Türkmenmetbugat

"Türkmenistan" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-60-88, 39-95-06, 39-95-67
Email: turkmenistan-gazeti@sanly.tm

Gazeti PDF görnüşinde ýükläp almak

Habarlar

Gül röwüşli keçeler

Gahryman Arkadagymyzyň tagallasy bilen bagtyýar zamanamyzda halkymyzyň asyrlaryň jümmüşinde döreden milli gymmatlyklarynyň naýbaşy nusgalarynyň biri bolan keçe senetçiligine aýratyn ähmiýet berilýär. Çünki älemgoşar öwüşginli ýüňler bilen güllenilýän keçeler halkymyzyň gözüniň guwanjy, milli baýlygydyr. Keçe basmak köp zähmeti talap edýän inçe senet bolup, onuň özboluşly bezeliş usullary bardyr. Gahryman Arkadagymyzyň jöwher paýhasyndan kemal tapan «Türkmen medeniýeti» atly kitabynda: «Türkmen halkynyň medeni mirasynyň naýbaşy gymmatlyklarynyň arasynda keçäniň tutýan orny has uludyr. Ylmy tassyklamalara görä, halkymyzyň senetçilik dünýäsinde keçe basmak sungaty örän irki döwürlerde ýüze çykypdyr hem-de gündelik durmuşda giňden ulanylypdyr» diýlip, jaýdar bellenilýär. Keçe basmak senedi Türkmenistanyň Demirgazyk etraplarynda giňden meşhurdyr. Sada iş usullaryny özünde jemleýän keçäniň durmuşymyzdaky ähmiýeti örän uludyr. Ol sähra şertlerinde ýaşaýan maldarlaryň ak öýüniň örtügi, düşegi hem at ýapynjasy hökmünde ulanylýar. Keçe goýnuň ýaz hem güýz ýüňlerinden taýýarlanýar. Oňa niýetlenilen ýüňi boýamak üçin meýdan ösümlikleriniň köklerinden, çöpboýadan, naryň we gök hozuň gabygyndan, üzärlikden dürli öwüşginli reňkleri alypdyrlar. Bu barada akyldar şahyrymyz Magtymguly Pyragynyň:

18 Fewral 2021

Milli sazymyz — kalp owazymyz

Ýakynda Ýazmyrat Rejepowyň Türkmen döwlet neşirýat gullugy tarapyndan «Türkmen halk sazlary» atly okuw gollanmasy çapdan çykdy. Okuw gollanmasynda türkmen milli sazynyň ussatlary Mylly Täçmyradowyň, Pürli Saryýewiň, Çary Täçmämmedowyň, Jepbar Hansähedowyň çalan saz nusgalary nota ýazgysyna geçirilipdir. Geçen asyrda rus saz öwrenijileri W.Uspenskiý we W.Belýaýew tarapyndan birnäçe türkmen sazlary nota geçirilip, «Türkmen sazy» atly kitap çap edilýär. Onda nota geçirilen «Haraýym Döndi», «Gandu-şekerli», «Nowgül», «Ýar gara gözli», «Balsaýat» ýaly eserler şondan soňky döwürde ýazylan sazlaryň arasynda duş gelmeýär. Türkmeniň şol halk sazlarynyň bu okuw gollanmasyndaky nusgalarynyň rus sazşynaslarynyň işinden soň ilkinji gezek nota geçirilişidir.

18 Fewral 2021

Mozaika — birleşen gözellik

Mozaika diýlip birmeňzeş ýa-da dürli reňkli, aňyrsy görünmeýän aýnadan, smaltadan (çüýşe) ýa-da daşdan emele getirilip, monumental (uly göwrümli) sungatyň bir görnüşi bolan şekillere ýa-da nagyşlara aýdylýar. Mozaika sungaty binagärlikde gadymyýetden bäri ulanylyp gelnipdir. Asyrlaryň dowamynda dürli halklar onuň ösmegine, özgermegine, ýerine ýetiriliş aýratynlyklaryna öz goşandyny goşupdyrlar. Şeýlelikde, wagtyň geçmegi bilen bu ajaýyp sungatyň birnäçe görnüşleri emele gelipdir. Ine, olaryň käbirleri: Aleksandr mozaikasy. Bu miladydan öňki ikinji asyrda döredilip, Aleksandr Makedonskiý bilen baglanyşykly ellinler döwrüniň mozaikasynyň şertli atlandyrylyşydyr. Bu sungat eseri häzirki wagtda Neapol şäherinde saklanylyp, ak, sary, gyzyl we goňur reňklerde ýerine ýetirilipdir.

18 Fewral 2021

Zehinliler saýlandy

Golaýda Saparmyrat Türkmenbaşy adyndaky Şekillendiriş sungaty muzeýinde çagalar çeperçilik we sungat mekdepleriniň 3-4-nji synp okuwçylarynyň arasynda surat çekmek bäsleşiginiň jemleýji tapgyry geçirildi. Türkmenistanyň Medeniýet ministrliginiň guramagynda geçirilen bäsleşige Aşgabat şäheriniň Medeniýet müdirliginiň garamagyndaky çagalar çeperçilik we sungat mekdeplerinden saýlama tapgyrda ýeňiji bolan mekdep okuwçylary gatnaşdylar. Jemleýji tapgyrda jemi 20 okuwçy kesgitlenen wagt aralygynda reňk bilen natýurmort çekmek boýunça özara bäsleşdiler. Bäsleşigiň şertine görä, merkezde ýerleşdirilen natýurmorty ähli aýratynlyklary bilen talabalaýyk şekillendirmek üçin okuwçylara 3 sagat wagt berildi. Şeýlelikde, ýaşajyk suratkeşler öz ukyp-başarnyklaryny görkezdiler.

17 Fewral 2021

Täze sahna oýnunyň söhbedi

Çagalar üçin ajaýyp sowgat Çaga we ertekiler dünýäsiniň arasynda bir umumylyk bar. Çaganyň dünýägaraýşy başgaça, ol töweregini gurşap alan ähli zada geň galýar. Olardan üýtgeşiklik, täsinlik gözleýär. Çagalar dünýäni kabul edip, ony öz hyýalbentligi bilen baýlaşdyrýarlar. Çagalygyň ertekä çalym edýändigi hem şol sebäpli bolsa gerek. Biz hem çagalyk döwrümizi ýatlap, ertekiler dünýäsine dolanmak maksady bilen, Nurmuhammet Andalyp adyndaky döwlet sazly drama teatryna tarap ugradyk. Teatryň agzybir döredijilik işgärleriniň täze möwsüm üçin «Garry möjek hakynda» atly spektaklyny taýýarlaýandygy hakyndaky hoş habary okyjylarymyz bilen paýlaşmagy makul bildik. Sözümiziň hörpünden goýuljak sahna eseriniň çagalara niýetlenendigini aňan bolsaňyz gerek. Spektakl hakynda doly maglumat almak üçin teatryň edebiýat bölüminiň hünärmeni Öremyrat Öwezowa ýüz tutanymyzda, ol bize şeýle gürrüň berdi:

17 Fewral 2021

Gadymy medeniýetiň Diýary

Hormatly Prezidentimiziň öňdengörüjilikli durmuş-ykdysady strategiýasynyň Birleşen Milletler Guramasy tarapyndan yglan edilen Durnukly ösüş maksatlaryna doly laýyk gelýändigi aýratyn buýsandyryjydyr. Türkmenistan işjeň «Açyk gapylar» syýasatyny amala aşyrmak bilen, hemişelik oňyn Bitaraplyk ýörelgesine laýyklykda hyzmatdaşlygy dowam etdirip, BMG bilen netijeli gatnaşyklary ösdürýär. Soňky ýyllarda bu hyzmatdaşlyk Milletler Bileleşiginiň esasy agentlikleri we ýöriteleşdirilen edaralary bilen barha berkeýän hyzmatdaşlygyň esasynda hil taýdan täze derejä çykdy. Ýurdumyz bilim ulgamyna dünýäniň täze gazananlaryny ornaşdyrmak bilen, ynsanperwer ulgamda BMG bilen özara hyzmatdaşlygy işjeň ösdürýär. Türkmenistanda işleýän iri abraýly guramalar: ÝUNISEF, ÝUNFPA, ÝUNDP, ÝUNESKO bilen bilelikde iş alnyp barylýar. ÝUNESKO BMG-niň bilim, ylym we medeniýet boýunça ýöriteleşdirilen edarasydyr. Onuň esasy wezipeleri bilim, ylym we medeniýet ugurlarynda hyzmatdaşlygy giňeltmegiň hasabyna parahatçylygy hem-de howpsuzlygy berkitmekden, kanunçylygy we adalatlylygy berjaý etmekden, milletleriň dillerine we dinlerine garamazdan, BMG-niň düzgünnamasynda yglan edilen adamyň hukugyna we azatlygyna hormat goýmakdan ybaratdyr. ÝUNESKO guramasy 1945-nji ýylyň 16-njy noýabrynda döredilýär, onuň ştab-kwartirasy Fransiýanyň Pariž şäherinde ýerleşýär. ÝUNESKO öz işini bilim, tebigy bilimler, sosial we ynsanp

17 Fewral 2021

Arkadag gurduran binalary bar

Berkarar döwletimiziň bagtyýarlyk döwründe, hormatly Prezidentimiziň parasatly baştutanlygynda, ýurdumyzyň paýtagty Aşgabat şäheri günsaýyn gözelleşýär, täze keşbe eýe bolýar. Gahryman Arkadagymyzyň Permany bilen, Aşgabat şäheriniň gününiň döredilmegi we onuň her ýylyň 25-nji maýynda umumymilli baýramçylyk hökmünde bellenilip geçilmegi biziň her birimizi buýsandyrýar. Kaşaň ymaratlar, aýna ýaly tämiz giň köçeler, gök öwsüp oturan baglar, hoşboý ysly güller, ýadygärlik toplumlary, serhowuzlar, suw çüwdürimlerini synlan her bir adamda ýatdan çykmajak täsirleri galdyrýar. Şonuň üçin hem Aşgabada myhman bolan daşary ýurtlularyň her biri ilkinji sözüni Aşgabadyň owadanlygyndan, tämizliginden başlaýar. Merkezi Aziýanyň merjenine öwrülen türkmen paýtagtynyň dünýä derejesinde ykrar edilmegi biziň her birimiziň kalbymyzda buýsanç duýgusyny döredýär. Indi ençeme ýyl bäri gözel şäherimiz Aşgabat halkara maslahatlarynyň, köpugurly sergi-ýarmarkalaryň, ylmy-amaly maslahatlaryň, döredijilik festiwallarynyň geçirilýän ýerine öwrüldi.

17 Fewral 2021

Garagumda doglanlar...

Mähriban Arkadagymyzyň geçen ýylda baharyň ilkinji günlerinde, ýagny guşlaryň saýrap başlap, ösümlikleriň gülleýän döwründe Garagum sährasynda bolup, onda ösýän ýüzlerçe görnüşli ösümlikdir otlardan we olaryň peýdaly taraplaryndan söz açmagy, olar barada gyzykly maglumatlary bermegi ýüregimizde ýakymly täsir bolup galdy. Ol ajaýyp görnüş şu güne çenli hyýalyňda bereketli Garagum sährasyna syýahat etmäge mümkinçilik berýär. Ösümlikler dünýäsine baý Garagum bolsa gözelliklere-de diýseň baý. «Garagumda doglanlar sähra ýaly giň bolýar» diýen söze okan çeper eserlerimde kän duşupdym. Onuň bir ujunyň özüme-de degişli bolaýmalydygy hakynda, dogrusy, oýlanmandyrynam. Dogrudan-da, şeýlemikä?! Bu sowalyma jogap tapmadyk wagtym, öz-özümden uýalyp gidýärin. Öz-özüme nesihat berip, «Eger şeýle dälem bolsa, Hydyr gören Garagumuň hatyrasyna sähranyň özi ýaly giň bolmaga çalyşmaly!» diýýärin. Sebäbi biziň başymyzy Garagumuň mahmal şemallary sypady. Garagumuň üstünden düşýän Gün şöhlesi çoýdy. Şonuň ýaly-da, Garagumuň giň ýaýlalarynda agyp-dönüp ýören goýun-guzularyň, düýeleriň sesini eşidip ulaldyk. Aňňat-aňňat gum depeleriniň üstüni, ak çägäni jana derman saýdyk...

17 Fewral 2021

Köňüllerdäki buýsanç dillerde sena

Gahryman Arkadagymyzyň peşgeş beren Berkarar döwletiň bagtyýarlyk döwründe eziz Watanymyzda halkymyzyň buýsanjy bolan mährem eneleriň we gelin-gyzlaryň hormat-sarpasy belentde tutulýar. Zenanlaryň jemgyýetdäki hukuklary we bähbitleri goralyp, olaryň öndürijilikli hem-de döredijilikli zähmet çekmekleri, ukyp-başarnyklaryny açyp görkezmekleri üçin ähli şertlerdir mümkinçilikler döredilýär. Muňa geçirilýän maslahatlaryň, duşuşyklaryň, bäsleşikleriň we beýleki çäreleriň mysalynda hem göz ýetirmek bolýar. Her ýyl geçirilmegi däbe öwrülen «Ýylyň zenany» bäsleşigi-de şeýle çäreleriň biridir. Türkmenistanyň Zenanlar birleşiginiň welaýat bölüminiň hem-de Türkmenistanyň Kärdeşler arkalaşyklarynyň welaýat birleşmesiniň bilelikde guramaklarynda «Ýylyň zenany» bäsleşiginiň Balkanabat şäherinde geçirilen welaýat tapgyryna onuň etrap-şäher tapgyrlarynda üstünlikli çykyş edip, tapawutlanan zenanlar gatnaşdylar. Zenanlary ýurdumyzyň jemgyýetçilik durmuşyna has giňden çekmek maksady bilen guralan bäsleşikde oňa gatnaşyjylar berlen şertlere laýyklykda, dürli ugurlar boýunça ukyp-başarnyklaryny görkezdiler.

15 Fewral 2021

Döwrümiziň ýaşajyk waspçylary

Ýakynda Türkmenistanyň Döwlet çeperçilik akademiýasynyň sergiler jaýynda çagalar çeperçilik we sungat mekdepleriniň arasynda sergi bäsleşigi geçirildi. Oňa Aşgabat şäheriniň Medeniýet müdirligine degişli çagalar çeperçilik we sungat mekdeplerinde bilim alýan mekdep okuwçylary öz döreden eserleri bilen gatnaşdylar. Bäsleşik nakgaşlyk, heýkeltaraşlyk, zergärçilik, halyçylyk we külalçylyk ugurlary boýunça alnyp baryldy. Hödürlenen işler Türkmenistanyň Medeniýet ministrliginiň hem-de Döwlet çeperçilik akademiýasynyň wekillerinden düzülen eminler topary tarapyndan gözden geçirilip, her ugur boýunça ýeňijiler kesgitlendi.

15 Fewral 2021

Ýaş dessançy bagşy (Siziň deň-duşuňyz)

Demirgazyk welaýatymyzda bagşyçylyk sungatynyň dessançylyk ýolunda özleriniň zehini, şirin owazlary bilen halk içinde adygyp ýören bagşylar sanardan köp. Aýdym-sazyň piri hasaplanylýan Aşyk Aýdyň Piriň ak patasyny alan dessançy bagşylar bu toprakda şägirt yzyna şägirt ýetişdirip, bagşyçylyk sungatyny dowam etdirip gelýärler. Golaýda galamdaş dostumyzyň öýüne myhmançylyga ugradyk. Ulagdan düşenimizem şoldy welin, ýanýodadan gidip barýan bir ýigdekçe bize edep bilen salam berdi. Başynda silkme telpegi, egninde gyrmyzy dony, gazma dutaram arkasynda... howlukmaç gidip barýar. Onýança öý eýesi (ýagny dostumyz) ýanymyza geldi-de, öýe girmegimizi mürähet etdi. Üç dost bolup saçak başyna jemlendik. Döredijilik barada biraz gümür-ýamyr etdik. Gürrüňimiziň arasynda şol oglanjyk barada öý eýesinden soradyk. Görüp otursak, ol goňşusy eken. Öý eýesi agşamlyk şol oglanjygy çagyryp, «gulagymyzyň posuny açjakdygynam» ýanjady. Gün ýaşar uçurlary oglanjyk ýanymyza geldi. Gabyndan dutaryny çykaragetdin, «Şasenem-Garyp» dessanyny birkemsiz gürrüň bermäge başlady. Biz hem tutuş göwrämiz bilen gulaga öwrülip, aýdym-sazyň gudratyna maýyl bolupdyrys. Aram-aram ol demini dürsemek üçin birsellem dutaryny gapdalynda goýýardy. Dymyşlykdan peýdalanyp, dessançy bagşy bilen tanyşmaga başladyk...

15 Fewral 2021

Men surat çekýärin

Gözellik hemişe ynsany özüne bendi edýär. Gözelligi, ajaýyplygy öz eserlerine siňdirmegi başarýan ýaşlarymyzyň döredijiligi bilen her gezek içgin tanşanyňda, seriňi buýsanç duýgulary gaplap alýar.

15 Fewral 2021

Bakylygyň beýany

Hormatly Prezidentimiz Gurbanguly Berdimuhamedow: «Türkmen halkynyň akyldar şahyry Magtymguly Pyragy indi üç ýüz ýyla golaý wagt bäri öz ady bilen hem-de gaýtalanmaýan çeper döredijiligi bilen türkmeni şöhratlandyryp gelýär. Şahyryň mertebesi, onuň türkmeniň taryhyndaky, jemgyýetçilik syýasy, medeni-edebi durmuşyndaky orny müdimidir» diýip, aryf-akyldara ýokary baha berýär. Döwlet Baştutanymyzyň golaýda geçiren ýurdumyzyň Ministrler Kabinetiniň sanly wideoaragatnaşyk arkaly mejlisinde Türkmenistanyň Garaşsyzlygynyň 30 ýyllyk şanly baýramy, Magtymguly Pyragynyň şygryýet güni mynasybetli paýtagtymyzda akyldar şahyrymyzyň ýadygärligini açmaga görülýän taýýarlyklar barada habar berilmegi Gündogaryň beýik söz ussadynyň edebi mirasyna goýulýan hormat-sarpanyň ýene bir beýany hökmünde köňüllerimizi buýsanja besledi. Beýik akyldar Magtymguly Pyragynyň ömri, durmuşy hakda alymlaryň aýdan sözleri ýüzýyllyklaryň dowamynda dünýä edebiýatynyň altyn sahypasyny bezäp gelipdir. Polýak ýazyjysy Aleksandr Hodzko-Boreýko, wenger alymy Arminiý Wamberi, Peterburg uniwersitetiniň professory I.N.Berezin, akademik W.W.Bartold, Ý.A.Bertels, F.A.Bakulin, A.N.Samoýlowiç, Ukrain Ylymlar akademiýasynyň akademigi A.E.Krymskiý bu ugurda uly işleri alyp bardylar.

15 Fewral 2021

Alabaý — milli buýsanjymyz

«Türkmenistan — parahatçylygyň we ynanyşmagyň Watany» diýlip atlandyrylan 2021-nji ýylyň ilkinji aýynda, ýagny 25-nji ýanwarda hormatly Prezidentimiz Aşgabat we paýtagtymyzyň töweregi boýunça iş saparyny amala aşyrdy. Şol gezekki saparynyň barşynda döwlet Baştutanymyz halkymyzyň milli baýlygy hasaplanýan alabaýlaryň ösdürilip ýetişdirilişiniň nusgalyk ýörelgeleriniň döwrebap derejede dowam etdirilişi bilen gyzyklanyp, Köpetdagyň etegindäki gözel künjekleriň birine bardy. Bu ýerde Gahryman Arkadagymyz Halkara türkmen alabaý itleri assosiasiýasynyň buýurmasy esasynda gurulýan desgalar toplumynda işleriň gidişi bilen tanyşdy hem-de alnyp barylýan işler bilen baglylykda jogapkär ýolbaşçylara birnäçe tabşyryklary berdi. Hormatly Prezidentimiz şol saparynda Türkmen alabaý itleriniň baýramy Türkmen bedewiniň milli baýramy bilen utgaşdyrylyp geçirilse maksadalaýyk boljakdygyny belläp, bu baýramçylyk mynasybetli meýilleşdirilýän çäreleriň guramaçylyk ýagdaýynyň ýokary derejede bolmalydygyny sargady.

15 Fewral 2021

Olar sežde edýär gözelliklere

Her bir maşgala ojagyny ýyladýan ýörelge bolýar. Biz şu makalamyzda öz döredijilikleri bilen diňe bir öz maşgala ojagyny däl, eýsem, gözellige teşne ýürekleri hem ýyladýan, sungata göwün beren bagtyýar maşgala barada söhbet etmegi makul bildik. Çagalar köplenç ata-enesiniň hünärini dowam etdirmäge döwtalap bolýarlar. Sungatyň taryhyna nazar aýlasak, suratkeşler maşgalalarynyň az däldigine göz ýetirýäris. Şolaryň biri bolan suratkeşler Umarowlaryň maşgalasynda hem esasy däp — döredijilikli zähmet çekmek.

15 Fewral 2021

Ýakymly duýgulara beslendi

«Türkmenistan — parahatçylygyň we ynanyşmagyň Watany» ýylynda Ahal welaýat kitaphanasy tarapyndan täsirli döredijilik duşuşyklarynyň, dabaralaryň, maslahatlaryň, söhbetdeşlikleriň, edebiýat agşamlarynyň köp sanlysyny geçirmek meýilleşdirilýär. Welaýat merkezinde ýerleşýän N.Saryýew adyndaky Çagalar sungat mekdebinde geçirilen edebiýat agşamy hem şeýle çäreleriň biri boldy. Welaýat kitaphanasynyň neşirleri saklamak bölümi tarapyndan guralan edebiýat agşamy Türkmenistanyň halk artisti, kompozitor Daňatar Öwezowyň doglan gününiň 110 ýyllygyna bagyşlandy. Onda çykyş edenler ussat kompozitoryň ömri we döredijiligi barada söz açdylar, onuň döreden sazlarynyň milli saz sungatymyzy ösdürmekdäki ähmiýeti hakynda gürrüň berdiler. Bellenilişi ýaly, ussat kompozitoryň saz eserlerinde diňe bir gadymy milli däpler däl, eýsem dünýä tejribeleri, sungatynyň dürli görnüşiniň, şol sanda opera sungatynyň häzirkizaman ýörelgeleri öz beýanyny tapýar.

14 Fewral 2021

Ýylyň zenany

ÖŇŇIN Ak bugdaý etrabynyň Gämi oba Medeniýet öýünde «Ýylyň zenany» atly bäsleşigiň welaýat tapgyry geçirildi. Türkmenistanyň Zenanlar birleşiginiň Merkezi Geňeşi tarapyndan ýurdumyzyň öňdebaryjy zenanlarynyň arasynda yglan edilen bäsleşigiň nobatdaky tapgyryna welaýatymyzyň etraplaryndan hem-de Tejen şäherinden öňdebaryjy zenanlar gatnaşdy. Täze taryhy döwrümizde Gahryman Arkadagymyzyň döredýän ajaýyp şertleridir mümkinçiliklerinden ruhlanan türkmen zenanlary ýurdumyzyň döwleti dolandyryş edaralarynda, halk hojalygynyň dürli pudaklarynda, ylymda, bilimde, medeniýetde, jemgyýetçilik işlerinde we beýleki ugurlarda yhlasly zähmet çekip, ata Watanymyzyň gülläp ösmegine, kuwwatlanmagyna, şan-şöhratynyň arşa göterilmegine özleriniň saldamly goşantlaryny goşýarlar. Şoňa görä-de, bu gün ata-babalarymyzdan gelýän ajaýyp ýörelgelerimize, milli däp-dessurlarymyza, ruhy gymmatlyklarymyza eýerilip, ýurdumyzda zenanlara uly sarpa goýulýar, olar hakda bimöçber alada edilýär, zähmetine mynasyp baha berilýär. Munuň özi Arkadagly döwrümiziň bagtyýar zenanlarynda egsilmez ruhubelentligi we ylham joşgunyny döredýär. Bu hakykata “Ýylyň zenany” atly özboluşly bäsleşigiň barşynda hem aýdyň göz ýetirmek mümkin boldy.

14 Fewral 2021

Aýdym bilen köňüllerimiz özgerýär (Döwürdeş)

Mary welaýatynyň Sakarçäge etrabynyň etrap Medeniýet bölüminiň medeniýet merkeziniň tans toparynyň tansçysy, Türkmenistanyň Prezidentiniň «Türkmeniň Altyn asyry» atly bäsleşiginiň çäklerinde geçirilýän «Ýaňlan, Diýarym!» telebäsleşiginiň ýeňijisi, Ýaşlar baýragynyň eýesi Maýsa Myradowa bilen söhbetdeşlik ŞAHSY MAGLUMAT

12 Fewral 2021

«Aşgabat bahary» kinofestiwaly

Türkmenistanyň Telewideniýe, radiogepleşikler we kinematografiýa baradaky döwlet komitetiniň Oguz han adyndaky «Türkmenfilm» birleşigi şanly Garaşsyzlygymyzyň 30 ýyllygy, şeýle hem Aşgabat şäheriniň 140 ýyllygyna bagyşlap, ýurdumyzyň çäginde «Aşgabat bahary» atly gysga göwrümli çeper filmleriň kinofestiwalyny geçirýär. Kinofestiwal zehinli kinorežissýorlary, dramaturglary, operatorlary, artistleri ýüze çykarmak, şeýle hem Aşgabat şäheriniň gözelligini, Garaşsyzlyk ýyllarynda ýeten üstünliklerini çeper beýan etmek hem-de çuň many-mazmunly filmleri döretmek maksady bilen geçirilýär.

12 Fewral 2021

Sapaly durmuşyň waspy

Bagtyýar halkymyz zenanlary ýüzüniň tuwagy, maşgala ojagynyň eýesi hasaplap, olara uly sarpa goýýar. Berkarar döwletimiziň bagtyýarlyk döwründe türkmen zenanlary Diýarymyzyň döwlet dolandyryş edaralarynda, halk hojalygynyň dürli pudaklarynda, ylym-bilim, medeniýet, saglygy goraýyş ulgamlarynda, jemgyýetçilik işlerinde yhlasly zähmet çekýärler. Ýurdumyzda dürli ugurlarda zähmet çekýän zenanlaryň ukyp-başarnyklaryny açyp görkezmek maksady bilen her ýyl «Ýylyň zenany» atly bäsleşik yzygiderli geçirilýär. Golaýda Türkmen döwlet medeniýet institutynda Türkmenistanyň Zenanlar birleşiginiň Merkezi Geňeşiniň yglan eden «Ýylyň zenany — 2021» atly bäsleşiginiň Aşgabat şäher tapgyry geçirildi. Bäsleşikde etrap tapgyrlarynda ýeňiji bolan zenanlar çykyş etdiler. Eziz Diýarymyzyň ösüşine mynasyp goşant goşýan, halk hojalygynyň dürli pudaklarynda zähmet çekýän zenanlar işewürlikde, halyçylyk bilen meşgullanmakda, çagalary terbiýelemekde, mukaddes topraga yhlas siňdirmekde, harby we hukuk goraýjy edaralarda köplere nusga bolýarlar. Zenanlar çykyşlarynda ata Watanymyzda gazanylýan ägirt uly tutumlaryň, ýetilen sepgitleriň, eýelenýän üstünlikleriň, sapaly durmuşyň waspyny ýetirdiler.

12 Fewral 2021

‹
1
2
...
281
282
283
284
285
286
287
...
292
293
›