Türkmenmetbugat

"Türkmenistanyň lukmançylygy" žurnaly

Esaslandyryjysy: Türkmenistanyň Saglygy goraýyş we derman senagaty ministrligi
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-55
Email: t-lukmanchylyk-zurnaly@sanly.tm

Gazeti PDF görnüşinde ýükläp almak

Habarlar

Türkmenistanyň Halk Maslahatynyň Başlygy Yslam Ösüş bankynyň Prezidenti bilen duşuşdy

Saud Arabystan Patyşalygyna saparynyň dowamynda Türkmen halkynyň Milli Lideri Gurbanguly Berdimuhamedow Yslam Ösüş bankynyň Prezidenti Ahmed Mohammed Ali Al Madani bilen ýokary derejede gepleşik geçirdi. Gürrüňdeşlikde Türkmenistanyň ykdysady ulgamda Yslam Ösüş banky bilen netijeli hyzmatdaşlygy alyp barýandygy bellenildi. Şeýle-de umumadamzat ähmiýetli taslamalary durmuşa geçirmek boýunça maýa goýum hyzmatdaşlygynda bilelikde işleri ýerine ýetirmek babatda içgin pikir alyşmalar boldy.

1 Iýul 2023

Türkmenistan bilen Dagystanyň arasynda yzygiderli parom gatnawy ýola goýlar

2023-nji ýylyň ahyryna çenli Türkmenistanyň günbataryndaky Türkmenbaşy şäheri bilen Dagystanyň paýtagty Mahaçkalanyň arasynda konteýnerleri daşamak üçin niýetlenilen ýük gämileriniň yzygiderli gatnawyny ýola goýmak meýilleşdirilýär. Bu barada Russiýanyň Türkmenistandaky söwda wekili Aleksandr Ýelizarow 29-njy iýunda Mahaçkalada Dagystanyň Hökümetiniň başlygy Abdulmuslim Abdulmuslimow bilen geçirilen duşuşykdan soň aýtdy.

1 Iýul 2023

Ärdogan Türkmenistana «TOGG» elektik ulaglaryny sowgat etdi

Türkiýe Respublikasynyň Prezidenti Rejep Taýyp Ärdogan Türkmenistanyň Prezidentine hem-de türkmen halkynyň Milli Liderine sowgat hökmünde «TOGG» kysymly elektrik awtoulaglaryny iberdi. Türkmenistanda ilkinji «akylly» şäher bolan Arkadag şäheriniň açylyş dabarasyna gatnaşmak üçin gelen Türkiýe Respublikasynyň senagat we tehnologiýalar ministri Mehmet Fatih Kajyry hem-de Türkiýe Respublikasynyň Palatalar we biržalar birleşiginiň başlygy Rifat Hisarjyklyoglu Rejep Taýyp Ärdoganyň adyndan «TOGG» kysymly elektrik awtoulaglaryň açarlaryny Türkmenistanyň Prezidentine uly hormat bilen gowşurdylar. Ýeri gelende bellesek, ak reňkli awtoulaglar kompaniýa tarapyndan ilkinji gezek öndürilýär.

1 Iýul 2023

Türki halklary umumy taryh birleşdirýär

28-nji iýunda hormatly Prezidentimiz Serdar Berdimuhamedow Arkadag şäheriniň döwlet derejesinde geçirilýän açylyş dabaralaryna gatnaşmak üçin ýurdumyza gelen Türki dünýäniň inženerler we binagärler birleşiginiň ýolbaşçysy Ilýas Demirjini kabul etdi. Myhman häzirki döwürde sazlaşykly ösüş ýoluna düşen Türkmenistanyň özboluşly keşbini döretmäge goşan şahsy goşandyny nazara alyp, dabaraly ýagdaýda döwlet Baştutanymyza «Türki dünýä ýokary hyzmatlary üçin» atly medaly gowşurdy. Hormatly Prezidentimiz Ilýas Demirjä hem-de birleşigiň ähli agzalaryna bildirilen hormat üçin minnetdarlygyny beýan etdi we bu sylagy Türkmenistanyň binagärlik, inženerçilik, şäher gurluşygy babatda ýeten derejesine berlen ýokary baha hökmünde kabul edýändigini aýtdy.

30 Iýun 2023

Türkmen-täjik gatnaşyklary pugtalandyrylýar

28-nji iýunda döwlet Baştutanymyz Täjigistan Respublikasynyň Türkmenistanda täze bellenen Adatdan daşary we Doly ygtyýarly ilçisi Wafo Alibek Niýatbekzodany kabul etdi. Diplomat ynanç hatyny gowşuryp, hormatly Prezidentimize Täjigistan Respublikasynyň Prezidenti Emomali Rahmonyň mähirli salamyny ýetirdi. Dostlukly ýurduň doly ygtyýarly wekilini ýokary diplomatik wezipä bellenilmegi bilen gutlap, döwlet Baştutanymyz Täjigistanyň ýokary derejeli ýolbaşçylaryna hem-de halkyna iň gowy arzuwlaryny beýan etdi.

30 Iýun 2023

Hyzmatdaşlygyň täze mümkinçilikleri açylýar

28-nji iýunda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Türkiýe Respublikasynyň senagat we tehnologiýalar ministri Mehmet Fatih Kajyry hem-de Türkiýe Respublikasynyň Palatalar we biržalar birleşiginiň başlygy Rifat Hisarjyklyoglu bilen duşuşdy. Duşuşygyň dowamynda Türkmenistan bilen Türkiýe Respublikasynyň arasyndaky hyzmatdaşlygyň özara ynanyşmak we açyklyk häsiýetine eýedigi aýdyldy. Bu bolsa halkara giňişlikde syýasy babatda hereketleri utgaşdyrmak, öňe sürülýän başlangyçlara özara goldaw bermek üçin zerur şert bolup durýar.

30 Iýun 2023

Telefon arkaly söhbetdeşlikler

29-njy iýunda Mekge şäherinde haj parzyny berjaý etmek üçin Saud Arabystany Patyşalygynda saparda bolýan türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Özbegistan Respublikasynyň Prezidenti Şawkat Mirziýoýewiň we Russiýa Federasiýasynyň Federal Ýygnagynyň Federasiýa Geňeşiniň Başlygy Walentina Matwiýenkonyň arasynda telefon arkaly söhbetdeşlikler boldy. Özbek Lideri we Russiýanyň parlamentiniň ýokarky palatasynyň ýolbaşçysy Gahryman Arkadagymyzy doglan güni bilen hem-de sanly çözgütler we iň täze tehnologiýalar ornaşdyrylan «akylly» Arkadag şäheriniň birinji tapgyrynyň açylmagy bilen tüýs ýürekden gutladylar.

30 Iýun 2023

Arkadag şäherinde halkara maýa goýum forumy açyldy

Şu gün Arkadag şäherinde täze açylan «Märkaw» myhmanhanasynda «Akylly» şäher Arkadag» atly halkara maýa goýum forumy geçirilýär. Onuň maksady ykdysadyýetimiziň pudaklaryny, Arkadag şäherini durmuş-ykdysady, senagat taýdan ösdürmäge we «akylly» şäher konsepsiýasyny işjeň durmuşa geçirmäge maýa goýumlary çekmekden ybaratdyr. Täze şäherde ilkinji gezek guralýan maýa goýum forumyna daşary ýurtlardan we ýurdumyzyň döwlet hem-de hususy düzümlerinden wekilleriň 300-den gowragy gatnaşýar. Şolaryň hatarynda BMG-niň Senagat ösüşi boýunça guramasynyň, Aziýanyň ösüş bankynyň, Türki döwletleriň Söwda edaralarynyň birleşmesiniň, BMG-niň Ilatly nokatlar boýunça maksatnamasynyň, ABŞ-nyň «John Deere», Beýik Britaniýanyň «JCB», Täjigistan Respublikasynyň «Samo», ABŞ-nyň «Lindsay Irrigation» kompaniýalarynyň wekilleri bar.

30 Iýun 2023

Arkadag şäherinde ilkinji halkara media forum geçirildi

Şu gün – 30-njy iýunda Arkadag şäheriniň Döwletmämmet Azady adyndaky Arkadag şäher kitaphanasynda bu şäher häkimliginiň, Türkmenistanyň Daşary işler ministrliginiň, Türkmenistanyň Telewideniýa we kinematografiýa baradaky döwlet komitetiniň bilelikde gurnamagynda Arkadag şäherine bagyşlanan halkara media forum geçirildi. Oňa daşary ýurtly myhmanlar,  žurnalistler we ýurdumyzyň köpçülikleýin habar beriş serişdeleriniň wekilleri gatnaşdylar. Forum üç bölüm boýunça öz işini alyp bardy. Onuň dowamynda daşary ýurtly myhmanlaryň, žurnalistleriň Arkadag şäheri hakyndaky çykyşlaryna uly orun berildi. Olar şäheriň aýratynlygy, ahritektura gurluşy we mümkinçilikleri dogrusynda giňişleýin beýan etdiler. Akylly şäher derejesine eýe bolan bu şäheriň Türkmenistan döwletiniň ýokary depgin bilen ösýändigini, barha özgerýändigini subut edýär diýip myhmanlar aýratyn bellediler. 

30 Iýun 2023

Türkmenistan — Ýaponiýa: parlamentara gatnaşyklar pugtalandyrylýar

Aşgabat, 29-njy iýun (TDH). Şu gün Türkmenistanyň Mejlisinde Ýapon-türkmen parlamentara dostluk toparynyň sekretariatynyň başlygy Masuşita Şinpeý bilen duşuşyk boldy. Mejlisiň Başlygy D.Gulmanowa myhmany mähirli mübärekläp, döwlet durmuşynda parlamentarileriň ornunyň barha artýandygyny aýtdy. Bu gün parlamentara hyzmatdaşlyk ýurtlaryň arasynda netijeli gatnaşyklary üpjün etmegiň, halkara hyzmatdaşlygy, özara düşünişmegi pugtalandyrmagyň möhüm gurallarynyň biri bolup durýar.

30 Iýun 2023

Türkmenistan — Ýaponiýa: parlamentara gatnaşyklar pugtalandyrylýar

Aşgabat, 29-njy iýun (TDH). Şu gün Türkmenistanyň Mejlisinde Ýapon-türkmen parlamentara dostluk toparynyň sekretariatynyň başlygy Masuşita Şinpeý bilen duşuşyk boldy. Mejlisiň Başlygy D.Gulmanowa myhmany mähirli mübärekläp, döwlet durmuşynda parlamentarileriň ornunyň barha artýandygyny aýtdy. Bu gün parlamentara hyzmatdaşlyk ýurtlaryň arasynda netijeli gatnaşyklary üpjün etmegiň, halkara hyzmatdaşlygy, özara düşünişmegi pugtalandyrmagyň möhüm gurallarynyň biri bolup durýar.

30 Iýun 2023

Arkadag şäheri daşary ýurtly myhmanlaryň gözi bilen

Kubanyçbek OMURALIÝEW,Türki Döwletleriň Guramasynyň Baş sekretary:

30 Iýun 2023

Türkmenistanyň Prezidenti Türki dünýäniň inženerler we binagärler birleşiginiň ýolbaşçysyny kabul etdi

Aşgabat, 28-nji iýun (TDH). Şu gün hormatly Prezidentimiz Serdar Berdimuhamedow Arkadag şäheriniň döwlet derejesinde geçirilýän açylyş dabaralaryna gatnaşmak üçin ýurdumyza gelen Türki dünýäniň inženerler we binagärler birleşiginiň ýolbaşçysy Ilýas Demirjini kabul etdi. Myhman wagt tapyp kabul edendigi üçin tüýs ýürekden hoşallyk bildirip, häzirki döwürde sazlaşykly ösüş ýoluna düşen Türkmenistanyň özboluşly keşbini döretmäge goşan şahsy goşandyny nazara alyp, dabaraly ýagdaýda döwlet Baştutanymyza “Türki dünýä ýokary hyzmatlary üçin” atly medaly gowşurdy.

29 Iýun 2023

Dostluk we hyzmatdaşlyk ýoly bilen

Arkadag Serdarly bagtyýar ýaşlar ýylynyň şöhratly dabaralaryna şan berjek çäreleriň biri-de 27-nji iýunda bellenilýän ýurdumyzyň Medeniýet we sungat işgärleriniň hem-de Magtymguly Pyragynyň şygryýet güni bilen utgaşýan Medeniýet hepdeligidir. Bu owadan, köpöwüşginli çäräniň Türki medeniýetiniň halkara guramasynyň (TÜRKSOÝ) döredilmeginiň 30 ýyllygy mynasybetli ýurdumyzda geçirilýän türki döwletleriň medeniýet hepdeligi bilen utgaşyp gitmegi has-da uly ähmiýete eýedir. Medeniýet, milli miras, taryhy hakyda her bir halkyň genji-hazynasyna öwrülip, onuň ýaýrawy ony döreden milletiň, bir ýurduň çäginden çykýar. Ol umumadamzat medeni gymmatlyklaryna garylyp-gatylyp gidýär. Türkmen halkynyň asyrlaryň çuňluklaryna uzap gidýän baý taryhy, gymmatly medeni mirasy bar. Halkymyzyň baý medeni mirasyny bütin dünýäde wagyz etmek, medeniýetleriň özara baýlaşmagyna ýardam bermek döwlet syýasatynyň ileri tutulýan ugurlarynyň biridir. Medeniýet halklaryň özara düşünişmeklerine we ynanyşmaklaryna, ählumumy parahatçylygyň, howpsuzlygyň hatyrasyna döredijilikli hyzmatdaşlyk etmeklerine ýardam berýär. Döwlet tarapyndan döredilýän amatly şertler gadymy milli medeniýetimiziň hil taýdan täze ösüşe eýe bolmagyna, döredijilik ýörelgeleriniň ösmegine, dünýäniň ähli halklary bilen medeni hyzmatdaşlygyň dürli ugurlaryny açmaga, milletimiziň taryhy-medeni mirasyny giňden wagyz etmäge ýardam berýär. Türki med

27 Iýun 2023

Türkmen logistika kompaniýalary sanlylaşdyrmak işinde Pribaltika ýurtlary bilen hyzmatdaşlyk eder

“Türkmen Logistika” assosiasiýasy Latwiýanyň Ýük ekspeditorlar we logistika milli assosiasiýasy we Litwanyň Eksportçylar we logistler milli assosiasiýasy bilen özara düşünişmek hakynda ähtnamalara gol çekdi. “ТRАСЕСА” ulag geçelgesini ösdürmäge gönükdirilen bu resminamalara gol çekişlik çäreleri türkmen wekiliýetiniň Latwiýa we Litwa döwletlerine bolan iş saparlarynyň çäklerinde geçirildi. Iş saparynyň çäklerinde Merkezi Aziýanyň beýleki döwletleriniň wekilleri bilen duşuşyklar geçirildi.

27 Iýun 2023

Hytaýdan Özbegistana ugradylan ilkinji konteýner otlusy Türkmenistanyň çäginden geçdi

Hytaýyň Özbegistana ugradan ilkinji konteýner otlusy Türkmenistanyň çäginden geçdi. Bu barada “Uzdaily” internet neşiri duşenbe güni habar berdi. Habarda bellenilişi ýaly, öý enjamlary, sowadyjylar, geýim ýuwýan maşynlar we gaz peçleri ýüklenen 40 futlyk 39 sany konteýner otlusy Eýranyň çäginden hem geçdi.

27 Iýun 2023

Ähli döwürleriň şahyry

Türkmen halkynyň Milli Lideri Gurbanguly Berdimuhamedowyň Magtymguly Pyragynyň goşgular diwanyna ýazan sözbaşysy hakda oýlanma Azzeddin ben ZAGIBA,Birleşen Arap Emirlikleriniň “Juma el-Majid” medeniýet we miras merkeziniň başlygynyň orunbasary, filologiýa ylymlarynyň doktory, “Magtymguly Pyragy” medalynyň eýesi.  

27 Iýun 2023

Netijeli hyzmatdaşlyk üçin ygtybarly binýat

24-nji iýunda döwlet Baştutanymyz Serdar Berdimuhamedow Welosipedçileriň halkara birleşiginiň wise-prezidenti, Aziýa welosport konfederasiýasynyň prezidenti Osama Al Şafary kabul etdi. Hyzmatdaşlygyň geljekki ugurlary boýunça pikir alyşmalaryň dowamynda ýurdumyzda sportuň bu görnüşiniň soňky ýyllarda uly meşhurlyga eýe bolandygy bellenildi. Hormatly Prezidentimiziň nygtaýşy ýaly, Türkmenistanda bedenterbiýe-sagaldyş hereketiniň ösdürilmegine, ynsan ömrüniň dowamlylygynyň artdyrylmagyna möhüm üns berilýär. Häzirki zaman bedenterbiýe-sagaldyş toplumlary, köpugurly stadionlar, sport mekdepleri yzygiderli gurlup ulanmaga berilýär. Hususan-da, döwlet Baştutanymyz ýurdumyzda welosiped sportunyň ösdürilmegine we onuň raýatlarymyzyň arasynda giňden wagyz edilmegine aýratyn üns berilýändigini aýtdy. Bu ugurda ýurdumyzda köpçülikleýin welosipedli ýörişleri geçirmek asylly däbe öwrüldi.

26 Iýun 2023

Duşuşyk guraldy

Türkmenabat şäherindäki «Ýüpek ýoly» myhmanhanasynda Birleşen Milletler guramasynyň Bosgunlaryň işi baradaky Ýokary Komissarynyň Müdirliginiň Merkezi Aziýadaky wekilhanasynyň wekilleri bilen duşuşyk guraldy. Oňa welaýatymyzyň migrasiýa gullugynyň işgärleri, Türkmenistanyň Gyzyl Ýarymaý Milli jemgyýetiniň welaýat bölüminiň wekilleri gatnaşdylar. Duşuşygyň dowamynda hormatly Prezidentimiziň parasatly ýolbaşçylygynda adamyň bähbidini goramak, onuň hak-hukuklaryny üpjün etmek bilen bagly alnyp barylýan işler barada gürrüň edildi. Halkara derejeli hukukçylar bu ugurda ýurdumyzda hereket edýän kanunçylyk namalarynyň döwrüň talabyna doly laýyk gelýändigini belläp, migrasiýa we beýleki gulluklaryň alyp barýan işlerine ýokary baha berdiler. Duşuşykda jemgyýetde sazlaşykly hereketleriň dowam etmegini gazanmak maksady bilen geljekki wezipeleriň anyk meýilnamasy kesgitlenildi.

26 Iýun 2023

TÜRKSOÝ halkara guramasynyň wekilleri Türkmenabatda myhmançylykda boldular

Türki halklaryň Medeniýet hepdeligine gatnaşmak üçin ýurdumyza gelen TÜRKSOÝ halkara guramasynyň wekilleri welaýatymyzda myhmansöýerlik bilen garşylanyldy. Myhmanlaryň hatarynda gyrgyz, gazak, türk, azerbaýjan, özbek milletleriniň wekilleri bar. Myhmanlar TÜRKSOÝ-yň döredilmeginiň 30 ýyllygy mynasybetli Aşgabat şäherinde Medeniýet hepdeligine gatnaşarlar.

26 Iýun 2023

‹
1
2
...
103
104
105
106
107
108
109
...
262
263
›