Mohd Suhaimi bin Ahmad Tajuddini kabul etdi. Ol döwlet Baştutanymyza ynanç hatyny gowşurdy. Diplomat hormatly Prezidentimize Malaýziýanyň Ýokary Baştutany Abdulla Riaýatuddin Al-Mustafa Billanyň we Premýer-ministri Anwar bin Ibrahimiň mähirli salamyny ýetirdi hem-de öz ýurdunda özygtyýarly ösüş ýoly bilen ynamly öňe barýan Türkmenistan bilen dostlukly gatnaşyklaryň, özara bähbitli hyzmatdaşlygyň pugtalandyrylmagyna aýratyn ähmiýet berilýändigini belledi.

23 Noýabr 2023

Ykdysady mümkinçilikler anyk taslamalara ýol açýar

Berlinde Türkmen-german işewürlik maslahaty geçirildi Bazar gatnaşyklary şertlerinde islendik ýurduň ykdysadyýetiniň ösüşinde hususy pudagyň ornunyň örän uludygy ykrar edilen hakykatdyr. Çünki işewürlik ykdysady ösüşe ýardam etmek bilen birlikde, pudaklary döwrebaplaşdyrmagyň depginini ýokarlandyrmakda, iş orunlaryny döretmek arkaly halkyň durmuş şertlerini gowulandyrmakda hem hereketlendiriji güýç hasaplanýar. Dürli ugurlarda bilermenler bilen pikir alşyp, bilelikde hususyýetçilige degişli meseleleriň çözgüdini tapmakda işewürlik forumlary netijeli meýdança bolup hyzmat edýär. Munuň şeýledigine 20-nji noýabrda Germaniýanyň paýtagty Berlinde geçirilen Türkmen-german işewürlik maslahatynyň mysalynda-da aýdyň göz ýetirmek bolýar.

23 Noýabr 2023

Halkara giňişlikde

Türkmen-hytaý dialogy hereketde Türkmenistanyň daşary işler ministriniň orunbasary W.Hajiýewiň ýolbaşçylygyndaky wekiliýet Pekinde iş saparynda bolup, hytaý tarapynyň wekilleri bilen möhüm duşuşyklaryň birnäçesine gatnaşdy. Hususan-da, Türkmenistan bilen Hytaý Halk Respublikasynyň daşary syýasat edaralarynyň arasynda geňeşmeler geçirilip, onuň dowamynda strategik häsiýete eýe bolan türkmen-hytaý hyzmatdaşlygynyň ileri tutulýan ugurlaryna üns çekildi. Taraplar halkara we sebit guramalarynyň, ilkinji nobatda, BMG-niň çäklerindäki özara hereketler, «Merkezi Aziýa — Hytaý» formatyndaky gatnaşyklaryň möhüm ugurlary barada pikir alşyp, söwda-ykdysady, energetika, ulag-aragatnaşyk, medeni-ynsanperwer ulgamlar boýunça bilelikdäki işleriň häzirki ýagdaýyna syn berdiler.

23 Noýabr 2023

Halypa diplomatyň halkara sylagy

Bilşimiz ýaly, şu ýylyň 9-njy noýabrynda Özbegistan Respublikasynyň paýtagty Daşkent şäherinde Ykdysady Hyzmatdaşlyk Guramasynyň 16-njy sammiti üstünlikli geçirildi. Sammitiň çäklerinde bu iri düzümiň sylaglaryna mynasyp bolanlar yglan edildi. Olaryň arasynda milli diplomatiýamyzyň wekilleriniň biri — Türkmenistanyň Daşary işler ministrliginiň Halkara gatnaşyklary institutynyň halkara gatnaşyklary we diplomatiýa kafedrasynyň müdiri, filosofiýa ylymlarynyň kandidaty, taryh ylymlarynyň doktory, Türkmenistanyň Adatdan daşary we Doly ygtyýarly ilçisi, Türkmenistanyň ussat diplomaty, professor Amangeldi Rahmanowyň hem bolmagy buýsançly ýagdaýdyr. Öňňin, 21-nji noýabrda Türkmenistanyň Daşary işler ministrliginde halypa diplomata bu abraýly sylagy gowşurmak dabarasy geçirildi. Oňa Türkmenistanyň Ministrler Kabinetiniň Başlygynyň orunbasary, daşary işler ministri, ýurdumyzyň daşary syýasat edarasynyň hünärmenleri, türkmen diplomatiýasynyň milli mekdebiniň talyplary gatnaşdylar.

23 Noýabr 2023

Myhmanlaryň gezelenji

Golaýda Eýran Yslam Respublikasyndan ýurdumyza gelen wekiliýetiň agzalary üçin Arkadag şäherine tanyşlyk guraldy. Myhmanlar Türkmenistanda iň täze, döwrebap şähere aýlanyp gördüler. Bellenilişi ýaly, täze şäheriň keşbinde milli binagärligiň iň gowy däpleri, binagärlik we bezeg babatda häzirki zaman usullary bilen sazlaşykly utgaşdyryldy. Bu ýerde halkara ölçeglere, şol sanda tebigaty goramak ulgamyndaky ölçeglere laýyk gelýän toplumlaýyn infrastrukturanyň döredilmegi şäher ýaşaýjylary üçin oňaýly ýaşaýyş-durmuş şertlerini üpjün edýär. Köpetdagyň ajaýyp dag eteklerinde ýerleşýän täze şäher öňdebaryjy sanly, maglumat-aragatnaşyk we «ýaşyl» tehnologiýalara esaslanýan şäheriň aýdyň nusgasy. Bu ýerde ekologiýa ýaly möhüm ugra aýratyn üns berilýär. Myhmanlarda şäheriň ajaýyp keşbi, binagärlik çözgütleri, döredilen amatlyklar we ýokary hilli ýaşaýyş-durmuş şertleri uly täsir galdyrdy. Wekiliýet agzalary Türkmenistanda halkara derejesinde «akylly» şäheriň gurlandygyna we ýurduň ykdysady kuwwatynyň barha artýandygyna goňşy döwlet hökmünde buýsanýandyklaryny bellediler.

22 Noýabr 2023

Halkara hyzmatdaşlygy ösdürilýär

Türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň parasatly baştutanlygynda berkarar ýurdumyzyň halkara abraýy barha ýokarlanýar. Häzirki wagtda Türkmenistan 150-den gowrak döwlet bilen dürli ugurlarda hyzmatdaşlygy alyp barýar. Şolaryň biri-de Hytaý Halk Respublikasydyr. Hemmämize mälim bolşy ýaly, oktýabr aýynyň 17 — 19-y aralygynda Gahryman Arkadagymyz Hytaý Halk Respublikasyna iş saparyny amala aşyrdy. Iş saparyň çäklerinde türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyz «Bir guşak, bir ýol» atly 3-nji ýokary derejeli maslahata gatnaşdy hem-de ikitaraplaýyn duşuşyklary geçirdi. Soňky ýyllarda hil taýdan täze many-mazmuna eýe bolan Türkmen-Hytaý hyzmatdaşlygynyň netijesinde bilelikdäki wajyp taslamalar üstünlikli durmuşa geçirilýär. Ägirt uly taslama bolan Türkmenistan-Hytaý halkara gaz geçirijisi munuň aýdyň mysalydyr. Türkmen-Hytaý hyzmatdaşlygynyň ösdürilmegine 2013-nji ýylyň sentýabrynda gol çekilen strategik hyzmatdaşlygy ýola goýmak barada bilelikdäki jarnama aýratyn ähmiýete eýedir. Hormatly Prezidentimiziň Türkmenistan iri halkara guramalarynyň «Merkezi Aziýa — Hytaý» görnüşindäki sebit düzüminiň ugry boýunça köptaraplaýyn görnüşde-de üstünlikli hyzmatdaşlyk edýär. Hormatly Prezidentimiziň şu ýylyň ýanwar we maý aýlarynda HHR-e amala aşyran saparlary däp bolan dost

22 Noýabr 2023

Gözbaşy asyrlaryň jümmüşinden gaýdýar

Medeniýet düşünjesi bir halkyň, bir döwletiň çygryna sygmaýar. Islendik medeniýet — bütin dünýäniň gymmatlygy. Şonuň üçin hem medeniýet we sungat işgärleriniň çykyşy, milletine we aňyýetine garamazdan, islendik döwletde arzyly. Dili, medeniýeti boýunça kökdeş halklaryň, biri-biriniňkä guraýan medeni myhmançylygy bolsa hakyky toýa öwrülýär. Ynha, ýakynda geçirilen Türkiýe Respublikasynyň Türkmenistandaky Medeniýet günleri hem şeýle toýa öwrüldi. Bu toýuň gerimi Aşgabatdan Türkmenabada çenli ýaýrady. Geçen hepdäniň ahyrynda sungatyň lebaply muşdaklaryna türk aýdym-sazlaryny türkiýeli sungat ussatlarynyň ýerine ýetirmeklerinde diňlemek bagty miýesser etdi. Medeniýet günleriniň çäklerinde Lebabyň Seýitnazar Seýdi adyndaky döwlet sazly-drama teatrynda geçirilen aýdym-sazly çykyşlar ýokary guramaçylyga eýe bolup, oňa gatnaşyjylara ýakymly täsirleri bagyş etdi. Çykyşlarda aýratyn hem türk medeniýetini, däp-dessurlaryny öz içine alýan milli aýdymlardyr folklor-tans çykyşlary ýerine ýetirildi. Tomaşaçylar teatryň sahnasynda belentden ýaňlanan halk we estrada aýdymlaryny, häzirkizaman folklor-saz toparyny uly şowhun bilen garşyladylar. Ankaranyň döwlet häzirkizaman tans toparynyň ýerine ýetiren tans kompozisiýalary konserte aýratyn öwüşgin çaýdy.

22 Noýabr 2023

26-njy noýabr — Bütindünýä durnukly ulag güni

Durnukly ösüşiň ygtybarly ýoly Bitarap Türkmenistanyň başlangyjy boýunça Birleşen Milletler Guramasy tarapyndan her ýylyň 26-njy noýabry «Bütindünýä durnukly ulag güni» diýlip yglan edildi. Bu bolsa durnukly ösüşi gazanmagyň möhüm şerti hökmünde ulag-kommunikasiýa ulgamyna möhüm ähmiýet berilýändiginiň aýdyň mysalydyr. Häzirki wagtda ýurdumyzda hormatly Prezidentimiziň baştutanlygynda ulag pudagynyň maddy-enjamlaýyn binýadyny düýpli döwrebaplaşdyrmaga, hereket edýän ulag-kommunikasiýa ulgamlaryny giňeltmäge we täzelerini döretmäge gönükdirilen toplumlaýyn milli maksatnamalar üstünlikli durmuşa geçirilýär.

22 Noýabr 2023

«Awaza» - hyzmadaşlyk mekany

Berkarar döwletiň täze eýýamynyň Galkynyşy döwründe Mähriban Arkadagymyz we Arkadagly Gahryman Serdarymyzyň tagallasy bilen, Milli ykdysadyýetimiziň ähli ugurlarynda amala aşyrylýan giň möçberli özgertmeleriň batly gadamlary Watanymyzyň dünýädäki abraý-mertebesini şan-şöhratynyň kuwwatly güýjüni görkezýär. Türkmenistanyň Kärdeşler Arkalaşyklarynyň Milli Merkeziniň «Awaza» milli syýahatçylyk zolagyndaky “Daýanç” alyş sagaldyş merkezinde Awiýasiýa we Aragatnaşyk işgärleriniň ilkinji guramalarynyň we işjeň agzalarynyň gatnaşmaklarynda “Berkarar döwletimiziň täze eýýamynyň Galkynyşy döwrümiz - ösüşlere beslenýär aýdyň ýolumyz” atly okuw maslahatyny «Awaza»nyň gözel künjeginde geçirilmegi, bizi diýseň buýsandyrdy. «Awazanyň» arassa howasyndan dem alyp, dürli kärdäki işjeň agzalar bilen duşuşyp öz tejiribämizi baýlaşdyrdyk.

21 Noýabr 2023

‹
1
2
...
69
70
71
72
73
74
75
...
262
263
›