"Türkmen gündogary" welaýat gazeti

Esaslandyryjysy: Lebap welaýatynyň häkimligi
Salgysy: Türkmenabat şäheri, S.A.Nyýazow şaýoly, 42
Telefon belgileri: 3-14-36, 3-26-83, 3-26-82
Email: turkmengundogary-gazeti@sanly.tm

Gazeti PDF görnüşinde ýükläp almak

Habarlar

Taýýarlyk ýaýbaňlanýar

Mähriban Prezidentimiziň ýolbaşçylygynda Türkmenistanyň Halk Maslahatynyň kabul eden karary esasynda 2021-nji ýylyň 28-nji martynda boljak Türkmenistanyň Milli Geňeşiniň Halk Maslahatynyň agzalarynyň birinji saýlawlaryna ýurdumyzyň ähli künjeginde bolşy ýaly, welaýatymyzda hem taýýarlyk görmek we ony guramaçylykly geçirmek boýunça Merkezi saýlaw toparynyň tassyklan meýilnamasy esasynda işler alnyp barylýar. Gahryman Arkadagymyzyň pähim-parasatly başlangyçlary esasynda ýurdumyzyň Konstitusiýasyna girizilen üýtgetmelere we goşmaçalara laýyklykda, ýurdumyzda hereket edýän kanunçylyk namalarynyň birnäçesine degişli üýtgetmeler we goşmaçalar girizildi. Şolaryň hatarynda «Türkmenistanyň Saýlaw kodeksini» görkezmek bolar. Şuňa laýyklykda, Türkmenistanyň Saýlaw kodeksine Halk Maslahatynyň agzalarynyň saýlawlary diýen ýörite bölüm girizildi. Şol bölümde Türkmenistanyň Konstitusiýasyna we Saýlaw kodeksine laýyklykda, Türkmenistanyň Milli Geňeşiniň Halk Maslahatynyň agzalarynyň saýlawlary gizlin ses bermek arkaly, göni däl (gytaklaýyn) saýlaw hukugynyň esasynda welaýat halk maslahatlarynyň mejlislerinde geçirilýär.

6 Ýanwar 2021

Jemgyýet

Kämil ulgamyň ähmiýeti

Hormatly Prezidentimiziň öňdengörüjilikli ýolbaşçylygynda ykdysadyýeti diwersifikasiýa ýoly bilen ösdürmäge, döwrebaplaşdyrmaga we sanly ulgama geçmäge gönükdirilen giň gerimli özgertmeler amala aşyrylýar. Sanlylaşdyrmak işi ykdysadyýetiň ähli ulgamlaryna düýpli ornaşdyrylýar. “Türkmenistanda 2019 — 2025-nji ýyllarda sanly ykdysadyýeti ösdürmegiň Konsepsiýasynyň” düzgünleriniň yzygiderli ýerine ýetirilmegi ýurdumyzyň mundan beýläk-de ösmegine, işewürlik we maýa goýum işjeňligine, dolandyrmagyň öňdebaryjy usullaryny ornaşdyrmaga ýardam edýär. Sanly ykdysadyýetiň özi ykdysady we durmuş çäreleriniň ählumumy ulgamy bolmak bilen, internetiň mümkinçiliklerine daýanýan ykdysady nusgany emele getirýär. Bu ýerde, esasan zähmet öndürijiliginiň artmagy, önümçilik harajatlarynyň peselmegi we bäsleşige ukyplylygynyň ýokarlanmagy ýaly mümkinçilikler göz öňünde tutulýar. Sanly ykdysadyýetiň ösýän şertlerinde sarp edijileriň islegleri has çalt we ýokary hil derejesinde kanagatlandyrylýar. Sanly ykdysadyýetiň üstünlikli hereket etmegi üçin, esasan, üpjünçilik ulgamy (internetiň elýeterliligi, programma üpjünçiligi, telearagatnaşyk), elektron işewürligi (hojalyk işini kompýuter torlary arkaly dolandyrmak) we elektron söwda (harytlaryň, hyzmatlaryň internet arkaly ýerlenmegi) ýaly üç ugruň berjaý edilmegi zerur bolup durýar.

6 Ýanwar 2021

Jemgyýet

Buýsanjymyz çäksizdir

Berkarar döwletimiziň bagtyýarlyk döwründe Gahryman Arkadagymyzyň ýolbaşçylygynda ýurdumyz uly ösüşleri gazanýar. Türkmenistan —– Bitaraplygyň mekany ýylynda hem ähli ulgamlarda belent sepgitlere eýe bolduk. Täze ýylymyzyň “Türkmenistan —– parahatçylygyň we ynanyşmagyň Watany” diýlip yglan edilmegi bolsa türkmen halkyny diýseň begendirdi. Munuň özi ýurdumyzda parahatçylygyň hem-de ynanyşmagyň höküm sürýändiginiň aýdyň subutnamasy bolup durýar. Diýarymyz beýleki döwletler bilen parahatçylykly gatnaşyklary öňe sürýär. Uly ynam bilen gadam basan bu ýylymyzda hem hormatly Prezidentimiziň öňe sürýän beýik başlangyçlary bilen ähli ulgamlarda gowy ösüşler gazanylar. Abadan durmuşda ýaşamaga, işlemäge döredip berýän mümkinçilikleri üçin hormatly Prezidentimize, alkyşymyz çäksizdir. Goý, milli Liderimiziň jany sag, belent başy aman bolsun!

6 Ýanwar 2021

Jemgyýet

Ajaýyp kitaby okap...

Pähime ýugrulan kitap Gahryman Arkadagymyzyň jöwher paýhasyndan dörän “Türkmenistan —– Bitaraplygyň mekany” atly kitaby türkmen halkymyza hemişelik Bitaraplygymyzyň şanly 25 ýyllyk toýuna sowgat boldy. Taryhy maglumatlara esaslanýan bu eser hormatly Prezidentimiziň eserleriniň üstüni ýetirdi hem-de Bitaraplygymyzyň beren miwelerini bize we geljekki nesillerimize giňişleýin beýan etjek kitap bolup elimize gowuşdy. Kitapda halkara we milli derejede gol çekilen Bitaraplyk hukuk derejesine degişli esasy resminamalar getirilipdir. Şeýle hem kitabyň sahypalarynda Diýarymyzyň taryhynyň möhüm wakalary beýan edilýär.

6 Ýanwar 2021

Jemgyýet

Adam. Jemgyýet. Kanun.

Şanly ýylyň belent sepgitleri Hormatly Prezidentimiziň parasatly ýolbaşçylygynda belent sepgitlere beslenip, taryhy wakalar bilen şöhratlanan Türkmenistan — Bitaraplygyň mekany ýyly tamamlandy. Garaşsyz, Bitarap Türkmenistan döwletimiziň şöhratly taryhyna altyn harplar bilen ýazylan 2020-nji ýylda ata Watanymyzyň hemmetaraplaýyn gülläp ösmegine, türkmen halkynyň ýaşaýyş-durmuş şertleriniň düýpli ýokarlanmagyna gönükdirilen giň möçberli işler rowaç aldy. Garaşsyz döwletimiziň baky Bitaraplygynyň 25 ýyllygynyň uly toýunyň dabarasy dünýä doldy.

6 Ýanwar 2021

Jemgyýet

“01” gullugynda

Jogapkärli döwrüň ýokary talaby Golaýda habarçymyz welaýat polisiýa müdirliginiň ýangyn howpsuzlygy bölüminiň müdiri, içerki gullugyň maýory Orazmyrat Çaryýew bilen duşuşyp, gyş möwsüminde ýangyn howpsuzlygynyň düzgünleri barada gürrüň bermegini haýyş etdi.

6 Ýanwar 2021

Jemgyýet

Durmuş goraglylygynyň hukuk kepillikleri

Ýurdumyzda ata-babalarymyzyň agzybirlik, ynsanperwerlik, sahawatlylyk ýörelgeleri mynasyp dowam etdirilýär. Bu ýörelgeleriň jemgyýetçilik gatnaşyklarynda giň gerim almagyna, adamlaryň hal-ýagdaýynyň, ýaşaýyş-durmuş derejesiniň ýokarlandyrylmagyna aýratyn ähmiýet berilýär. Ilatymyza ýaşaýyş jaý we durmuş hyzmatlary (saglygy goraýyş, bilim ulgamlary boýunça), azyk bolçulygy, tebigy gazyň, elektrik togunyň, arassa agyz suwunyň we nahar duzunyň bahalarynyň elýeterliligi boýunça hukuk kepillikleri döredilýär. Ata-babalarymyzyň durmuş gatnaşyklaryny düzgünleşdirýän ahlak ýörelgelerinden ugur alnyp kämilleşdirilýän kanunlar milli bähbitleriň goraglylygyny üpjün edýär. Munuň özi Gahryman Arkadagymyzyň il-ýurt bähbitli özgertmeleriniň özenini, ýagny adam we onuň eşretli ýaşaýşy baradaky belent maksatlaryny şöhlelendirýär. Döwletimizde her bir adamyň durmuş goraglylygyny kepillendirýän, ynsanperwerlige ýugrulan kadalar Türkmenistanyň Konstitusiýasyndan gözbaş alýar. Esasy Kanunymyzyň 54-nji maddasynda raýatlaryň ýaşy boýunça, näsaglan, maýyp bolan, işe ukyplylygyny, ekleýjisini ýitiren, işsiz galan halatynda we gaýry kanuny esaslar boýunça durmuş üpjünçiligine hukugynyň bardygy beýan edilýär. Mundan başga-da ýaş we köp çagaly maşgalalara, ata-enesinden mahrum bolan çagalara, weteranlara, şeýle-de döwletiň ýa-da jemgyýetiň bähbitlerini goramagyň hatyrasyna saglygyny ýitiren adamlara döwl

6 Ýanwar 2021

Jemgyýet

Milli metbugat: döwrebap şertler we talaplar

Metbugat — döwrüň aýnasy. Döwrüň gündelik keşbi onuň sahypalarynda öz şöhlelenmesini tapýar. Şeýlelik bilen hem döwrüň her demi, ýürek urşy şol sahypalarda taryh bolup galýar. Şu hakda oýlananyňda: «Taryh ilki gazetde ýazylýar» diýen jümle hakydaňa dolýar. Biz bu ýerde döwrüň demi diýip onuň her bir täzeligini, ýürek urşy hökmünde bolsa wakalaryny göz öňünde tutýarys. Olar bir ýerde durman, yzygiderli täzelenip, dowam edip durýar. Döwrüň şol täzelikleridir wakalary bilen döwür bolýandygyny, hut şolar bilen hem dowam edýändigini görüp, duýup bolýar. Berkarar döwletimiziň bagtyýarlyk döwri göwün galkyndyryjy täzelikleri, ykbal özgerdiji wakalary bilen ýurdumyzyň bu günki şöhratly taryhynyň sahypalaryna ýazylýar. Bu ajaýyp döwri esaslandyryjy milli Liderimiz islendik ulgamda alnyp barylýan işlerde döwrüň talabyndan ugur alynmalydygyny hemişe nygtaýar. Şu babatda 2020-nji ýyl döwür bilen aýakdaş gitmekligiň has-da işjeňleşen ýyly boldy diýsek ýalňyşmarys. Bu ýylda ýiti ýokanç kesel zerarly dünýäde dörän ýagdaýlara garamazdan, ýurdumyz ösüşiň täze belentliklerine tarap ynamly ädimlerini birjik-de gowşatmady. Şonuň bilen birlikde-de döwrüň öňde goýan täze wezipelerinden ugur alnyp, sanly ulgamyň mümkinçiliklerinden has işjeň, netijeli peýdalanyldy. Bu jähetden, daşary ýurtly hyzmatdaşlar bilen uzak aralykdan, wideoaragatnaşyk arkaly geçirilen ençeme duşuşyklary, maslahatlary

6 Ýanwar 2021

Jemgyýet

Çar tarapdan, çyn ýürekden

Bagtyýarlyk dessany Ýurdumyzda ýyldan-ýyla bagtyýarlyk dessany ýazylýar. Gahryman Arkadagymyzyň parasatly baştutanlygynda asyrlara barabar beýik işler bitirilýär. Şol beýik işleriň her biriniň waspy dessana laýyk. Şol beýik işleriň waspyndan bagtyýarlyk dessany döreýär. Biz hem ony ýurdumyzda geçirilýän toý-baýramlarda yzygiderli ýerine ýetirip gelýäris.

6 Ýanwar 2021

Jemgyýet

Işjeňlige eýe boldy

Welaýatymyzyň etraplarynda we Tejen şäherinde bilim işgärleriniň usuly-amaly okuwlary geçirildi. Bilim işgärleriniň «Halkymyzyň eşretli, bagtyýar durmuşynyň gözbaşy ylym we bilim ulgamlaryny kämilleşdirmekdedir» diýen şygar astyndaky ýanwar maslahatlarynyň çäginde geçirilen usuly-amaly okuwlar olaryň durmuşynda möhüm ähmiýete eýe boldy. AK BUGDAÝ. Etrapda bilim işgärleriniň usuly-amaly okuwlaryna ýokary taýýarlyklar bilen gelindi hem-de guramaçylykly geçirildi. Geçirilen usuly-amaly okuwlara etrapdaky ähli bilim-terbiýeçilik ojaklarynyň öňdebaryjy işgärleri gatnaşdy.

5 Ýanwar 2021

Jemgyýet

Täze ýylda täze sepgitler

Hormatly Prezidentimiziň başlangyjyndan gözbaş alyp, Türkmenistanyň Mejlisiniň kabul eden Kararyna laýyklykda, “Türkmenistan — Bitaraplygyň mekany” diýlip yglan edilen 2020-nji ýyl tamamlandy. Bilşimiz ýaly, Berkarar döwletimiziň bagtyýarlyk döwrüniň özüne mahsus at bilen gelýän ýyllary Garaşsyz, Bitarap Türkmenistan döwletimiziň durmuş-ykdysady taýdan durnukly ösdürilmeginiň zamanasy bolýar. Döwlet Baştutanymyzyň parasatly ýolbaşçylygynda ata Watanymyz ösüş-özgerişleriň ýeňişli menzillerini külterleýär. Ýap-ýaňy tamamlanan 2020--nji — Türkmenistan — Bitaraplygyň mekany ýyly hem Garaşsyz, Bitarap döwletimiziň şan-şöhrata beslenen taryhyna altyn harplar bilen ýazyldy. Geçen ýylda Garaşsyz döwletimiziň hemişelik Bitaraplygynyň 25 ýyllygynyň uly toýunyň buýsançly dabarasy dünýä doldy. Şu taryhy senäniň dabaraly bellenilen ýylynda ýetilen belent sepgitlere, şanly wakalara ser salanyňda ýap- ýaňy jemi jemlenen ýylda milli Liderimiziň parasatly ýolbaşçylygynda döwlet ähmiýetli, il-gün bähbitli ägirt uly işleriň bitirilendigi guwanjyňa guwanç goşýar. 2020-nji ýylda ata Watanymyzy durmuş-ykdysady taýdan ösdürmekde ýokary görkezijiler gazanyldy. Senagatda, oba hojalygynda gazanylan üstünlikler ösüş-özgerişli ýolumyzyň rowaç alýandygyny subut etdi. 2020-nji ýylda dänäniň we “ak altynyň” bereketli hasylyny ýygnap döwlete tabşyrmakda guwançly netijeler gazanyldy. Elektroenergetika, nebitga

5 Ýanwar 2021

Jemgyýet

Täze ýyl arzuwlary

Täze ýyl baýramçylygy örän üýtgeşik baýramçylyklaryň biri. Sebäbi, Täze ýyl ähli ynsanlaryň kalplaryna nur paýlap, adamlary uly-uly umytlara, owadan arzuwlara besleýär. Täze ýyl ajaýyp baýramçylyk bolup, dünýäniň ähli künjeklerinde baýram edilýär. Bu baýramçylyk maşgala baýramy hökmünde hem giňden bellenilip geçilýär. Öz senenamalarynda milli däplere ýykgyn edýän halklaryň köpüsinde Täze ýyl baýramçylygyny bellemek örän möhüm çäreleriň biri bolup durýar.

5 Ýanwar 2021

Jemgyýet

Ýeňijilere üstünlik arzuw edýäris

Berkarar döwletimiziň bagtyýarlyk döwründe hormatly Prezidentimiziň ýolbaşçylygynda döredijilik bilen meşgullanýanlaryň sany günsaýyn artýar. Eziz Watanymyzyň, Gahryman Arkadagymyzyň beýik işleriniň, bagtyýar halkymyzyň, ene topragymyzyň, gözel tebigatymyzyň waspyny ýetirýän ýazyjy-şahyrlaryň erkin döretmegi üçin ähli mümkinçilikler bar. Döredijilik dünýäsinde gulaçlap ýüzýän galamdaşlarymyz bu günki günde joşgunly zähmet çekýärler. Biziň «Maru — şahu jahan» welaýat gazetimiz bilen ýakyn aragatnaşyk saklaýan ildeşlerimiziň döredijiliginde ukyp-başarnyk bar. Makaladyr hekaýalary, goşgulary bilen gazetimizde yzygiderli çykyş edýän döredijilik adamlary üçin ýörite bäsleşikler guralýar.

5 Ýanwar 2021

Jemgyýet

Senenamalar hakynda

Biziň döwrümiz ylmyň, tehnologiýalaryň ösen döwri bolup, geçen wakalaryň ýyllaryny, islendik eseriň ýazylan wagtyny, bizi gyzyklandyrýan taryhy şahsyýetleriň, isle, ýazyjy bolsun, isle, alym, olaryň doglan, ýaşan wagtlaryny bilmek iň aňsat zatlaryň birine öwrüldi. Bu zatlary bilmek hem-de bellemek üçin örän oňaýly bolan kalendarlar (senenamalar) ulanylýar. Häzirki ulanylýan senenamalarymyzyň hasaby nireden gelip çykypdyr? Adamzat taryhynda ulanylan we ulanylýan senenamalarynyň sany onlarçadyr we dürli-dürlidir. Taryhy çeşmeleriň habar bermegine görä, 6 müň ýyldan gowrak taryhy bolan senenamalar öz gözbaşyny gadymy Müsürden alyp gaýdypdyr. Biz makalamyzda giňden ýaýran we uzak ýyllaryň dowamynda ulanylyp gelýän Milady we Hijri senenamasy barada durup geçmekçi.

5 Ýanwar 2021

Jemgyýet

Täze Ýylyň «Türkmenistan — parahatçylygyň we ynanyşmagyň Watany» şygaryna bagyşlanan maslahat

AŞGABAT, 4-nji ýanwar (TDH). Şu gün paýtagtymyzdaky Jemgyýetçilik guramalarynyň merkeziniň mejlisler zalynda 2021-nji ýylyň «Türkmenistan — parahatçylygyň we ynanyşmagyň Watany» atly şygarynyň yglan edilmegine bagyşlanan maslahat geçirildi. Dabaraly çärä Mejlisiň, jemgyýetçilik guramalarynyň, syýasy partiýalaryň, ýokary okuw mekdepleriniň hem-de köpçülikleýin habar beriş serişdeleriniň ýolbaşçylary hem-de wekilleri gatnaşdylar. Mälim bolşy ýaly, hormatly Prezidentimiz Gurbanguly Berdimuhamedowyň başlangyjy bilen tassyklanan bu şygar halkymyzdan, döwlet edaralaryndan, iri jemgyýetçilik guramalaryndan hem-de syýasy partiýalardan gelip gowşan köp sanly teklipler nazara alnyp, öňe sürüldi.

5 Ýanwar 2021

Jemgyýet

Çar tarapdan, çyn ýürekden

Ahmet HALMYRADOW, «Abiwerd» taryhy-medeni döwlet goraghanasynyň ýolbaşçysy, Türkmenistanyň at gazanan medeniýet işgäri: — Arkadagly döwrümiziň her bir ýyly durmuşymyzy şatlyga we bagta besleýär. Baky Bitaraplygymyzyň şanly 25 ýyllygynyň uludan toýlanan ýyly hem ykballary gülleden ajaýyp wakalara örän baý boldy. Gurlup, ulanylmaga berlen durmuş-medeni, önümçilik maksatly desgalar, halk hojalygynyň dürli ulgamlarynda gazanylan üstünlikler halkymyzyň ýaşaýyş-durmuş derejesiniň gowulanmagyna oňyn täsirini ýetirmek bilen, her birimizi has-da netijeli, döredijilikli işlemäge ruhlandyrýar.

5 Ýanwar 2021

Jemgyýet

Çaga gülküsi — parahatçylygyň owazy

Sizde-de şeýlemi? Täze ýyl baýramy ýakynlaşyp başlaýar welin, öýdäki çagalaryň kalbyna egsilmez şatlyk bilen sabyrsyzlyk dolýar. Onsoň, eýýäm dekabryň ortasynda öýde ýa-da howluda arça bezeler-de, şol arça tä ýanwaryň ortasyna çenli bezelgiligine galar. Şol bir aý çemesi wagtyň içinde öýdäki ähli şatlyk-şagalaň bezemen arçanyň töweregindedir. Çagalar barada gürrüňem ýok, şol günler ulular hem edil çaga ýaly şatlanyşar. Ulular başga wagt çaga ýaly hereket etse geňirgeniler, ýöne Täze ýyl baýramynda olary hemmeler bagyşlar. Näme üçinkä?! Sebäbi belli. Täze ýyl baýramy çagalaryň dünýäsine has ýakyn. Bu baýramyň çagalaryň ruhuna ýakyn reňbe-reňlige, şatlyk-şowhuna, täze başlangyja beslenýändigi ony çagalaryň dünýäsine has ýakynlaşdyrýar. Üns berseňiz, şu gezekki Täze ýyl ýene-de çagalaryň baýramyna öwrüldi. Eýýäm baýrama on gün galanda hormatly Prezidentimiz Aýazbabadyr Garpamygyň üsti bilen ýurdumyzyň orta mekdepleriniň birinji synp okuwçylaryna Täze ýyl sowgatlaryny — döwrebap noutbuklary ýollady. Berkarar Diýarymyzyň ähli sebitlerinde körpeleriň müňlerçesi Täze ýyl baýramyny arzuwlardan hem zyýada gelýän ajaýyp sowgat bilen garşyladylar. 2011-nji ýyldan bäri dowam edip gelýän bu däbiň şu gezekki esasy aýratynlygy çagalara Türkmenistanda öndürilen döwrebap kompýuterleriň gowşurylmagydyr. «Agzybirlik tilsimaty» bilelikdäki kärhanasy tarapyndan öndürilen noutbuklaryň mümkinç

5 Ýanwar 2021

Jemgyýet

Bagtly günler ýardyr mydam ilime

Berkarar döwletimiziň bagtyýarlyk döwründe, hormatly Prezidentimiziň parasatly baştutanlygynda, eziz Diýarymyz ösüşli ýollarda bedew bady bilen öňe barýar. «Türkmenistan — parahatçylygyň we ynanyşmagyň Watany» ýyly mynasyp sowgatlar bilen garşylandy. Garaşsyzlygymyzyň 30 ýyllyk şanly toýuna barýan ýurdumyzda dürli ugurlar boýunça ýetilen sepgitleriň, durmuşa geçirilýän beýik işleriň sanasaň sogaby kän. Halkymyzyň asuda, parahat ýurtda bagtyýar ýaşamagy üçin alnyp barylýan işler günden-güne, ýyldan-ýyllara has-da belent derejelere ýetýär. Mähriban Arkadagymyzyň alyp barýan adyl syýasaty, ýurdumyzy mundan beýläk-de ösdürmek we her bir raýatyň iş, okuw, ýaşaýyş şertleriniň öňküden-de gowulanmagy babatda gol çekýän Kararlarydyr Permanlary halkymyz tarapyndan goldanylýar. Her ýylyň başynda zähmet haklaryny, talyp haklaryny, döwlet kömek pullaryny, pensiýalary 10 göterim galdyrmak barada karar kabul edilýär. Gahryman Arkadagymyz tarapyndan däbe öwrülip durmuşa geçirilýän bu işler halkymyzyň kalbynda buýsanç duýgusyny döredýär we şeýle bagta mynasyp bolan ildeşlerimiz mähriban Arkadagymyzyň adyna bolan alkyşly sözlerini dile getirýärler:

4 Ýanwar 2021

Jemgyýet

Düýpli özgerişlikleriň berk binýady

Ata Watanymyz Türkmenistan gün-günden ösýär, özgerýär. Özgerýän döwletde raýat hukuklary hem döwrebap derejede goralýar. Garaşsyz, baky Bitarap Türkmenistanyň Baş Kanuny ― Konstitusiýasy ähli türkmenistanlylaryň bagtyýar ýaşamagynyň, öndürijilikli zähmet çekmeginiň hukuk taýdan kepilnamasydyr. Gahryman Arkadagymyz: «Türkmenistanyň Konstitusiýasy kanun çykaryjylygyň çeşmesidir» diýip belleýär. Bu hakykatdan hem şeýle. Ýurdumyzyň Baş Kanuny döwlet gurluşynyň, onuň dolandyrylyşynyň raýatlaryň hukuklarynyň we azatlyklarynyň esasy hukuk aňladyjysy hökmünde durmuş synagyndan geçdi. Oňa birnäçe gezek üýtgetmeleriň we goşmaçalaryň girizilmegi ýurdumyzyň ösüşinde syýasy, hukuk, ykdysady taýdan uly özgertmeleriň bolup geçendigi bilen baglanyşyklydyr. Soňky ýyllarda ýurdumyzda raýatlaryň durmuş taýdan goraglylygy has hem güýçlendirildi. Il bähbitli kanunlaryň ençemesi kabul edildi. Ilatyň durmuş taýdan goraglylygyny üpjün edýän ol resminamalarda Berkarar döwletiň bagtyýarlyk döwrüniň ruhy, şeýle hem milli Liderimiziň yglan eden «Döwlet adam üçindir!» diýen ýörelgesi öz beýanyny tapýar. Şol kanunlar raýatlaryň hukuklaryny giňeldip, jemgyýetimize demokratiýanyň çuňňur ornaşdyrylmagyny üpjün etdi, zähmet gatnaşyklarynyň hukuk taýdan kämil binýadyny goýdy. Hukuk ulgamyndaky özgerişlikler ýene-de üstünlikli dowam etdirilýär. Türkmenistanyň Mejlisi tarapyndan milli kanunçylyk binýadyny kämilleş

4 Ýanwar 2021

Jemgyýet

Ilatyň abadan ýaşaýşy üçin

Ýagşy umyt-arzuwlara beslenip, Täze — 2021-nji ýyl bosagamyzdan ätledi. Abadan şu gününe guwanýan, nurana geljegine çäksiz ynanýan agzybir we bagtyýar halkymyz Gahryman Arkadagymyzyň daşyna berk jebisleşip, Türkmenistan — parahatçylygyň we ynanyşmagyň Watany ýylyna belent ruh bilen ynamly gadam goýdy. Täze başlanan ýylyň hem halkymyzyň bagtyýarlygyna we abadançylygyna beslenjekdigine şek-şübhe bolup bilmez. Munuň şeýledigine eýýäm 2021-nji ýylyň ilkinji günlerinden ildeşlerimiziň köpeldilen pensiýalaryny we döwlet kömek pullaryny alyp başlamagy hem aýdyň şaýatlyk edýär. «Döwlet adam üçindir!» Hormatly Prezidentimiziň şu dünýä nusgalyk ýörelgesi barha we barha dabaralanýar. Ata Watanymyzda ilatyň ähli gatlaklaryny durmuş taýdan goldamak we goramak babatynda bitirilýän işler haýran galdyryjydyr. Ine, indi köp wagtdan bäri her ýylda aýlyk zähmet haklary, pensiýalar hem-de döwlet kömek pullary, talyp we diňleýji haklary yzygiderli ýokarlandyrylyp gelinýär. Şeýle ilhalar çözgüt Gahryman Arkadagymyzyň jaýdar belleýşi ýaly, mähriban halkymyzyň mundan beýläk-de abadan we bagtyýar durmuşda ýaşamagyny üpjün etmeklige gönükdirilendir.

4 Ýanwar 2021

Jemgyýet