Özbegistan üçin Türkmenistan iň ýakyn goňşy, serhetdeş döwlet, dogan hem ygtybarly dostdur. Özbek we türkmen halklaryny diňe bir geografik taýdan ýakynlyk däl, eýsem, taryhy umumylyklar, köpasyrlyk ruhy-medeni däplerdir hoşniýetli goňşuçylyk gatnaşyklary baglanyşdyrýar. Aýdylyşy ýaly, dünýä uzaýan dostluk ýollary goňşy öýünden — iň ýakyn serhetdeş ýurtlarymyzdan başlanýar.
Hawa, bu günki gün ähli ugurlarda depginli ösdürilýän özbek-türkmen gatnaşyklaryna gadyrlylygyň hem ýürekdeşligiň mahsusdygyny hiç kim inkär etmese gerek. Bu, hakykatdan-da, şeýle. Daşkendiň gözel künjekleriniň birinde «Aşgabat» seýilgähi türkmen ýüreginiň ýylysyny tutuş halkymyza paýlap otyr. Ak mermerli Aşgabatda «Daşkent» seýilgähiniň myhmanlara gujak açmagy bolsa biziň ýurtlarymyzyň arasyndaky dostluk köprüleriniň binýadyny has-da berkidýär.
