"Türkmen gündogary" welaýat gazeti

Esaslandyryjysy: Lebap welaýatynyň häkimligi
Salgysy: Türkmenabat şäheri, S.A.Nyýazow şaýoly, 42
Telefon belgileri: 3-14-36, 3-26-83, 3-26-82
Email: turkmengundogary-gazeti@sanly.tm

Gazeti PDF görnüşinde ýükläp almak

Habarlar

Ýol hereketiniň howpsuzlygy — ömrümiziň rahatlygy

Ajaýyp zamanamyzda ýollaryň ugrunda döwrebap duralgalaryň, ýerasty, ýerüsti geçelgeleriň, ýolyşyklaryň we beýleki degişli belgileriň bolmagy sürüjilere we pyýadalara hereket etmekde amatly şertleri döredýär. Ýol-ulag hadysalarynyň öňüni almakda sürüjileriň üstüne uly jogapkärçilik düşýär. Ýolda dyknyşyk döräp, haýal hereket edilende we durlanda, öňden barýan ulaga çenli aralyk, adatdan daşary ýagdaýlardan başga ýagdaýlarda, azyndan 2 metr bolmalydyr.

25 Sentýabr 2024

Jemgyýet

Asudalygyň goragynda

Netije başarnyga bagly “Pähim-paýhas ummany Magtymguly Pyragy” diýlip yglan edilen üstümizdäki ýyly belent sepgitler bilen şöhratlandyrmagy maksat edinýän il-günümiz döredijilikli zähmet çekýär. Şeýle ajap eýýamymyzda halkymyzyň asudalygyny, rahat, abadan durmuşyny üpjün etmegiň wezipesi içeri işler edaralarynyň işgärleriniň paýyna düşýär. Şu wezipäniň ýerine ýetirilmegi bolsa, ýadawsyz aladany talap edýär.

25 Sentýabr 2024

Jemgyýet

“Ýol hereketiniň howpsuzlygy — ömrümiziň rahatlygy” atly biraýlyk tamamlanyp barýar

Abadan durmuşyň kepili Hormatly Prezidentimiziň ýol hereketiniň howpsuzlygyny üpjün etmek bilen bagly aladalary halkymyzyň abadan, asuda durmuşy barada tagallalaryndan gözbaş alýar. Ýol hereketiniň howpsuzlygynyň biraýlygynda çagalar bilen bagly hadysalaryň öňüni almaklyga uly üns berýäris.

25 Sentýabr 2024

Jemgyýet

Howpsuz hereket — bagtyýar durmuş

Täze taryhy döwrümizde Arkadagly Gahryman Serdarymyzyň parasatly baştutanlygynda ýurdumyzyň ulag düzümini döwrebaplaşdyrmak we ösdürmek bilen bagly giň gerimli işler durmuşa geçirilýär. Döwrümiziň bezegine öwrülen ýollar gözel paýtagtymyzy ähli welaýat merkezleri, şäherler we şäherçeler, obalar bilen birleşdirýär. Döwrebap ýollarda iň kämil, häzirki zaman yşyklandyryjylaryň goýulmagy, köçeleriň salgysyny görkezýän ugur görkezijileriň ýerleşdirilmegi, sowma ýollaryň gurulmagy ýol hereketine gatnaşyjylaryň ählisiniň howpsuzlygyna we ýol-ulag hadysalarynyň döremeginiň öňüni almaga gönükdirilendir. Giň ýollarymyzdaky döwrebap ýol belgileridir ýol çyzgylary hereket howpsuzlygynyň möhüm şertleriniň biridir. Çünki durmuşymyzyň möhüm bölegi bolan ak ýollaryň ugrunda döwrebap duralgalaryň, ýerasty we ýerüsti geçelgeleriň, kadaly hereketi üpjün edýän ýolyşyklaryň hem-de beýleki degişli ýol belgileriniň bolmagy sürüjilere, pyýadalara zerur şertleri döredýär.

25 Sentýabr 2024

Jemgyýet

Ýollar — abat, il — asuda

Golaýda polkownik Amangeldi Berdiýewiň ýolbaşçylyk edýän garnizonynyň çäginde ýerleşýän harby bölümlerde, harby edara-kärhanalarda zähmet çekýän hünärmenleriň, sürüjileriň, umuman, ýol hereketine gatnaşyjylaryň gatnaşmagynda Harby awtomobil gözegçiliginiň müdiri, podpolkownik Merdan Amadyýewiň guramagynda etrabyň polisiýa bölüminiň polisiýanyň ýol gözegçilik bölümçesiniň uly gözegçisi, polisiýanyň kapitany Tugur Tugurow bilen bilelikde wagyz-nesihat çäresi geçirildi. Çäräniň dowamynda oňa gatnaşyjylar bagtyýar döwrüň abadan ýollarynyň howpsuzlygynyň hemmämize baglydygy barada aýratyn nygtaldy. Rejepmuhammet TOKGAÝEW, borçnama boýunça harby gullugyň starşinasy.

25 Sentýabr 2024

Jemgyýet

Ynsanperwerlik ýörelgeleriniň mynasyp dowamy

Şu gün Türkmenabat şäher häkimliginde hormatly Prezidentimiziň Permanyna laýyklykda Türkmenistanyň raýatlygyna kabul edilenlere pasportlaryň gowşurylyş dabarasy boldy. Munuň özi berkarar döwletimizde ynsanperwerlik ýörelgelerine ygrarlylygyň, halkara hukuk kadalaryna eýerilýändiginiň nobatdaky subutnamasyna öwrüldi. Bilşimiz ýaly, mukaddes Garaşsyzlygymyzyň 33 ýyllyk baýramynyň öň ýanynda kabul edilen bu çözgüde laýyklykda, welaýatymyzyň çäginde hemişelik ýaşaýan adamlaryň 456-sy raýatlyga kabul edildi we 31 adama ýaşamak üçin ygtyýarnama berildi. Dabarada çykyş edenler ýurdumyzda adam hukuklarynyň we azatlyklarynyň goralýandygyny, raýatlaryň abadan durmuşy ugrunda yzygiderli alada edilýändigini, dürli milletleriň wekilleriniň agzybirlikde ýaşamaklaryna we zähmet çekmeklerine giň mümkinçilikleriň döredilýändigini nygtadylar.

25 Sentýabr 2024

Jemgyýet

Maslahata gatnaşyjylara söz berýäris

Düýn ak mermerli paýtagtymyzda geçirilen Türkmenistanyň Halk Maslahatynyň nobatdaky mejlisine welaýatymyzdan hem jemgyýetçiligiň dürli gatlaklarynyň wekilleri gatnaşdy. Garaşsyz Watanymyzyň jemgyýetçilik-syýasy durmuşynda möhüm waka öwrülen şol maslahata gatnaşan ildeşlerimiziň birnäçesiniň ýürek buýsançly sözlerini okyjylarymyza ýetirýäris.

24 Sentýabr 2024

Jemgyýet

Garaşsyzlyk — ganatymyz, bagtymyz

Ahal welaýat kitaphanasynda «Garaşsyzlyk — ganatymyz, bagtymyz» ady bilen baýramçylyk duşuşygy geçirildi. Türkmenistanyň Garaşsyzlyk güni mynasybetli bolan duşuşyga kitaphana işgärleri hem-de okyjy ýaşlar gatnaşdy. Duşuşyga gatnaşmaga gelenler, ilki bilen, baýramçylyk kitap sergisine aýlanyp gördüler. Türkmen halkynyň Milli Lideri Gahryman Arkadagymyzyň we hormatly Prezidentimiz Arkadagly Gahryman Serdarymyzyň ajaýyp kitaplary serginiň özboluşly bezegi boldy. Kitaphana hünärmenleri sergide görkezilen kitaplaryň baý many-mazmuny we terbiýeçilik ähmiýeti barada täsirli gürrüň berdiler.

24 Sentýabr 2024

Jemgyýet

Naý­ba­şy to­ýu­my­zyň şa­ny­na

Şu gün­ler ýur­du­my­zyň äh­li ýe­rin­de bol­şy ýa­ly, Ahal we­la­ýa­tyn­da hem mu­kad­des Ga­raş­syz­ly­gy­my­zyň şan­ly 33 ýyl­ly­gy my­na­sy­bet­li baý­ram­çy­lyk da­ba­ra­la­ry giň ge­ri­me eýe bol­ýar. Da­ba­ra­la­ra bag­ty­ýar il­deş­le­ri­miz toý joş­gu­ny bi­len gat­naş­ýar­lar. GÖK­DE­PE. Et­rap mer­ke­zin­dä­ki «Gök­de­pe» toý me­ka­nyn­da Wa­ta­ny­my­zyň naý­ba­şy to­ýu­nyň şa­ny­na saz-söh­be­de bes­le­nen da­ba­ra ge­çi­ril­di. Baý­ram­çy­lyk da­ba­ra­sy­ny et­rap hä­kim­li­gi, et­ra­byň jem­gy­ýet­çi­lik gu­ra­ma­la­ry hem-de me­de­ni­ýet bö­lü­mi bi­le­lik­de gu­ra­dy.

24 Sentýabr 2024

Jemgyýet

Ilkinji goşar sagady

Adamzat taryhynda ençeme açyşlar, oýlap tapyşlar amala aşyryldy. Dürli pudaklary öz içine alýan bu täze açyşlary has-da kämilleşdirmek maksady bilen, hünärmenler yzygiderli zähmet çekýärler. Häzirki wagtda hut şol pudak bilen gyzyklanýan bolaýmasaň, ol zatlaryň özgeriş tizligine ýetişmek diýseň kyn. Şeýle gün-günden kämilleşýän enjamlaryň biri hem goşar sagatlarydyr. Goşar sagatlarynyň taryhy bilen baglanyşykly ençeme maglumatlar bar. muňa garamazdan, taryhçylaryň aglabasy ilkinji goşar sagadynyň 1869-njy ýylda Patek Filip tarapyndan işlenilip düzülendigini belleýärler. 1880-nji ýylda Konstand Girard bu goşar sagadyny has-da kämilleşdirip, germaniýaly deňizçileriň takyk hereket etmeklerini gazanypdyr.

24 Sentýabr 2024

Jemgyýet

Ruhubelentlige beslenen maslahat

Türkmenistanyň Gyzyl Ýarymaý Milli jemgyýetiniň merkezi edarasynyň mejlisler jaýynda «Arkadag Serdarly Watanyň şöhraty Garaşsyzlyk» ady bilen dabaraly maslahat geçirildi. Magtymguly Pyragynyň doglan gününiň 300 ýyllygy, şanly Garaşsyzlygymyzyň 33 ýyllyk baýramy mynasybetli geçirilen bu maslahata Türkmenistanyň Gyzyl Ýarymaý Milli jemgyýetiniň merkezi edarasynyň we Ahal welaýat bölüminiň işgärleri, meýletinçileri hem-de döredijilik işgärleri gatnaşdy. Maslahaty Türkmenistanyň Gyzyl Ýarymaý Milli jemgyýetiniň başlygy M.Açylowa açyp, oňa gatnaşyjylary Watanymyzyň şanly Garaşsyzlygynyň 33 ýyllygy mynasybetli gutlady hem-de bu senäniň giňden dabaralandyrylmagynyň ähmiýetini belledi. Maslahatyň barşynda çykyşlaryň başga-da birnäçesi diňlendi. Türkmenistanyň Prezidentiniň ýanyndaky Döwlet gullugy akademiýasynyň mugallymy, şahyr Gülşirin Hanowanyň, «Watan» gazetiniň bölüm redaktory Çemen Annaberdiýewanyň, «Edebiýat we sungat» gazetiniň işgärleri Kerimberdi Hakberdiýewiň, Süleýman Haýdarowyň, Aşgabat şäheriniň ýaşaýjysy Ogulnabat Owlakowanyň çykyşlary diýseň täsirli boldy. Olar ýurt Garaşsyzlygy ýyllary içinde Watanymyzyň ýeten belent derejeleri, arşa göterilen şan-şöhraty, täze taryhy döwrümizde durmuşa geçirilýän taryhy ähmiýetli işler dogrusynda buýsanç bilen söhbet açyp, ýazan goşgularyny labyzly okadylar.

24 Sentýabr 2024

Jemgyýet

Döwrebap desga ulanmaga berildi

Mukaddes Garaşsyzlygymyzyň 33 ýyllyk şanly baýramynyň bosagasynda Babadaýhan etrap merkezinde etrap polisiýa bölüminiň polisiýanyň ýol gözegçiligi gullugynyň awtoulaglaryň tehniki ýagdaýyny anyklaýyş we hasaba alyş toparynyň täze, döwrebap edara binasy açylyp, ulanylmaga berildi. Munuň özi naýbaşy toýumyzyň dabaralarynyň üstüni ýetiren şatlykly waka öwrüldi. Täze, döwrebap desganyň öňündäki toý meýdançasyna säher bilen içeri işler edaralarynyň, jemgyýetçilik guramalarynyň wekilleri, dili senaly ýaşulular, mährem eneler we beýleki myhmanlar ýygnandylar. Bu ýerde ajaýyp wakanyň şanyna geçen dabarada gutlag çykyşlary aýdyldy. Çykyş edenler ak ýollarymyzda hereket sazlaşygyny üpjün etmekde, ýol-ulag hadysalarynyň öňüni almakda, ýollarda hereket howpsuzlygyny gazanmakda ulagyň tehniki taýdan gurat bolmagynyň möhüm şertleriň biridigini belläp, awtoulaglaryň tehniki ýagdaýyny anyklaýyş we hasaba alyş toparynyň täze, döwrebap edara binasynyň bu ugurdaky ähmiýetiniň uludygyny nygtadylar.

24 Sentýabr 2024

Jemgyýet

Täze binanyň açylyş dabarasy

Mukaddes Garaşsyzlygymyzyň 33 ýyllyk şanly baýramynyň bosagasynda Türkmenistanyň Döwlet migrasiýa gullugynyň Ahal welaýaty boýunça müdirliginiň Sarahs etrap bölüminiň durky täzelenen döwrebap binasynyň dabaraly ýagdaýda açylyp ulanylmaga berilmegi ajaýyp toý sowgady boldy. Dabara harby gullukçylardan başga-da il sylagly ýaşulular, kümüş saçly eneler, jemgyýetçilik guramalarynyň wekilleri gatnaşdylar. Döwrebap binanyň açylyş dabarasynda Türkmenistanyň Döwlet migrasiýa gullugynyň başlygynyň orunbasary Döwran Baýramow, gullugyň Ahal welaýaty boýunça müdirliginiň harby gullukçysy, maýor Tirkiş Şiralyýew, Sarahs etrabyndan ýaşuly nesliň wekili Rejep Amangylyjow we beýlekiler çykyş edip, şatlykly waka mynasybetli ol ýere ýygnananlary gutladylar. Olar çykyşlarynda Arkadagly Gahryman Serdarymyzyň halkymyzyň, şol sanda harby gullukçylaryň we olaryň maşgala agzalarynyň bagtyýar durmuşda ýaşamagyny üpjün etmekde döredýän giň we amatly şertlerine özleriniň hoşallyklaryny beýan etdiler.

24 Sentýabr 2024

Jemgyýet

Ýagşylyk (durmuş pursaty)

Heniz çaga wagtym ejem özümden kiçi jigilerim bilen gümra bolansoň, men hemişe enemiň ýanyndadym. Enem meni ezizlärdi, gujagyna alyp, başymdan sypalap, söýerdi. Ol hemişe öz ýanyna gelýän myhmanlar üçin ýygşyryp goýýan nohutdyr kişmişlerinden, hozdur maňyzlaryndan maňa-da bererdi. Ol nirä gitse menem yzyndan galmazdym. Soňabaka bir ýere ýolagçy bolsa enemiň özi meni gözlärdi. Ol golaý-goltumda maňa gözi düşmese: «Hany meniň tokarjam, buýra saçly guzym nirede, Akpamygyň kökejigi nirede?!» diýip, meni gözläp, çar ýanyna garanjaklardy. Men enemiň sesini eşidenimden ylgap onuň ýanyna barardym. Şol gün hem men onuň bilen obamyzyň çetindäki enemiň aýal dogany — Ajap ejäniň agtygynyň pişme toýuna gidipdim. Baranymyzda toý şatlyk bilen şowhuna beslenipdi. Märekeden ýaňa aşyk oklasaň ýere gaçarly däldi. Enem giň eýwanda saçak edip oturan daýzalaryň ýanyna bardy-da, olar bilen saglyk-amanlyk soraşdy. Soňra bolsa gujaklaşyp salamlaşyp aýal doganyna getiren saçagyny uzatdy. Ajap eje giň eýwanyň töründe ekiz bäbejikler üçin ýörite ýasalan sallançaga elini uzatdy-da, eneme: «Bar Bossan jan, agtyjaklarymy ýüzüňe syl, Hydyr gören goşa çynarymdyr olar, seniň perzentleriňe-de Hudaý ýetirsin!» diýip göwnühoşluk bilen ýylgyrdy.

24 Sentýabr 2024

Jemgyýet

Ak ýollaryň asudalygy

Gahryman Arkadagymyzyň parasatly başlangyjy, hormatly Prezidentimiziň taýsyz tagallalary bilen däbe öwrülip, her ýyl yglan edilýän «Ýol hereketiniň howpsuzlygy – ömrümiziň rahatlygy» atly biraýlyk ýurdumyzda täze okuw ýylynyň başlanmagyna gabat gelýär. Şonuň üçin hem biz – polisiýa bölüminiň işgärleri şu jogapkärli döwürde çagalar baglarynda, orta mekdeplerde dürli çäreleri geçirmäge aýratyn üns berýäris. Mekdep okuwçylarynyň aglabasy okuwa özbaşdak gatnaýarlar. Bu bolsa olaryň ýol hereketiniň kadalaryny bilmeklerini, olary berjaý etmek endiklerini ele almaklaryny talap edýär. Şonuň üçin Ýol gözegçilik gullugynyň wekilleri ýurdumyzyň dürli künjegindäki mekdeplerde bolup, okuwçylar bilen söhbetdeşlikleri guraýarlar. Biraýlygyň adyndan görnüşi ýaly, ýollardaky howpsuz hereket ömrümiziň rahatlygyny üpjün edýär. Şu nukdaýnazardan, ýol hereketiniň düzgünleri hemişe doly we dogry berjaý edilmelidir. Sürüjiler, ýolagçylar, pyýadalar hem hereketiň howpsuzlygyny gazanmakda özlerine düşýän jogapkärçiligi bilmelidirler we işjeň gatnaşmalydyrlar.

24 Sentýabr 2024

Jemgyýet

Täsin poçta gutulary

Tehnikanyň ösmegi netijesinde, aragatnaşyk ulgamynda birek-birek bilen hat alyşmak hem internet hyzmatynyň üsti bilen sanly enjamlar arkaly amala aşyrmak ýörgünli boldy. Ýöne adamlaryň arasynda haty adaty poçta bilen ugradýanlar hem az däl. 1999-njy ýylda Ýaponiýanyň Sumami şäherçesiniň golaýynda ýerleşýän Wakaýama adasyndaky suwasty poçta welin, her kimi geň galdyrdy. Bu suwasty poçta gutusy deňziň 10 metr çuňlugynda ýerleşip, «Iň çuň ýagdaýda ýerleşen suwasty poçta» hökmünde Ginnesiň rekordlar kitabyndan hem orun aldy. Aragatnaşygyň suwasty poçta görnüşi Wakaýamada bellenilip geçilýän baýramçylyklaryň birinde açylyp, onuň esasy maksady syýahatçylary şäherçä, ada gezelenje gelmäge çekmekdi. Suw astynda poçta gutusyny goýmak pikiri şäher aragatnaşyk ulgamynyň başlygyna gelipdi we ol üstünlikli amala aşyryldy. Çünki suwasty ýüzüş bilen meşgullanýan syýahatçylaryň we ada dynç almaga gelen jahankeşdeleriň bu poçta gutusynyň üsti bilen hat ýollamak usuly göwnünden turdy.

24 Sentýabr 2024

Jemgyýet

Maslahatly il myrada ýeter

Berkarar döwletimizde her ýyl Baş baýramymyzyň öňýany Halk Maslahatyny geçirmek asylly däbe öwrüldi. Bu däbe eýerip, mukaddes Garaşsyzlygymyzyň 33 ýyllyk toýunyň şatlyk-şagalaňly dabaralarynyň bütin ýurdumyzy gurşap alan ajaýyp günleriniň birinde, ýagny 24-nji sentýabrda gözel paýtagtymyzyň Maslahat köşgünde türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň başlyklyk etmeginde, hormatly Prezidentimiz Serdar Berdimuhamedowyň gatnaşmagynda Türkmenistanyň Halk Maslahatynyň nobatdaky mejlisi geçirildi. Turuwbaşdan, Halk Maslahatynyň mejlisiniň örän netijeli hem üstünlikli geçendigini bellemek isleýäris. Döwletimiziň durmuşynda taryhy ähmiýetli waka öwrülen umumymilli forumda Gahryman Arkadagymyz çykyş edip, geçen döwürde Halk Maslahatynyň alyp baran işleri, döwletimiziň il-ýurt bähbitli içeri we hoşniýetli daşary syýasaty, daşary ýurtlara amala aşyrylan saparlar, Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň işleri hakynda aýtdy. Döwletimizi has-da gülledip ösdürmek, halkymyzy mundan-da bagtyýar we eşretli durmuşda ýaşatmak maksady bilen öňde duran wezipeleri üstünlikli ýerine ýetirmek üçin hemmeleriň kalbynda Watana bolan beýik söýginiň, agzybirligiň, jebisligiň, zähmetsöýerligiň gaýnap-joşmalydygyny nygtady.

24 Sentýabr 2024

Jemgyýet

Soňky sütün

—1990-njy ýylyň 14-nji dekabrynda Birleşen Milletler Guramasynyň Baş Assambleýasy her ýylyň 1-nji oktýabryny «Ýaşulularyň Halkara güni» diýip yglan etdi. Berkarar döwletimizde hem indi birnäçe ýyldan bäri bu Halkara gün döwlet derejesinde bellenilýär. — Bütindünýä saglygy goraýyş guramasy 60-75 ýaşy — irki ýaşululyk; 75-90 ýaşy — giçki ýaşululyk; 90-dan ýokary ýaşy uzak ömür diýip üç basgançaga bölýär.

24 Sentýabr 2024

Jemgyýet

Kämil usullara daýanmak bilen

Ylmyň we tehnikanyň täze gazananlarynyň işimize ornaşdyrylmagy oňyn netijeleri gazanmagyň möhüm şertleriniň biridir. Hormatly Belent Serkerdebaşymyz bu meseläni mydama üns merkezinde saklaýar we degişli tabşyryklary berýär. Şolara laýyklykda biziň müdirligimiz hem döwrebap enjamlar bilen üpjün edilýär. Munuň özi welaýatymyzyň etraplaryndan zerur maglumatlary toplamak, saklamak we olary seljermek üçin giň mümkinçilikleri döredýär. Şeýle-de welaýatymyzyň çäginde döremegi mümkin bolan tebigy hem-de tehnogen häsiýetli adatdan daşary ýagdaýlaryň öňüni almak hem-de olaryň ýetirip biljek zyýanlaryny peseltmek maksady bilen, raýat goranyşynyň gulluklarynyň, edara-kärhanalaryň raýat goranyşynyň güýçleriniň bilelikdäki, özara sazlaşykly hereketlerini guramak üçin toplumlaýyn tälim beriş okuwlarynyň üstünlikli geçirilmeginde hem sanly ulgamyň ähmiýeti uludyr. Ýörite kompýuter enjamlary bilen enjamlaşdyrylan otaglarda wideo şekilleri ulanmak, aragatnaşygyň döwrebap enjamlary arkaly türgenleşik geçirilýän ýer bilen dolandyryş merkeziniň arasynda aragatnaşygy ýola goýmak has ýeňilleşdi. Sanly ulgamyň raýat goranyşy we halas ediş işlerinde giňden ulanylmagy harby gullukçylaryň öz wezipe borçlaryny birkemsiz ýerine ýetirmeklerine uly ýardam berýär. Şeýle mümkinçilikleri döredip berýän Gahryman Arkadagymyza, Arkadagly Serdarymyza köp-köp sagbolsun aýdýarys. Goý, Gahryman Arkadagymyzyň, Arkadagl

24 Sentýabr 2024

Jemgyýet

Geljege gönükdirilen işler

Ýaş nesliň sagdyn ösmegini üpjün etmek, olaryň ýol hereketiniň kadalaryny kämil bilmeklerini we köçede özüňi alyp barmagyň düzgünlerine eýermeklerini gazanmak işine ýakyndan gatnaşýarys. Häzirki günlerde guramaçylykly dowam edýän biraýlygyň çäginde bakja-bagymyzda terbiýelenilýän körpeleriň gatnaşmaklarynda bäsleşik guradyk. Bu çäräni guramakda we täsirli geçirmekde bize şäher polisiýa bölüminiň polisiýanyň ýol gözegçiligi bölümçesiniň wagyz-nesihaty boýunça uly gözegçisi, polisiýanyň maýory Döwran Jumaýew uly goldaw berdi. Bäsleşikde çagalar ýol hereketiniň kadalary boýunça berlen sowallara jogap berdiler, çatrykdan geçmegiň düzgünlerini oýunlaryň üsti bilen görkezdiler. Olar ýol hereketine degişli aýdymlary ýerine ýetirdiler we goşgulary labyzly okadylar.

24 Sentýabr 2024

Jemgyýet