"Türkmen gündogary" welaýat gazeti

Esaslandyryjysy: Lebap welaýatynyň häkimligi
Salgysy: Türkmenabat şäheri, S.A.Nyýazow şaýoly, 42
Telefon belgileri: 3-14-36, 3-26-83, 3-26-82
Email: turkmengundogary-gazeti@sanly.tm

Gazeti PDF görnüşinde ýükläp almak

Habarlar

Ha­ly­pa bol­mak bag­ty

Durmuşynyň 40 ýyla golaýyny spor­ta ba­gyş­lan, ýur­du­my­zyň kä­mil sam­bo­çy­la­ry­nyň ha­ta­ry­na şägirtleriniň bir­nä­çesini go­şan halypa — birinji derejeli ussat tälimçi Serdar Açilow Türk­me­na­bat şä­he­rin­dä­ki 4-nji sport mek­de­bin­de jiu-jit­su, sam­bo hem-de sö­weş sam­bo­sy bo­ýun­ça ýaşlara tälim berýär. Ol sporta ilki gadam basan döwründe 14 ýaşly ýetginjekdi. Onda sporta bolan höwesi aýal dogany döredipdir. Serdar doganynyň maslahaty bilen ussat tälimçi Paýzulla Rozmammedowdan sambo boýunça ilkinji tilsimleri öwrenipdir, soňra göreşiň bu görnüşi bilen ymykly gyzyklanyp başlapdyr. Ol 1979-njy ýylda Türk­me­na­bat şä­he­rin­dä­ki 27-nji or­ta mek­de­bi üs­tün­lik­li ta­mam­lap, şol ýylda Se­ýit­na­zar Seý­di adyn­da­ky Türk­men döw­let mu­gal­lym­çy­lyk ins­ti­tu­ty­nyň be­den­ter­bi­ýe fa­kul­te­ti­ne oku­wa girýär. Oku­wyň da­şyn­dan ýur­du­my­zyň çä­gin­de ge­çi­ril­ýän ýa­ryş­la­ra gat­na­şyp, baý­rak­ly orun­la­ra my­na­syp bo­lýar. Ser­dar Açi­low şol ýyllarda ge­çi­ri­len çem­pio­nat­lar­dan, ku­bok ug­run­da­ky ýa­ryş­lar­dan al­tyn, kü­müş, bü­rünç me­dal­lar bi­len do­la­nyp­dyr. Ol 1983-nji ýyl­da ýo­ka­ry okuw mekdebini ta­mam­lan­dan soň­ra Türkmenabat şä­heriniň ça­ga­lar ýet­gin­jek­ler sport mek­de­bin­de tä­lim­çi bo­lup işe baş­lap­dyr. 2007-nji ýyl­da Ser­dar Açi­low Türk­me­na­bat şä­he­rin­dä­ki 4-nji sport mek­de­bi­nde dzýu-do, sam­bo bo­

10 Mart 2021

Sport

Türkmen sporty dünýäde meşhurlyk gazanýar

9-njy martda hormatly Prezidentimiz Gurbanguly Berdimuhamedow «ARETI» halkara kompaniýalar toparynyň ýolbaşçysy, Halkara welosipedçiler birleşiginiň Ýolbaşçy komitetiniň agzasy Igor Makarowy kabul etdi. Duşuşygyň dowamynda şu ýylyň 13 — 17-nji oktýabrynda Welotrek boýunça geçiriljek dünýä çempionatyna taýýarlyk görmek ara alnyp maslahatlaşylan esasy mesele boldy. Bu abraýly ýaryşy Türkmenistanyň Sport we ýaşlar syýasaty ministrligine Welosiped sporty federasiýasy hem-de Halkara welosipedçiler birleşigi bilen bilelikde guramak tabşyryldy. Dünýä derejesindäki iri ýaryşyň Watanymyzyň mukaddes Garaşsyzlygynyň şanly 30 ýyllygynyň hem-de Aziýanyň merjeni hasaplanylýan ak mermerli paýtagtymyz Aşgabat şäheriniň döredilmeginiň 140 ýyllygynyň baýram edilýän ýylynda geçiriljekdiginiň çuňňur manysy bardyr. Bu çempionata dünýäniň 186 ýurdundan wekiller gatnaşar. Daşary ýurtly bilermenleriň baha bermeklerine görä, sagdyn durmuş ýörelgesiniň tarapdary hem-de işjeň wagyzçysy bolan milli Liderimiziň taýsyz tagallalary netijesinde Türkmenistanda diňe bir bedenterbiýe we sport bilen işjeň meşgullanmak üçin däl, eýsem, ýokary derejeli ýaryşlary geçirmek üçin hem ähli şertler döredildi. Mähriban Arkadagymyzyň öňdengörüjiligi netijesinde paýtagtymyzda özboluşly sport toplumy bolan, diňe Merkezi Aziýa sebitinde däl-de, eýsem, onuň çäklerinden alyslarda hem deňi-taýy bolmadyk Olimpiýa şäherçesi guruld

10 Mart 2021

Sport

Göreldeli sport mekdebi

Ýurdumyzda saglygy berkitmegiň baş sakasy bolan sport bilen meşgullanmak üçin ähli mümkinçilikler döredilendir. Gurulýan sport toplumlarydyr merkezleri, stadionlar, sport mekdepleri we beýleki döwrebap sport desgalary muňa aýdyň mysaldyr. Şeýle ähmiýetli işleriň netijesinde jemgyýetimizde sagdyn durmuş ýörelgesi pugtalanýar, sport bilen gyzyklanýanlaryň sany günsaýyn artýar. Bu gün ýurdumyzda hereket edýän döwrebap sport mekdepleri ýaş nesilleriň sport ulgamynda has-da kämilleşmegine itergi bolýar. Ak bugdaý etrabyndaky sport mekdebinde hem sagdyn, berk bedenli, ruhubelent hem-de sportda ýokary netijeleri gazanýan türgenleriň kemala gelmeginde guwandyryjy işler alnyp barylýar. Mekdebiň kaşaň binasy döwrebap ülňülere laýyklykda gurlup, ähli şertler bilen üpjün edilen giň zallary bar.

9 Mart 2021

Sport

Zehiniň zyýat bolsun! (Siziň deň-duşuňyz)

«Adama zehin owaldan berilýär» diýlenine tüýs ýürekden ynanmaly. Sebäbi ulularyň başarmaýan zatlaryny käbir kiçi ýaşly çagalardyr ýaşlaryň başarýandygy haýran galdyryjy waka. Ine, Aşgabat şäherindäki 17-nji orta mekdebiň 6-njy synp okuwçysy Züleýha Güýçmyradowa hem tebigy zehinli çagalaryň biri. Ol heniz 1-nji synpda okaýarka Wekilbazar etrabyndaky 20-nji orta mekdebiň mugallymy — atasy Suhanberdi Allajaýewden küşt oýnunyň inçe tilsimlerini öwrendi. Haçan-da Suhanberdi aga ýoldaşlary bilen küşt oýnamaga başlasalar, Züleýha hem derrew olaryň ýanynda häzir bolupdyr. Soňlugy bilen ol ata-enesiniň goldaw bermegi esasynda ýöriteleşdirilen küşt we şaşka mekdebine gatnap başlaýar. Ýüregi joşgunly gyz tälimçisi Meretgeldi Amangeldiýewiň ýardamy, şeýle-de yzygiderli türgenleşikleriň netijesinde Aşgabat şäherinde hem-de ýöriteleşdirilen küşt we şaşka mekdebinde deň-duşlarynyň arasynda küşt boýunça guralan bäsleşiklerde öňdäki orunlary eýeleýär. Ýaşajyk küştçi geçen ýyl baky Bitaraplygymyzyň şanly 25 ýyllygy mynasybetli ýöriteleşdirilen küşt we şaşka mekdebiniň birinjiligini almak ugrundaky ýaryşda 1-nji orny eýeländigi üçin Aşgabat şäheriniň sport we ýaşlar syýasaty baş müdirliginiň Hormat hatyna mynasyp boldy. Maşgalanyň iň uly perzendi bolan Züleýha jigileri Ýusup bilen Raşide oňat görelde görkezýär. Orta mekdebiň 5-nji synpynda okaýan Ýusup hem-de heniz çagalar bagynda terbiýelenýän R

8 Mart 2021

Sport

Arkadagyň taglymaty — baş ýörelgämiz

Şu ýylyň 19-njy fewralynda geçirilen Ministrler Kabinetiniň sanly wideoaragatnaşyk arkaly nobatdaky mejlisinde Gahryman Arkadagymyzyň başlangyjy bilen yzygiderli durmuşa geçirilýän hem-de türkmen sportunyň halkara abraýyny ýokarlandyrmaga, olimpiýa hereketini ösdürmäge gönükdirilen çäreler, «Türkmenistanda 2021—2025-nji ýyllarda welosiped sportuny ösdürmegiň Maksatnamasy hem-de ony amala aşyrmak boýunça ýerine ýetirilmeli çäreleriň Meýilnamasynyň taslamasy dogrusynda aýdylmagy ýurdumyzda sporta berilýän ähmiýetiň uludygynyň ýene-de bir subutnamasy boldy. Milli Liderimiziň tagallalary netijesinde ýurdumyzda welosiped sporty hem uly ösüşlere eýe bolýar. Üstümizdäki ýylda ýurdumyzda Welotrek boýunça dünýä çempionatynyň geçiriljekdigi hem bu ugurdaky işleriň rowaçlanýandygyny, ata Watanymyzyň kuwwatly sport döwletine öwrülýändigini tassyklaýar. Häzirki wagtda bu iri ýaryşa ýokary derejede taýýarlyk görülýär.

2 Mart 2021

Sport

Sagdyn maşgala — sagdyn nesil

Şeýle at bilen Änew şäherindäki sport mekdebinde köp çagaly maşgalalaryň arasynda maşgala sport bäsleşigi geçirildi. Welaýat häkimliginiň, welaýatyň jemgyýetçilik guramalarynyň hem-de welaýat Sport we ýaşlar syýasaty Baş müdirliginiň bilelikde guramagynda geçirilen bäsleşige welaýatymyzyň şäherdir etraplaryndan köp çagaly maşgalalar gatnaşdy. Bäsleşigiň açylyş dabarasynda hormatly Prezidentimiziň ýurdumyzda sport-sagaldyş hereketini, köpçülikleýin bedenterbiýäni ösdürmek, türkmen maşgalasynyň beden taýdan sagdynlygyny we bitewüligini gazanmak, jemgyýetimizde sagdyn durmuş ýörelgelerini berkarar etmek ugrundaky tagallalary barada söz açylyp, ýaryşa gatnaşýan bagtyýar maşgalalara üstünlik arzuw edildi.

2 Mart 2021

Sport

Sport — saglygyň gözbaşy

Ak mermere beslenen, Aziýanyň merjen şäheri bolan gözel Aşgabadymyzda, welaýatlarymyzyň ähli ýerlerinde mähriban Arkadagymyzyň baştutanlygynda dünýä ülňülerine laýyk gelýän, ösen tehniki sport enjamlary bilen enjamlaşdyrylan sport desgalary, suw toplumlary gurlup ulanylmaga berlip, olar ýaşlaryň, sport söýüjileriň gelim-gidimli ýerlerine öwrüldi. Munuň şeýledigini «Türkmenistan — parahatçylygyň we ynanyşmagyň Watany» ýylynyň ajaýyp günlerinde geçiriljek bäsleşikleriň, dabaralaryň mysalynda hem görmek bolýar. Häzirki wagtda peýdaly we ekologiýa taýdan arassa bolan welosiped sporty köpçülikleýin häsiýete eýe boldy. Ýurdumyzda welosiped sporty boýunça köpçülikleýin ýörişleriň guralmagynyň ähmiýeti uludyr. Şeýle ýörişler welosiped sporty bilen meşgullanýanlaryň sanynyň barha artmagyna ýol açýar.

1 Mart 2021

Sport

Hepdede näçe gün maşk etmeli? (Ýaşlar we sport)

Sportda üstünlik gazanmak üçin yzygiderlilik zerurdyr. Gündelik durmuşyňyzyň aýrylmaz bölegine öwrülen ýagdaýynda fiziki hereket adama şähdaçyklyk berýär. Sporty durmuş ýörelgesine öwren adam uzak ýaşaýar, sagdyn bolýar. Eýsem, hepdäniň dowamynda näçeräk wagt sport bilen meşgullanmaly? Ine, bilermenleriň bu sowala berýän jogaplary! Sporta täze başlan adamlar bir aý çemesi wagt bedenini öwrenişdirmeli. Bu döwürde gan damarlary, dem alyş ýollary maşk hereketlerine uýgunlaşýar. Şol sebäpli ilkibaşda hepdede üç gün sport bilen meşgullanmak talabalaýyk hasaplanýar. Üç hepdeden soňra hepdede dört gün sport bilen meşgullanmak dogry hasap edilýär. Wagtyň geçmegi bilen bedeniň kabul edişine görä, her gün yzygiderli sport bilen meşgullanmak bolýar. Bular, esasan, türgenlere degişli. Sagdyn durmuş ýörelgesine eýerýänler bolsa her gün ýeňil maşklary ýerine ýetirip bilerler. Bulara ýöremek, özüňe agram salman ylgamak we ýüzmek ýaly hereketler degişli. Her gün 15 — 20 minut ýöremek kadaly gan aýlanyş üçin möhüm hasaplanýar. Şol sebäpli hepdede 5-6 gün ýöremek maslahat berilýär.

1 Mart 2021

Sport

Sport syýasatynyň gadamlary

Ýaşlara bildirilýän ynam Hormatly Prezidentimiziň goldamagynda 2021-nji ýylyň “Türkmenistan — parahatçylygyň we ynanyşmagyň Watany” diýlip yglan edilmegi biz — ýaşlarda uly joşgun döretdi. Gahryman Arkadagymyzyň başlangyjy bilen ýurdumyzda döredilýän giň mümkinçiliklerden ýerlikli peýdalanyp, eziz Watanymyzyň sport abraýynyň dünýä ýaýylmagyna saldamly goşant goşýan türgenleriň sany şäherimiziň sport mekdebinde hem ýylsaýyn artýar.

1 Mart 2021

Sport

Welosiped sporty — sagdyn durmuşyň girewi

Welotrek boýunça dünýä çempionatynyň resmi nyşanlarynyň, şeýle-de oňa gatnaşjak guramaçylyk toparydyr türgenleriň lybaslarynyň, olaryň welosipedleriniň bezeg işleri tassyklandy. Häzirki wagtda halkymyzyň ýaşaýyş medeniýetiniň aýrylmaz düzüm bölegine öwrülen sport we bedenterbiýe her bir raýatymyzyň saglygyny, akyl-paýhas ukyplaryny berkitmekde, sagdyn durmuş ýörelgesiniň talaplaryny berk berjaý etmekde, jemgyýetde sazlaşykly gatnaşyklary kemala getirmekde durmuş gymmatlyklarynyň özeni bolup durýar. Soňky ýyllarda ýurdumyzda ulagyň ýokary ekologiýa görnüşi hasaplanýan welosiped boýunça ýörişleri geçirmäge we welosiped sportuny ösdürmäge aýratyn ähmiýet berilýär. Welosporty ösdürmek babatynda hormatly Prezidentimiziň hut öz başlangyjy bilen beýik işler amala aşyrylýar. 19-njy fewralda sanly wideoaragatnaşyk arkaly geçirilen Ministrler Kabinetiniň nobatdaky mejlisinde ýurdumyzda welosiped duralgalaryny gurmak, ýöriteleşdirilen dükanlary, ussahanalary, söwda merkezleriniň ýanynda olaryň goýulýan ýerlerini açmak ýaly işleriň göz öňünde tutulmagynyň maksadalaýyk boljakdygy hakynda bellenilmegi bolsa sportuň bu görnüşiniň has-da giň gerim almagyna itergi berer.

26 Fewral 2021

Sport

Meşhur pälwany ýatlap

Aýdanlaryňy aňyňda aýlap, diýeniňe erk edip bilmek edermenlik. Aýdanlaryňy amala aşyrmak — geljege ynamly gezelenç. Sözüňi iş bilen berçinlemek — ajaýyplygyň ajaby. Pälwan endige öwrülen edebinden ýeňiş serpaýyny ýapyndy. Toýlarda bolýan göreşlerde bil tutuşdy, bekeşdi. Obalarda etraplarda, welaýatlarda türkmen milli göreşi boýunça geçirilen ýaryşlarda ýeňişleri ýaran edindi. Öz agramy boýunça ýurtdaş pälwanlardan saýlandy. Şol döwürde atlandyrylyşyna görä Orta Aziýa boýunça (häzirki Merkezi Aziýa) Daşkent şäherinde geçirilen halkara ýaryşa gatnaşmaga hukuk gazandy. Häzirki bil tutluşygyň bismillasyny türkmen pälwany bilen özbekleriň Pürs pälwany başlamaly boldy. Göreş meýdanyna çykan pälwan ýigit bekewüliň görkezen ýerinde daýandy. Asyr aşan ojara çalymdaş ýogyn baldyrlar topragyň çuňlugyna çümdürilen ýaly sarsanokdy. Ýognas göwre göze gelüwlidi. Boýun beden bilen bile biten ýalydy. Ortadan beýigräk boýnuň iki egni tekizlenip, eginler ýasy, döş meýdanlydy. Gazan gapagy goýlan ýaly güberçekleýärdi. Dartylan damarly gollar has-da gujurly görünýärdi. Tirsekden egin aralygyndaky çiginler çogum-çogum. Gysby gysylan barmakly ýumruk demirçi ussanyň ýekedabanyny ýatladýardy. Pälwan ýigit başyny galdyryp, salyhatlylyk bilen töweregine nazaryny aýlady. Märeke hyň berýärdi, tomaşa teşnelerden hyryn-dykyndy. Asmandan alma oklasaň, ýere düşjek däldi. Öz pälwanlarynyň ýeňşiniň şatlygyna şä

25 Fewral 2021

Sport

Sport parahatçylygyň bähbidine

Gahryman Arkadagymyzyň sagdyn durmuş ýörelgesiniň işjeň tarapdary bolup, sportuň birnäçe görnüşi bilen meşgullanmakda görkezýän ýokary ussatlygy we başarjaňlygy hemmämize nusgalyk görelde bolup durýar. Şu nukdaýnazardan, ýurdumyzda yzygiderli geçirilýän köpçülikleýin welosipedli ýörişleriň guralmagynyň gözbaşynda hormatly Prezidentimiziň halkymyzyň beden hem ruhy taýdan sagdyn bolmagyna, ömür dowamlylygynyň artdyrylmagyna gönükdirilen tagallalarynyň durandygyna has aýdyň göz ýetirmek bolýar. 2021-nji ýylyň 22-nji ýanwarynda milli Liderimiziň Karary bilen «Türkmenistanda 2021 — 2025-nji ýyllarda bedenterbiýäni we sporty goldamagyň hem-de ösdürmegiň Maksatnamasy», şeýle hem ony amala aşyrmak boýunça ýerine ýetirilmeli çäreleriň Meýilnamasy tassyklanyldy.

25 Fewral 2021

Sport

Ýaşlar — geljegiň eýeleri

Ýurdumyzyň geljegi bolan bagtyýar ýaşlaryň saglygy we sazlaşykly ösüşi bagtly geljegiň girewidir. Hormatly Prezidentimiziň belleýşi ýaly, ylym-bilimiň, sportuň, sagdynlygyň we ruhubelentligiň sazlaşýan ýerinde ynsan özüni bagtyýar duýýar. Bularyň ählisi utgaşyp, adamy ösüşlere we belent sepgitlere ruhlandyrýar. Gahryman Arkadagymyzyň parasatly baştutanlygynda ýurdumyzda ýaşlar syýasatyna, bilim ulgamyny, sporty ösdürmäge, bu möhüm ulgamlary dünýä derejesine çykarmaga uly üns berilýär. Bedenterbiýe we sport bilen meşgullanmak üçin ýurdumyzda köpugurly düzüm döredildi. Munuň özi halkara ölçeglere kybap gelýän milli sport ulgamynyň döredilendigini görkezýär. Ýeri gelende aýtsak, Türkmenistanda bilim ulgamynyň hilini yzygiderli ýokarlandyrmak, türgenleriň hünär derejelerini kämilleşdirmek boýunça netijeli işler alnyp barylýar. Bu ulgamyň maddy-enjamlaýyn binýadyny pugtalandyrmaga köp mukdarda maýa goýumlar gönükdirilýär, onuň düzümine ylmyň öňdebaryjy gazananlary, şol sanda sanly tehnologiýalar ornaşdyrylýar.

25 Fewral 2021

Sport

Türkmen sportunyň şöhraty

«Türkmenistan — parahatçylygyň we ynanyşmagyň Watany» ýylynda ak mermerli Aşgabatda Welotrek boýunça dünýä çempionatynyň we Dewisiň Kubogy ugrundaky halkara ýaryşyň tapgyrynyň geçirilmeginiň meýilleşdirilmegi ata Watanymyzyň halkara derejesindäki sport abraýyndan nyşandyr. Munuň özi ýurdumyzda sport ýaryşlaryny ýokary derejede guramak üçin ähli mümkinçilikleriň döredilendiginden habar berýär. Häzirki wagtda ýurdumyzda Welotrek boýunça dünýä çempionatyna ähli taraplaýyn taýýarlyk görülýär. «Türkmenistan — parahatçylygyň we ynanyşmagyň Watany» ýylynyň güýzünde ak mermerli paýtagtymyzda geçiriljek Welotrek boýunça dünýä çempionatyna taýýarlyk işleriniň çäginde bu abraýly ýaryşyň nyşanynyň, sport lybaslarydyr welosipediň bezeginiň taýýarlanylmagy aýratyn bellenilmäge mynasypdyr.

25 Fewral 2021

Sport

Türgenleriň ruhy daýanjy

Garaşsyz, baky Bitarap Türkmenistan hormatly Prezidentimiziň parasatly baştutanlygynda dürli ugurlardaky ösüşleri bilen dünýä meşhurdyr. Ýurdumyzda parahatçylygyň belent maksatlarynyň hem-de ösüşiň bähbidine halkara hyzmatdaşlygy barha giňeldilýär. Dostlugyň we ynanyşmagyň başlangyjy bolan sport jemgyýetimizi jebisleşdirýän, halkymyzy beýik ösüşlere ruhlandyrýan belent güýje öwrülip, bu babatda halkara we sebitara gatnaşyklar hem barha ösdürilýär. Ýanwar aýynyň 20-sine hormatly Prezidentimiz paýtagtymyzdaky Olimpiýa şäherçesine baryp, şu ýylyň altyn güýzünde ýurdumyzda geçiriljek Welotrek boýunça dünýä çempionatynyň hem-de Dewisiň Kubogyny almak boýunça abraýly halkara ýaryşyň saýlama tapgyryna görülýän taýýarlyk işleri bilen tanyşdy. Şeýle hem halkara ýaryşlaryna taýýarlygyň barşynda terbiýeçilik işlerine aýratyn ähmiýet bermelidigine ünsi çekdi. Ýaşlara döwrebap terbiýe, bilim bermek üçin ilki bilen olaryň milli buýsanjyny, ata Watana bolan söýgüsini döretmelidigini Gahryman Arkadagymyz belledi. Çünki watançylyk terbiýesi mukaddes we jogapkärli iş. Şonuň üçin türkmen türgenlerimizde ilki bilen ata Watana söýgini, milli däp-dessurlarymyza hormat-sarpany we ýaşuly neslimize sylagly bolmagy terbiýelemeli.

25 Fewral 2021

Sport

Halkara ýaryşa taýýarlyk

Häzirki wagtda Türkmenistan öz sport abraýyny, bu babatda ýeten mümkinçiliklerini aýdyňlygy bilen görkezjek iri sport baýramyna — Tennis boýunça Dewisiň Kubogy ugrundaky halkara ýaryşyň tapgyryny geçirmäge taýýarlanýar. Biz ýakynda paýtagtymyzdaky Olimpiýa şäherçesinde ýerleşýän iri göwrümli sport desgasynda — Tennis toplumynda bolup, Türkmenistanyň Ýokary sport ussatlygy mekdebiniň hem-de milli ýygyndymyzyň baş tälimçisi, sport ussatlygyna dalaşgär Miraly Gasanow bilen söhbetdeş bolduk. Ol bize ýaryşa ýokary derejede taýýarlykly barmak babatda alnyp barylýan işler barada gürrüň berdi. — Ilki bilen, şeýle iri derejeli halkara ýaryşyň tapgyrynyň ýurdumyzda geçirilmeginiň ählimiz üçin buýsançly waka boljakdygyny bellemek isleýärin. Biz şu günler toparymyz bilen Tennis toplumynyň mümkinçiliklerinden ýerlikli peýdalanyp, güýçli depginde taýýarlyk işlerini alyp barýarys. Toparymyzyň düzüminde Türkmenistanyň Ýokary sport ussatlygy mekdebiniň türgenleri Atlymyrat Gurbanow, Ýuriý Rogusskiý, Hajymyrat Çaryýew, Gurbanberdi Gurbanberdiýew, Meýlis Orazmuhammedow, Gurbangeldi Sähedow ýaly ezber türgenler bar. Slowakiýada okaýan, milli ýygyndymyzyň agzasy bolan Isa Mämmetgulyýewiň hem şol ýerde halkara ýaryşa ýokary depginde taýýarlyk görýändigini bellemek gerek.

25 Fewral 2021

Sport

Sport parahatçylygy berkidiji güýçdür

Muny Welotrek boýunça dünýä çempionatynyň golaýda tassyklanan nyşanynyň, sport lybaslarynyň we welosipediň bezeg işleriniň mysalynda aýdyň görmek bolýar Ynsanperwer gatnaşyklar bilen bir hatarda, sportuň halklary dostlaşdyryjy, ýakynlaşdyryjy güýji bar. Hut şoňa görä-de, hormatly Prezidentimiziň parasatly baştutanlygynda sport diplomatiýasynyň dünýäde wagyz edilmegine, giňden dabaralandyrylmagyna aýratyn ähmiýet berilýär. Üstümizdäki ýylyň oktýabr aýynda paýtagtymyz Aşgabatda geçiriljek Welotrek boýunça dünýä çempionaty munuň nobatdaky tassyknamasydyr.

24 Fewral 2021

Sport

Paýtagtymyz halkara ýaryşlaryň mekany

Hormatly Prezidentimiziň baştutanlygynda ýurdumyzda sagdyn durmuş ýörelgelerine pugta eýermek babatda uly işler durmuşa geçirilýär. «Türkmenistanda 2021 — 2025-nji ýyllarda bedenterbiýäni we sporty goldamagyň we ösdürmegiň Maksatnamasyny» hem-de ony amala aşyrmagyň meýilnamasyny tassyklamak barada milli Liderimiziň golaýda gol çeken Kararynyň mähriban halkymyzyň sagdynlygynyň üpjün edilmegindäki ähmiýeti örän ýokarydyr. Ýurdumyzda sagdyn durmuş ýörelgelerini ösdürmegiň baş maksady hem berk bedenli nesilleri ýetişdirmekden, adamlaryň ömür dowamlylygyny uzaltmakdan, sagdynlygy giňden wagyz etmekden ybaratdyr. Hormatly Prezidentimiziň tagallasy bilen ýaş nesillerimizde sporta bolan mizemez söýgini döretmekde ägirt uly işler üstünlikli amala aşyrylýar. Welaýatlarda, etraplarda, şäherlerde, köp ilatly obalarda sport mekdepleriniň gurulmagy biziň bu aýdýanlarymyzyň aýdyň güwäsidir. Türkmen döwlet bedenterbiýe we sport institutynda sportuň olimpiýa görnüşleri fakultetiniň täze, döwrebap binasynyň ulanmaga berilmegi hem geljekde ýaş olimpiýaçylaryň täze nesliniň kemala getiriljekdiginden habar berýär. Ýurdumyzda bedenterbiýäni we sporty ösdürmegiň döwrebap hukuk ulgamy kemala getirildi. Türkmenistanyň Konstitusiýasynyň 56-njy maddasynda döwletimiziň sporta berýän goldawy barada bellenilmek bilen, onda raýatlaryň bedenterbiýe we sport bilen yzygiderli meşgullanmaga bolan isleglerini ka

24 Fewral 2021

Sport

Millilik hem döwrebaplyk

Welotrek boýunça dünýä çempionatynyň nyşanynda hem lybaslarynda şöhlelenýär Ozal habar berlişi ýaly, şu ýylyň güýzünde paýtagtymyzda Welotrek boýunça dünýä çempionaty geçiriler. Bu iri sport ýaryşyny ýokary derejede geçirmek üçin uly tagalla edilýär: milli ýygyndymyzyň türgenleri ussat tälimçi Nargeldi Igdirowyň tälim bermeginde her gün iki wagtyna, ýagny irden Köpetdagyň eteginde şosse boýunça 60 — 80 kilometrlik menzili geçip, öýlän bolsa Olimpiýa şäherçesindäki Welotrek sport toplumynda türgenleşik işlerini alyp barýarlar.

23 Fewral 2021

Sport

Türgenler barha kämilleşýärler

Ýurdumyzda bedenterbiýäni we sporty ösdürmek hormatly Prezidentimiziň ynsanperwer syýasatynyň ileri tutulýan ugurlarynyň biri bolup durýar. Sport bilen meşgullanmak, sagdyn durmuş ýörelgesiniň kadalaryny berjaý etmek adamyň durmuşda öz mynasyp ornuny tapmagyna, ukyp-başarnygyny açyp görkezmegine ýardam edýär. Bu ugurda milli Liderimiz biziň ählimiz üçin görelde mekdebidir. Sport mekdebimizde hem ýaşlaryň ukyp-başarnyklaryny açyp görkezmekleri, barha kämilleşmekleri üçin oňat şert-mümkinçilikler döredilendir. Olardan ýerlikli peýdalanylyp, geçen ýylyň dowamynda türgenlerimiz şäher, welaýat we ýurt boýunça geçirilen sport ýaryşlaryna işjeň gatnaşdylar.

22 Fewral 2021

Sport