Türkmenmetbugat

"Ahal durmuşy" welaýat gazeti

Esaslandyryjysy: Ahal welaýatynyň häkimligi
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-31, 38-61-30, 38-61-49
Email: ahaldurmushy-gazeti@sanly.tm

Gazeti PDF görnüşinde ýükläp almak

Habarlar

«Türkmenaragatnaşyk» agentliginiň Politehniki orta hünär okuw mekdebinde ussatlyk sapagy geçirildi

Türkmenistanda sanly ykdysadyýeti ösdürmek, bu ugurda ýokary hilli hünärmenleri taýýarlamak, sanly ulgamy ösdürmek boýunça täze pikirleri ara alyp maslahatlaşmak we innowasion tehnologiýalary çekmäge gönükdirilen halkara hyzmatdaşlygy ösdürmek babatynda giň gerimli işler amala aşyrylýar. Durmuşa geçirilýän işleriň çäklerinde, 22-nji aprelde «Türkmenaragatnaşyk» agentliginiň Politehniki orta hünär okuw mekdebinde, ABŞ-nyň Dallas uniwersitetiniň kiberhowpsuzlyk hünäri boýunça magistr derejeli, «Signet Jewelers» kompaniýasynyň maglumat howpsuzlygy boýunça inženeri, Türkmenistanyň raýaty Allamyrat Tüýliýew ýurdumyzda IT ulgamynda işleýän we bilim alýan ýaşlaryň öňünde okuw sapagy bilen çykyş etdi.

22 Aprel 2024

Watanyň ynamly güýji siz, ýaşlar!

Mähriban okyjylar! Mälim bolşy ýaly, biz žurnalymyzyň her sanynda «Pähim-paýhas ummany Magtymguly Pyragy» ýyly mynasybetli ýurdumyzyň çäginde akyldar şahyryň adyny göterýän edara-kärhanalarda, okuw binalarynda bolup, ýörite söhbetdeşlikleri we makalalary taýýarlajakdygymyzy Size habar beripdik. Biziň indiki söhbedini etmek isleýän zähmet ojagymyz Türkmenistanyň Magtymguly adyndaky Ýaşlar guramasydyr. Žurnalymyzyň şu sanynda TMÝG-niň Merkezi geňeşiniň zähmet durmuşyndan taýýarlanan ýörite sahypany Siziň dykgatyňyza ýetirmegi müwessa bildik. PYRAGYNYŇ ADY — GÖWÜNLERIŇ ŞADY

22 Aprel 2024

Türkmenistanly talyplar informatika boýunça halkara olimpiadada 10 sany altyn medala mynasyp boldular

Aşgabatda 15 — 19-njy aprel aralygynda geçirilen II Açyk halkara informatika olimpiadada türkmenistanly talyplar üstünlikli çykyş etdiler. Türkmen talyplary 10 sany altyn, jemi bolsa 43 medala mynasyp boldular. Ikinji orna 17 medal gazanan rus talyplarynyň topary ýerleşdi. Üçünji orun bolsa 10 medala mynasyp bolan HHR-iň toparyna nesip etdi. Bu barada «vestiabad» habar berýär.

22 Aprel 2024

Ylmy tejribeleri baýlaşdyran halkara olimpiada

Ýurdumyzda ýaş nesliň zehin-başarnyklaryny ösdürmek, ýaşlary ylma, döredijilige höweslendirmek boýunça toplumlaýyn işler alnyp barylýar. Bu işleriň çäginde Ýagşygeldi Kakaýew adyndaky Halkara nebit we gaz uniwersitetinde şu ýylyň 15 — 20-nji aprelinde ýurdumyzyň we daşary ýurtlaryň ýokary okuw mekdepleriniň talyplarynyň II Açyk halkara informatika olimpiadasy (OIOIUS-2024) hem-de olimpiadanyň çäginde 19-njy aprelde «Berkarar döwletiň täze eýýamynyň Galkynyşy döwründe talyp ýaşlaryň ylmy garaýyşlary» atly halkara ylmy-amaly maslahat we sergi geçirildi. II Açyk halkara informatika olimpiadasy Türkmenistanyň we daşary ýurtlaryň ýokary okuw mekdepleriniň talyplarynyň arasynda dostlukly gatnaşyklary berkitmek, ylym-bilim ulgamynda özara bähbitli tejribe alyşmak, ýokary okuw mekdepleriniň professor-mugallymlarynyň, talyp ýaşlarynyň bilelikde ylym-bilim ulgamynda pikir alyşmalaryny guramak, häzirki döwürde informatika we onuň bilen baglanyşykly ugurlarda ýüze çykýan ylmy, amaly meseleleri derňemäge ukyply ýaş hünärmenleri ýetişdirmek maksady bilen geçirildi.

21 Aprel 2024

Kämillige badalga

Berkarar döwletiň täze eýýamynyň Galkynyşy döwrüniň her bir güni şanly wakalara beslenýär. Ynha, 17-nji aprelde Ýagşygeldi Kakaýew adyndaky Halkara nebit we gaz uniwersitetinde II Açyk halkara informatika olimpiadasyna badalga berildi. Ýokary derejede geçirilen II Açyk halkara informatika olimpiadasy Türkmenistanyň Bilim ministrligi hem-de ady agzalan uniwersitet tarapyndan guraldy. Bu olimpiada ýokary okuw mekdeplerinde ýaşlara bilim berlişiniň hilini ýokarlandyrmak, olaryň häzirki zaman tehnologiýalaryndan we elektron maglumat hem-de dünýä internet ulgamyndan başarjaň peýdalanmaklaryny gazanmak maksady bilen geçirildi. Ýaşlara ösen döwletleriň bilim ulgamyna laýyk derejede ýeterlik bilim bermekde ýurdumyzda ähli şertler döredilýär.

21 Aprel 2024

Döwrebap bilim özgertmeleri

Ýurdumyzda gazanylýan üstünlikler bagtyýar ýaşlarymyz bilen berk baglanyşyklydyr. Garaşsyz, baky Bitarap ýurdumyzda ýaş nesliň dünýä derejesine laýyk bilim almagy üçin ähli şertler döredilýär. Bilim we ylym adamzat üçin gymmatly baýlyk hasaplanylýar. Ynsan gözlemek, gurmak, döretmek, dünýäni has gözelleşdirmek, kämillige tarap ösmek bilen, uly abraý-mertebe gazanýar. Ýurdumyzda ýaşlara bilim çygrynda döwlet tarapyndan ýakyndan goldaw berilýär. Zehinli ýaşlary ýüze çykarmak, olary goldamak, höweslendirmek, ýaşlarda raýatlyk, watançylyk, ruhy-ahlak duýgularyny terbiýelemek we hukuk medeniýetini ýokarlandyrmak ileri tutulýan wezipeleriň hatarynda goýulýar.

21 Aprel 2024

Logiki meseleler bilen sapaklary gyzyklandyrmak

Matematika sapaklarynyň gyzykly geçmegi we okuwçylaryň ünsüni çekmek üçin logiki meseleleri çözdürmegiň ähmiýeti örän uludyr. Häzirki zaman teoretiki fizikany esaslandyryjy, Nobel baýragynyň (1921 ý.) eýesi Albert Eýnşteýniň belleýşi ýaly: «Logika sizi A punktdan B punkta getirer. Göz öňüne getirme (hyýalyň) bolsa sizi islendik ýere elter». Şonuň üçin matematika dersinden ugurly sapaklarda logiki meseleler bilen bir hatarda, okuwçylarda göz öňüne getirmegi talap edýän meseleler hem bolup biler. Logika oýlanyşykly, paýhasly pikir ýöretmegiň we okuwçynyň biliminiň baýlaşmagynyň esasy şertidir. Dürli logiki meseleleriň çözülmegi okuwçylara seredilýän meselede arabaglanyşyk tapmaga, meseläniň esasy we ikinji derejeli ululyklaryny kesgitlemäge, bilimlerini we endiklerini gerekli ýerlerde ulanmaga mümkinçilik berýär. Şu makalamyzda şeýle meseleleriň käbirini öwrenmekligi göz öňünde tutduk. Birinji mysalymyzda «7=8» deňlik subut edilmeli. Munuň üçin aşakdaky dogry deňlige seredeliň.

21 Aprel 2024

Ýaşlaryň halkara hyzmatdaşlygyny çuňlaşdyrmagyň ýolunda

Aşgabat, 19-njy aprel (TDH). Şu gün Ýagşygeldi Kakaýew adyndaky Halkara nebit we gaz uniwersitetinde “Berkarar döwletiň täze eýýamynyň Galkynyşy döwründe talyp ýaşlaryň ylmy garaýyşlary” atly halkara ylmy-amaly maslahat geçirildi. Utgaşykly görnüşde guralan maslahata professor-mugallymlar, şeýle-de bu bilim ojagynda ýurdumyzyň we daşary ýurtlaryň birnäçe ýokary okuw mekdepleriniň talyplarynyň gatnaşmagynda geçirilen II Açyk halkara informatika olimpiadasyna (OIOIUS — 2024) gatnaşyjylar çagyryldy. Bu gezekki maslahat we onuň çäklerinde guralan sergi “Türkmenistanyň ýaşlarynyň halkara hyzmatdaşlygynyň 2023 — 2030-njy ýyllar üçin Strategiýasynda” kesgitlenen wezipeleri üstünlikli ýerine ýetirmek maksady bilen, “Pähim-paýhas ummany Magtymguly Pyragy” ýylynda geçirilýän möhüm çäreleriň birine öwrüldi.

20 Aprel 2024

Diller — dostluk köprüsi

«Türkmenistanda daşary ýurt dillerini okatmagy kämilleşdirmegiň Konsepsiýasy» üstünlikli durmuşa geçirilýär. Ýurdumyzda ýokary derejede geçirilýän halkara olimpiadalaryň, ylmy-amaly maslahatlaryň dünýäniň ylym, bilim merkezleri bilen hyzmatdaşlygy has-da pugtalandyrmakda, ýaş zehinleri ýüze çykarmakda ähmiýeti uludyr. Diýarymyzyň ýokary okuw mekdepleri daşary döwletleriň bilim ojaklary bilen özara hyzmatdaşlygy barha işjeňleşdirýär. Şunuň bilen birlikde, talyplaryň halkara bäsleşiklere gatnaşmaklaryna uly ähmiýet berilýär. Şu ýylyň 10-11-nji aprelinde Türkmenistanyň Bilim ministrliginiň hem-de Döwletmämmet Azady adyndaky Türkmen milli dünýä dilleri institutynyň bilelikde guramagynda ýurdumyzyň we daşary ýurtlaryň ýokary okuw mekdepleriniň talyplarynyň arasynda iňlis dili boýunça III halkara internet olimpiadasyna (IIOE — 2024) badalga berildi. Bu olimpiada ýurdumyzdan 1000-den gowrak talyp, dünýäniň 40 döwletiniň ýokary okuw mekdeplerinden bolsa 900 töweregi talyp gatnaşdy. Olar Russiýa Federasiýasy, Belarus, Özbegistan, Gazagystan, Täjigistan, Azerbaýjan, Gruziýa, Polşa, Tailand, Wýetnam, Gyrgyzystan, ABŞ, Hytaý, Germaniýa, Türkiýe, Ýaponiýa, Awstraliýa, Hindistan, Wengriýa, Rumyniýa, Şri-Lanka, Koreýa Respublikasy ýaly döwletleriň we ýurdumyzyň talyplarydyr.

19 Aprel 2024

Dostluk köprüleri

Aýdym-sazly dabara geçirildi Hormatly Prezidentimiziň parasatly baştutanlygynda ýurdumyzda daşary ýurt dillerini okatmagy kämilleşdirmek boýunça netijeli işler alnyp barylýar. Welaýatymyzyň umumybilim berýän orta mekdeplerinde fransuz dilini öwrenýän okuwçylaryň gatnaşmagynda Daşoguz şäherindäki daşary ýurt dillerine ýöriteleşdirilen 10-njy orta mekdepde aýdym-sazly dabara geçirildi. Dabarada Fransiýa Respublikasynyň Türkmenistandaky adatdan daşary we doly ygtyýarly ilçisi Filipp Merlen, mekdebiň müdiri Sapardurdy Garaýew dagy çykyş edip, iki ýurduň arasynda ýola goýlan medeni-ynsanperwer gatnaşyklaryň barha işjeňleşdirilýändigini bellediler.

18 Aprel 2024

Aýdyň maksatly türkmen ýaşlary

Berkarar döwletiň täze eýýamynyň Galkynyşy döwründe Arkadagly Gahryman Serdarymyzyň öňdengörüjilikli döwlet syýasatynyň binýadynda ýaşlar baradaky alada, ýaş nesliň oýlap tapyjylygy, döredijiligi we olaryň zähmete höweslendirilmegi ýurdumyzyň mundan beýläkki ösüşlerinde möhüm ähmiýete eýedir. Eziz Watanymyzda ýaş nesiller we olaryň röwşen geljegi hakyndaky alada döwlet syýasatynyň ileri tutulýan ugurlarynyň birine öwrüldi. Ýaşlara sagdyn durmuş ýörelgesini hemişelik hemrasyna öwürmäge, sagdyn we ruhubelent bolmaga, sportuň islendik görnüşi bilen meşgullanmaga hem giň mümkinçilikler döredilýär. Bu günki gün Arkadagly Gahryman Serdarymyzyň döredip berýän oňyn mümkinçiliklerinden peýdalanýan, döwrebap bilim alyp, ylymlar dünýäsine çuňňur aralaşýan türkmen ýaşlarynyň gadamlary batly, ruhlary belent, maksatlary aýdyň. Ylmyň we tehnologiýalaryň häzirki ösýän döwründe sagdyn, ylymly-bilimli, giň dünýägaraýyşly, zähmetsöýer, watansöýüjiligiň, ynsanperwerligiň belent kadalaryna ygrarly nesli terbiýelemek mugallymlaryň we bilim işgärleriniň esasy wezipesidir. “Pähim-paýhas ummany Magtymguly Pyragy” ýylynda-da bilim ulgamynyň maddy-üpjünçilik binýady yzygiderli pugtalandyrylýar, innowasion tehnologiýalaryň, sanly ulgamyň soňky gazananlary ornaşdyrylýar, bilim berlişiniň hili, okatmagyň usullary döwrüň talaplaryna laýyklykda ýylsaýyn kämilleşdirilýär. Bularyň ählisi ýaşlaryň ýokary

18 Aprel 2024

Halkara informatika olimpiadasyna badalga berildi

Düýn Ýagşygeldi Kakaýew adyndaky Halkara nebit we gaz uniwersitetinde ýurdumyzyň hem-de daşary döwletleriň ýokary okuw mekdepleriniň talyplarynyň gatnaşmagynda II Açyk halkara informatika olimpiadasyna (OIOIUS — 2024) dabaraly ýagdaýda badalga berildi. Ýurdumyzda ilkinji gezek geçirilýän informatika olimpiadasyna gatnaşmak üçin dünýäniň 18 döwletiniň ýokary okuw mekdepleriniň talyp ýaşlary we mugallymlary gözel paýtagtymyza geldiler. 350-ä golaý talyby hem-de 30-dan gowrak daşary ýurtly mugallymy bir ýere jemlän olimpiada iki tapgyrda geçiriler. Onuň birinji tapgyrynda gatnaşyjylara programmalary işläp düzmek bilen bagly 5 sany ýumuş hödürlener. Olaryň ählisi zerur programma üpjünçiligi bolan kompýuterler bilen üpjün ediler. Ikinji tapgyrda kiberhowpsuzlyk meselelerini çözmäge degişli tehniki ýumuşlar berler. Netijeler özbaşdak baha berýän monitoring programmasy arkaly jemlener. Ýumuşlary ýerine ýetirmäge 180 minut wagt berilýär. Olimpiada ýurdumyzyň we daşary ýurtlaryň ýokary okuw mekdepleriniň professor-mugallymlaryndan düzülen ýörite topar eminlik eder. Ýeňijiler altyn, kümüş, bürünç medallar we I, II, III derejeli diplomlar bilen sylaglanylar.

18 Aprel 2024

Seniň sanyň näçe?

Biz durmuşymyzy sanlarsyz göz öňüne getirip bilemzok. Sanlar ähli ýerde bar. Mysal üçin, çaga dünýä inende, onuň doglan senesi boýunça oňa üstünlik getirýän sany anyklap bolýar. Numerologiýa ylmy bilen gyzyklanýan hünärmenleriň tassyklamagyna görä, her adama üstünlik getirýän sanlar bolýar. Ol sanlar şeýle tertipde hasaplanylýar. Meselem: siziň doglan senäňiz 25.10.1986 bolsa, 2+5+1+0+1+9+8+6=32. 3+2=5.

18 Aprel 2024

Ylym-bilim — bagtyň çeşmesi

Ynsan ömrüniň manysy öwrenmekden, ylym-bilim almakdan, ony amal etmekden ybaratdyr. Gadymy alym-ulamalaryň belleýşi ýaly, ylym dünýä malyndan has ýokardadyr. Ylym-bilim ynsany goraýan gymmatlykdyr. Arkadagly Gahryman Serdarymyzyň «Ýaşlar — Watanyň daýanjy» kitabynda «Okamak — bereket, ýazmak — kuwwat, döretmek döwletdir» diýilýär. Häzirki wagtda ýurdumyzda amal edilýän düýpli ylym-bilim özgertmeleri ýaşlaryň oňa bolan teşneligini gandyryp, dünýä derejesinde ösen aň-düşünjeli adamlar bolup ýetişmeklerinde aýratyn ähmiýete eýedir. Berkarar döwletiň täze eýýamynyň Galkynyşy döwründe bilimli, watansöýüji ýaşlary kemala getirmek bilim işgärleriniň mukaddes borjy bolup durýar. Munuň üçin häzirki ajaýyp döwrümizde giň mümkinçilikler döredilýär, okatmagyň döwrebap usullary üstünlikli durmuşa geçirilýär. Bu asylly işde hormatly Prezidentimiziň «Ýaşlar — Watanyň daýanjy» atly kitaby ýakyn gollanma bolup durýar. Kitapda hormatly Prezidentimiz şeýle belleýär: «Biz ýaşlara we olaryň sowatlylyk derejesiniň ýokarlandyrylmagyna aýratyn ähmiýet berýäris. Ýurdumyzda ilatyň, şol sanda ýaşlaryň hemmetaraplaýyn ösmegi, aýratyn hem, hünär bilimlerini almaklary babatda ähli şertleri, mümkinçilikleri döredýäris. Munuň üçin kämil mekdebe çenli çagalar edaralary, umumybilim berýän orta mekdepler, ýokary okuw mekdepleriniň täze binalary we beýleki hünär öwredilmegi bilen bagly döwrebap ymaratlar y

17 Aprel 2024

Dil bilen dünýäni gezer

Berkarar döwletiň täze eýýamynyň Galkynyşy döwründe «Pähim-paýhas ummany Magtymguly Pyragy» ýylymyzda ýurdumyz gün-günden ösüşlere beslenýär. Şeýle ösüşleriň biri hem ýurdumyzyň bilim ulgamynda gazanylýan üstünliklerdir. Eziz Watanymyza wepaly, il-günümize gerekli nesilleri kemala getirmek hem-de olaryň bilim derejesini ýokarlandyrmak maksady bilen gözel Diýarymyzda uly işler durmuşa geçirilýär. Bu bolsa biziň bagtyýar geljegimiz bolan ýaş nesillerimiziň giň dünýägaraýyşly bolmagyna getirýär. Ajaýyp zamanamyzda dünýäniň ylym-bilim giňişliklerinde ynamly öňe barýan döwletimizde bilim ulgamy täze mazmun bilen baýlaşdy. Şonuň bilen baglylykda, bilim babatda kämil kanunçylyk binýady hem döredildi. Täze taryhy döwürde ýaş nesliň ylymly-bilimli, edep-terbiýeli bolup ýetişmegi, ylym we döredijilik bilen meşgullanmagy üçin ähli mümkinçilikler döredilendir. Bu günki gün iň täze we innowasiýalara daýanýan enjamlardan, tehnologiýalardan baş çykarýan, ruhy taýdan ösen, beden taýdan sagdyn, giň gözýetimli nesiller kemala gelýär, olar halkara derejede geçirilýän döredijilik we zehin bäsleşiklerinde, sport ýaryşlarynda ýokary netijeleri gazanýarlar. Häzirki wagtda ýaş nesillere ýokary derejede bilim berilýär, hünär öwredilýär. Türkmenistanyň halkara taslamalaryna barha giň gerimde gatnaşmagy, döwletara hyzmatdaşlygynyň batly depginlerde ösdürilmegi, beýleki hünärler bilen bir hatarda,

17 Aprel 2024

Zehinlileriň taplanýan ojagy

Welaýatymyzda ýaşlary milli watançylyk ruhunda terbiýelemekde, olara döwrebap bilim bermekde öňdebaryjy üstünlikleri bilen saýlanylýan mekdepleriň bolmagy biziň üçin buýsandyryjy ýagdaýdyr. Şeýle bilim ojaklarynyň biri hem Türkmenabat şäherindäki takyk we tebigy ugurlara ýöriteleşdirilen 28-nji orta mekdepdir. Mekdepdäki synplaryň 12-si takyk, ýene şonçasy tebigy, 5-si bolsa informatika ugrunda ýöriteleşdirilendir. Bilim ojagynda 850-den gowrak okuwçy bilim alýar.

17 Aprel 2024

Bilim ulgamynda

Okuwçy ýaşlaryň üstünlikleri Döwrüň beýik ösüşleri ylym-bilim ulgamynyň düýpli döwrebaplaşdyrylmagy hem-de yzygiderli esasda ösdürilmegi bilen aýrylmaz baglydyr. Hormatly Prezidentimiziň belleýşi ýaly, bilim biziň beýik geljegimizdir. Şundan ugur alnyp, bilim ulgamynda amala aşyrylýan özgertmeler ýaş nesilleriň ukyp-başarnyklarynyň kämilleşmegine, zehinli ýaşlaryň ýüze çykarylmagyna ýardam berýär. Ýakynda ýurdumyzda geçirilen bäsleşiklerde welaýatymyzdan hem birnäçe zehinli okuwçylar ýeňiji boldular. 

17 Aprel 2024

Bilimiň basgançakly ýollarynda

Eziz Diýarymyzda "Pähim-paýhas ummany Magtymguly Pyragy" ýylynyň her bir güni taryhy wakalara beslenýär. Ynha, 17-nji aprelde Türkmenistanyň Bilim ministrliginiň hem-de Ýagşygeldi Kakaýew adyndaky Halkara nebit we gaz uniwersitetiniň guramagynda ýurdumyzyň we daşary ýurtlaryň ýokary okuw mekdepleriniň talyplarynyň gatnaşmagynda II Açyk Halkara informatika olimpiadasy (OIOIUS – 2024) badalga aldy. Informatika dersi boýunça Açyk Halkara olimpiada Türkmenistanda ilkinji gezek geçirilýär. Oňa dünýäniň birnäçe döwletleriniň we ýurdumyzyň ýokary okuw mekdepleriniň talyplary gatnaşýar.

17 Aprel 2024

Hünärli ýaşlar — döwletimiziň kuwwatly güýji

Eziz Diýarymyz ýaşlaryň bagtyýar durmuşda ýaşamagy, ylym-bilimli, hünärli adamlar bolup ýetişmegi, zähmet çekmegi, oňat dynç almagy üçin ähli amatlyklaryň, möhüm şertleriň döredilen ýurdudyr. Hormatly Prezidentimiziň pähim-paýhasly ýolbaşçylygynda berkarar Watanymyzda ýaş nesil hakyndaky alada döwlet syýasatynyň ileri tutulýan ugurlarynyň birine öwrüldi. Ýaşlar baradaky döwlet syýasatynda olaryň jemgyýetiň we döwletiň ykdysady, syýasy hem medeni durmuşyna işjeň gatnaşmagy, aň-bilim mümkinçilikleriniň, döredijilik ukyp-başarnyklarynyň ýokarlandyrylmagy üçin möhüm şertler döredilýär. Olaryň hukuklarynyň we azatlyklarynyň üpjün edilmeginde hem-de kämil şahsyýetler hökmünde kemala gelmeginde döwlet goldawy berilýär. Döwletimiziň beýik geljeginiň, halkymyzyň bagtyýarlygynyň bähbidine halal zähmet çekmek, döwrebap bilim almak, döretmek, gurmak halkymyzyň watançylyk, ynsanperwerlik, zähmetsöýerlik ýaly ajaýyp häsiýetlerini özünde jemleýän, ylym-bilimli, täze tehnologiýalardan birkemsiz baş çykarýan ýaşlarymyz üçin belent mertebedir. Arkadagly Gahryman Serdarymyz «Ýaşlar — Watanyň daýanjy» atly kitabynda: «Ýaşlaryň ukypdyr zehininiň bütin adamzadyň abadançylygyna gönükdirilmegi bolsa durnukly ykdysady ösüşi gazanmakda möhüm ähmiýete eýedir» diýip belläp geçýär. Şundanam görnüşi ýaly, jemgyýetiň we döwletiň geljekki uly ösüşleri, ykdysadyýetde, ylym-bilimde we beýleki ugurlarda ýokary n

17 Aprel 2024

Giň gerimli işler

Berkarar döwletimiziň ösüşiň täze belentliklerine sary bedew badynda öňe barýan döwründe bilim ulgamynda zähmet çekmekligiň özi — uly bagt. Hormatly Prezidentimiziň taýsyz tagallalary bilen bagtyýar ýaş nesillerimize dünýä hil ülňülerinde bilim-terbiýe berilmegi üçin eşretli eýýamymyzda ähli şert-mümkinçilikler döredildi. Watanymyzyň geljegi bolan ýaş nesillerimiziň özleri üçin üpjün edilip berlen amatly şertlerden ýerlikli peýdalanyp, okamak, öwrenmek, bilimler dünýäsiniň çuňluklaryna aralaşmak üçin yhlas-başanyklaryny gaýgyrmaýandyklaryny nygtamak bolsa, aýratyn ýakymlydyr. Çünki olar bagta barýan ýoluň bilimdedigine aýdyň göz ýetirýärler. Häzirki wagtda bilim edaralarynyň işini «Türkmenistanda sanly bilim ulgamyny ösdürmegiň Konsepsiýasy» esasynda has-da kämilleşdirmek, bilim bermegiň ähli basgançaklaryny ýokary derejeli elektron bilim maglumatlary bilen üpjün etmek boýunça alnyp barylýan giň gerimli işler barha ilerleýär. Ýurdumyzda ýöriteleşdirilen mekdepleriň sanynyň hem soňky ýyllarda barha artýandygy, olarda okuwçylara daşary ýurt dilleriniň çuňlaşdyrylyp öwredilýändigi hem bellärliklidir. Zehinli ýaşlarymyzyň halkara derejede geçirilýän ders bäsleşiklerinde öňdäki orunlary eýelemekleri bolsa hemmämizi örän begendirýär hem-de buýsandyrýar.

17 Aprel 2024

‹
1
2
...
32
33
34
35
36
37
38
...
281
282
›