Arzyly arzuwlaryň hasyl, Pyragy!

Medeniýet
20 Dekabr 2024
143

19-njy dekabrda Türkmenistanyň Jemgyýetçilik guramalarynyň merkezi binasynda «Pähim-paýhas ummany Magtymguly Pyragy» ýylynyň jemlerine bagyşlanan «Magtymguly Pyragy — berkararlyk şygary» atly dabaraly ylmy maslahat geçirildi. Oňa ýurdumyzyň jemgyýetçilik guramalarynyň, köpçülikleýin habar beriş serişdeleriniň ýolbaşçylary hem-de ýokary okuw mekdepleriniň mugallymlary we talyplary gatnaşdylar. Maslahatda dana şahyryň pähim-paýhas ummanynyň dünýä täsiri dogrusynda Türkmenistanyň Mejlisiniň Başlygynyň orunbasary G.Rozyýew, Türkmenistanyň Demokradtik partiýasynyň başlygy A.Serdarow, Türkmenistanyň Magtymguly adyndaky Ýaşlar guramasynyň Merkezi geňeşiniň başlygy Ý.Keriýew, «Edebiýat we sungat» gazetiniň baş redaktory O.Allaberdiýewa, Aşgabat şäheriniň 17-nji orta mekdebiniň müdiri, Köpetdag etrap Halk maslahatynyň başlygy O.Gaýypowa, Türkmenistanyň Magtymguly adyndaky Ýaşlar guramasynyň Arkadag şäher geňeşiniň bölüm müdiri U.Kakaýewa, Türkmenistanyň Ylymlar akademiýasynyň Magtymguly adyndaky Dil, edebiýat we milli golýazmalar institutynyň direktory D.Orazsähedow, Türkmenistanyň Medeniýet ministrliginiň bölüm başlygy, taryh ylymlarynyň kandidaty A.Baltaýew, Magtymguly adyndaky Türkmen döwlet uniwersitetiniň mugallymy K.Ýazmuhammedow, Ahal welaýatynyň Ak bugdaý etrabynyň 2-nji orta mekdebiniň mugallymy G.Abdyýew dagy çykyş etdiler. Söz ussadynyň şygyrlary hakyndaky ylmy we çeper garaýyşlardan ybarat bolan dabaraly maslahatyň dowamynda ýurdumyzyň medeniýet we sungat işgärleriniň ýerine ýetirmeginde aýdym-sazly çykyşlara giň orun berildi.

Ýörite habarçymyz.
Beýleki habarlar