Yza gaýtaryp bolmajak görüşiň ýitmekliginiň esasy sebäpleriniň biri garrylyk makulodistrofiýadyr (GMD). Bu patologiýa iki gözde hem ýüze çykyp, 50 ýaşdan uly adamlarda maýyplyga getirýän esasy sebäp bolýar. Dürli maglumatlara görä, 65-75 ýaş aralygynda GMD sebäpli merkezi görüşiň bozulmagy 10%-de, 75 ýaşdan uly adamlaryň 30%-de anyklanylýar [2, 3].
GMD-nyň döremeginde genetiki faktorlara we daşky gurşawa uly orun berilýär. GMD-a getirýän howply kesellere gipertoniýa, ateroskleroz, zyýanly endiklerden çilim çekmeklik degişlidir [1, 3, 4]. GMD-nyň geçişinde irki we giçki döwürler tapawutlandyrylýar.
