Gyzykly bäsleşikler

Golaýda Türkmen döwlet bedenterbiýe we sport institutynda ýurdumyzyň ýokary okuw mekdepleriniň talyp ýaşlarynyň arasynda ýaýbaňlandyrylan innowasion sport hepdeliginiň çäginde fijital we kibersport görnüşleri boýunça ýaryşlar geçirildi. Şeýlelikde, fijital-futbol boýunça Türkmenistanyň Inžener-tehniki we ulag kommunikasiýalary institutynyň topary 1-nji orny eýeledi. Türkmen döwlet bedenterbiýe we sport institutynyň topary 2-nji, Türkmen döwlet binagärlik-gurluşyk institutynyň topary 3-nji orunlara mynasyp boldular. Fijital-basketbol we fijital-stol tennisi boýunça Türkmen döwlet bedenterbiýe we sport institutynyň topary ýeňiş gazanmagy başardy. Türkmen döwlet maliýe institutynyň we Türkmen döwlet binagärlik-gurluşyk institutynyň toparlary degişlilikde 2-nji, 3-nji orunlary eýelediler. Ýaryşyň çäginde Türkmenistanda ilkinji gezek fijital-küşt bäsleşikleri geçirildi. Onda Türkmen döwlet bedenterbiýe we sport institutynyň topary öňe saýlandy. Türkmen döwlet ykdysadyýet we dolandyryş institutynyň topary 2-nji, Türkmen döwlet binagärlik-gurluşyk institutynyň topary 3-nji orunlara mynasyp boldular. Kibersport (CS: Global Offensive) boýunça geçirilen ýaryşda Türkmen döwlet bedenterbiýe we sport institutynyň topary ýeňiş gazandy. Türkmenistanyň Telekommunikasiýalar we informatika institutynyň topary 2-nji, Halkara ynsanperwer ylymlary we ösüş uniwersitetiniň topary 3-nji orunlary eýel

Olim­pia­da­lar­da tä­ze sport gör­nüş­le­ri

Olimpiýa oýunlarynyň maksatnamasyna her gezek sportuň täze görnüşlerini girizmek özboluşly däbe öwrüldi. Munuň sebäbi Oýunlary kabul edýän ýurduň Halkara Olimpiýa Komitetiniň yglan edýän hemişelik sanawyna sportuň birnäçe täze görnüşini goşmaga hukugynyň bolmagyndadyr. Ýakyn geljekde geçiriljek tomusky we gyşky Olimpiýa oýunlarynyň maksatnamasyna hem sportuň birnäçe görnüşiniň girizilmegine garaşylýar. 2028-nji ýylda ABŞ-nyň Los-Anjeles şäherinde geçiriljek tomusky Olimpiýa oýunlarynda bolsa kriket, lakross, skwoş, baýdakly-futbol, beýsbol ýaly görnüşler boýunça bäsleşikleri guramak meýilleşdirilýär. Kriket we beýsbol sport muşdaklaryna ozal hem tanyş bolup, dünýäde janköýerleriň iň köp tomaşa edýän görnüşlerine degişlidir. Hokkeý bilen amerikan futbolunyň birleşdirilmeginden dörän lakross oýnunda iki topar ýaşyl meýdançada ujunda torly gapan bolan taýagyň kömegi bilen topy birek-biregiň derwezesine geçirmäge synanyşýar. Tennise çalym edýän skwoş oýnunda türgenler ýapyk giňişlikde diwardan serpigýän topy raketka bilen gezekli-gezegine urup, garşydaşdan üstün çykmaga ymtylýarlar. Baýdakly futbol bolsa amerikan futbolyna çalym edýär. Bu oýunda topy almak üçin garşydaşy ýykmaga derek, onuň guşagyndaky lenta görnüşindäki baýdajygy goparmak ýeterlikdir.

Kämillik ýolunda

Gahryman Arkadagymyzyň sahawatynyň, Arkadagly Gahryman Serdarymyzyň öňdengörüjilikli döwlet syýasatynyň netijesinde güneşli Diýarymyz bagtyýar çagalaryň, bagtly çagalygyň mekanyna öwrüldi. Berkarar döwletimizde bagtyýar ýaş nesillerimiz hemişe üns-alada bilen gurşalýar. Ata Watanymyzyň daýanjy, bagtyýar halkymyzyň dowamaty hasaplanýan çagalaryň kämil bilim-terbiýe almagy, sagdyn bedenli, milli ýörelgelerimize ygrarly şahsyýetler bolup ýetişmegi üçin ähli mümkinçilikler döredilýär.

Paýtagtyň açyk birinjiligi

Bu gün eziz Diýarymyzdaky sport mekdeplerinde kämil türgenleri ýetişdirmekde maksatnamalaýyn işler alnyp barylýar. Olarda ýaşlaryň sportuň dürli görnüşleri bilen meşgullanmagy üçin giň şert-mümkinçilikler döredilýär. Ýurdumyzda bedenterbiýäni we sporty ösdürmek, ýaşlary watansöýüjilik ruhunda terbiýelemek, köpçülikleýin bedenterbiýäni we sporty wagyz etmek maksady bilen, paýtagtymyzdaky we welaýatlardaky döwrebap sport mekdeplerinde dürli ýaryşlar yzygiderli guralýar. 7-8-nji dekabrda 2007-nji ýylda doglan we ondan kiçi ýaşly ýetginjek oglanlaryň arasynda woleýbol boýunça Aşgabat şäheriniň açyk birinjiligi geçirildi. Bu ýaryş Aşgabat şäheriniň bedenterbiýe we sport baradaky Baş müdirliginiň «Gökje» sport desgasynyň sport zalynda geçirildi. Çekeleşikli häsiýete eýe bolan bäsleşikde «Ýedigen-1» topary ýeňiji boldy. «Ýedigen-2» topary 2-nji, «Döwletliler» topary 3-nji orunlary eýelediler.

Sport — hemmeler üçin!

Sporty hem sagdyn durmuş ýörelgesini saýlaýan ýaşlaryň sanynyň yzygiderli artmagy Watanymyzda durmuşa geçirilýän döwletli syýasatyň miwesidir. Şunda islendik ugur boýunça bilim alýan ýaşlaryň hem sport we bedenterbiýe bilen meşgullanmagy üçin döredilýän mümkinçilikleriň ähmiýetine aýratyn ünsi çekmek gerek. Bu hakykaty tassyklamak üçin biziň bilim ojagymyzda — Maýa Kulyýewa adyndaky Türkmen milli konserwatoriýasynyň ýanyndaky Daňatar Öwezow adyndaky Türkmen döwlet ýörite sazçylyk mekdebinde okaýan ýaşlaryň durmuşyndan mysal almak ýeterlikdir. Häzir mekdebimizde 13 bölüm hereket edip, talyp ýaşlarymyz aýdym-sazdan daşary bedenterbiýe we sport bilen meşgullanmaga hem wagt tapýarlar. Olar Türkmenistanyň hünär-tehniki we orta hünär okuw mekdepleriniň talyplarynyň arasynda her ýyl geçirilmegi asylly däbe öwrülen «Türkmenistan — ruhubelentligiň we sagdynlygyň ýurdy» atly sport ýaryşlarynyň woleýbol, basketbol, kiçi futbol, ýeňil atletika, küşt, şaşka, düzzüm, stol tennisi, welosiped sporty, milli göreş, tanap çekmek ýaly bäsleşiklerine işjeň gatnaşýarlar. Biziň ýaşlarymyz beýleki bäsleşiklerde hem ýeňiş ugrunda yhlaslaryny gaýgyrmaýarlar. Jemgyýetimizde sagdyn durmuş ýörelgesini berkarar etmegiň hem-de zyýanly endiklere garşy göreşmegiň ygtybarly serişdesi bolan bedenterbiýe we sport beden taýdan güýçli, ruhy taýdan sagdyn ýaş nesliň kemala gelmeginiň hem möhüm şertidir. Biz hem şol

Taryhda şu gün

Kuraşçylarymyzyň täze halkara üstünligi

Welaýatymyzyň dürli sport mekdeplerinde türgenleşýän ýetginjek kuraşçylar Mongoliýanyň paýtagty Ulan-Bator şäherinde geçirilen dünýä çempionatynda medallaryň altysyna mynasyp boldular. 34 döwletden 140 pälwany özünde jemlän dünýä çempionaty ýaş derejeleriniň ikisi ― 14 we 15, 16 we 17 ýaşly türgenleriň arasynda geçirildi. 14 ― 15 ýaşly türgenleriň arasynda ildeşlerimiz bürünç medallaryň üçüsini gazandylar. Has takygy, Çärjew etrabyndaky 64-nji orta mekdebiň 10-njy synp okuwçysy Orazmuhammet Orazow, Türkmenabat şäherindäki 29-njy orta mekdebiň 10-njy synpynda okaýan Serdar Kabulow we Türkmenabat şäherindäki 21-nji orta mekdepden Nurana Mergenowa dagy degişlilikde, 55, 60 hem-de 57 kilograma çenli agram derejelerinde hormat münberiniň üçünji basgançagyna çykdylar.

Futzal ýaryşynda üçünji tapgyryň duşuşyklary geçirildi

Futzal boýunça Türkmenabat şäheriniň kubogyny eýelemek ugrundaky ýaryşda üçünji tapgyryň duşuşyklary geçirildi. Bu duşuşyklar uly hasaplara baý boldy. Ýaryşyň «A» toparçasynda «Bäş dogan» topary «Farap» toparyny 12:2, «Gurluşykçy» bolsa «Amuly» 20:3 hasabynda ýeňdi. Toparçada «Köpetdag» topary dynç aldy.

Şanly senä bagyşlandy

Babadaýhan etrabyndaky 19-njy orta mekdepde Watanymyzyň baky Bitaraplygynyň 29 ýyllyk şanly baýramyna bagyşlanan küşt ýaryşy geçirildi. Mekdep okuwçylarynyň arasyndaky ýaryş “Türkmenistan” Ýaşlar bedenterbiýe-sport guramasynyň welaýat bölümi hem-de etrabyň bedenterbiýe we sport bölümi tarapyndan guraldy. Ýaryşda okuwçy oglan-gyzlaryň onlarçasy akyl-paýhas oýny boýunça özara bäsleşdiler. Gyzyklanma eýe bolan ýaryşyň netijesinde etrapdaky 15-nji orta mekdepden gelen okuwçylar toparlaýyn birinji orna mynasyp boldular. 8-nji orta mekdebiň topary ikinji, 6-njy orta mekdebiň topary üçünji orny eýeledi. Ýeňijiler hormat hatlary bilen sylaglandy.

Küşt boýunça ýaryş geçirildi

Halkara Bitaraplyk gününiň şanyna Tejen etrabyndaky 40-njy orta mekdepde okuwçy ýaşlaryň arasynda küşt ýaryşy geçirildi. “Türkmenistan” Ýaşlar bedenterbiýe-sport guramasynyň welaýat bölüminiň hem-de etrabyň bilim bölüminiň bilelikde guramagynda geçirilen ýaryşyň esasy makşady şanly senäni dabaralandyrmakdan, okuwçy ýaşlaryň sport ussatlygyny ýokarlandyrmakdan ybarat boldy. Gyzykly geçen ýaryşda etrapdaky 31-nji orta mekdebiň topary birinji, 41-nji orta mekdebiň topary ikinji, 32-nji orta mekdebiň topary üçünji orny eýeläp, “Türkmenistan” Ýaşlar bedenterbiýe-sport guramasynyň welaýat bölüminiň hormat hatlaryna mynasyp boldular.

Ökdeler ýeňiji boldy

Ahal welaýatynyň bedenterbiýe we sport baradaky Baş müdürliginiň guramagynda Änew şäherindäki sport mekdebinde Türkmenistanyň baky Bitaraplygynyň 29 ýyllygyna bagyşlanyp küşt boýunça 7, 9, 11 ýaşa çenli küştçi oglan-gyzlaryň arasynda welaýatyň birinjiligini almak ugrunda ýaryş geçirildi. Oňa welaýatymyzyň etraplaryndan gelen ýaşajyk küştçüler bäsleşdiler. Ýaryşda 7 ýaşa çenli oglanlaryň arasynda Bäherden etrap sport mekdebinden Alyhan Garamämmedow, gyzlaryň arasyndan şol mekdepden Aýşa Annasähedowa, 9 ýaşa çenli gyzlaryň arasynda Tejen etrabyndan Aýnur Saparowa, şol ýaşdaky oglanlaryň arasynda Gökdepe etrabyndan Ysmaýyl Nurberdiýew, 11 ýaşa çenli gyzlaryň arasynda Bäherden etrabyndan Gülnäz Adylowa, oglanlaryň arasynda Tejen etrabyndan Hezretnur Habibow ýeňiji boldy. Ýeňijilere Ahal welaýatynyň bedenteriýe we sport baradaky Baş müdirliginiň hormat hatlary gowşuryldy.

Sport — ruhubelentligiň çeşmesi

Berkarar döwletiň täze eýýamynyň Galkynyşy döwründe ýurdumyzyň sport ulgamyny kämilleşdirmek, türkmen sportunyň dünýädäki abraýyny belende götermek, ilaty köpçülikleýin sport bilen meşgullanmaga çekmek, bedenterbiýe-sagaldyş hereketi arkaly sagdyn durmuş ýörelgelerini has-da ýaýbaňlandyrmak ýaly asylly maksatlardan gelip çykýan wezipeler üstünlikli durmuşa geçirilýär. «Bedenterbiýe we sport hakynda» Türkmenistanyň Kanuny raýatlaryň sagdyn durmuş ýörelgesini kemala getirmäge gönükdirilip, bedenterbiýe we sport babatda esasy ýörelgeleri kesgitleýär, jemgyýetçilik gatnaşyklaryny düzgünleşdirýär hem-de işiň hukuk, guramaçylyk, ykdysady we durmuş esaslaryny belleýär. Türkmenistanyň raýatlarynyň bedenterbiýe we sport bilen meşgullanmaga bolan hukugy döwlet tarapyndan ony durmuşa geçirmek üçin zerur şertleri döretmek, bedenterbiýe we sport babatda döwlet syýasatyny alyp barmak arkaly üpjün edilýär. Hormatly Prezidentimiz: «Biz sportuň mümkinçiliklerini parahatçylygyň we dostlugyň bähbitlerine gönükdirmek arkaly, täze sport düzümlerini dörederis. Hakyky sport söýüjileriň, ussat türgenleriň döwrebap neslini kemala getireris. Çünki ýaş nesillerimiziň bedenterbiýe we sport bilen meşgullanmagy döwrüň möhüm talabydyr. Sport sagdynlygyň, gözelligiň çeşmesidir» diýmek bilen milli sportuň ösdürilmegine aýratyn ähmiýet berýär. Ýurdumyzda milli sportuň durmuşyndaky şanly wakalaryň mysalynda hem

Okuwçy gyzlar basketbol ýaryşdy

Babadaýhan etrabyndaky 23-nji orta mekdepde «Türkmenistan — ruhubelentligiň we sagdynlygyň ýurdy» atly XIV spartakiadanyň çäginde okuwçy gyzlaryň arasynda basketbol ýaryşy geçirildi. Bu ýaryş etrapdaky orta mekdeplerden gelen okuwçy gyzlaryň basketbol sportuna höwesiniň ýokarydygyny görkezdi. «Türkmenistan» Ýaşlar bedenterbiýe-sport guramasynyň welaýat bölümi, etrabyň bedenterbiýe we sport bölümi, etrap bilim bölümi hem-de jemgyýetçilik guramalary tarapyndan guralan ýaryş güýçli toparlary öňe saýlady. Ýaryşda etrapdaky 23-nji orta mekdebiň topary birinji, 5-nji orta mekdebiň topary ikinji, 1-nji orta mekdebiň topary üçünji orna mynasyp boldy.

Türk­me­nis­ta­nyň mil­li ýy­gyn­dy­sy «D» to­par­ça­da çy­kyş eder

Fut­bol bo­ýun­ça 2027-nji ýyl­da Sa­ud Ara­bys­ta­nyn­da ge­çi­ril­jek 19-njy Azi­ýa Ku­bo­gy­nyň 3-nji saý­la­ma tap­gy­ry­nyň bi­je­le­ri çe­kil­di. Bi­jä la­ýyk­lyk­da, 24 ýy­gyn­dy 4 to­par­ly 6 to­par­ça paý­lan­dy. Türk­me­nis­ta­nyň mil­li ýy­gyn­dy­sy-da 2-nji tor­ba­dan bi­jä go­şu­lyp, il­deş­le­ri­miz «D» to­par­ça düş­di. Türk­men fut­bol­çy­la­ry bu to­par­ça­da Tai­lan­dyň, Hy­taý Taý­pe­ýi­niň hem-de Şri Lan­ka­nyň ýy­gyn­dy­la­ry bi­len du­şu­şar. Her ýy­gyn­dy bi­ri-bi­ri bi­len öz meý­dan­ça­syn­da hem-de myh­man­çy­lyk­da 2 ge­zek du­şu­şyk ge­çi­rer. 6 oýun­dan soň to­par­ça­lar­da 1-nji or­ny eýe­län­ler ýa­ry­şyň fi­nal tap­gy­ry­na gat­na­şar­lar. Du­şu­şyk­lar 2025-nji ýy­lyň 25-nji mar­tyn­dan 2026-njy ýy­lyň 31-nji mar­ty­na çen­li ara­lyk­da oý­na­lar. Ýag­ny 2025-nji ýy­lyň 25-nji mar­tyn­da, 10-njy iýu­nyn­da, 9-njy we 14-nji okt­ýab­ryn­da, 18-nji no­ýab­ryn­da hem-de 2026-njy ýy­lyň 31-nji mar­tyn­da ge­çi­ri­ler.

Ralli-reýd boýunça ýurdumyzyň çempionaty

Halkara Bitaraplyk güni mynasybetli Garagum sährasynda awtomobil sportunyň ralli-reýd görnüşi boýunça Türkmenistanyň çempionaty geçirildi. Ahal we Balkan welaýatlarynyň çäginde guralan ýaryşa gatnaşyjylar jemi 161 kilometr aralykda bäsleşdiler. Şonuň 138 kilometri ýaryşyň birinji gününde, galany bolsa ikinji günde geçildi. Çempionat Türkmenistanyň Awtomobil sport federasiýasy bilen Türkmenistanyň Bedenterbiýe we sport baradaky döwlet komitetiniň bilelikde guramagynda geçirildi. Oňa Türkmenistanyň Içeri işler ministrliginiň, «Türkmenawtoulaglary» agentliginiň hem-de Türkmenistanyň Awtomobil sport federasiýasynyň ýygyndy toparlary gatnaşdylar. Ýaryşlar «T2» we açyk synply awtoulag görnüşleri boýunça geçirildi. «Nissan Patrol», «Mitsubishi Pajero» we «Toyota Hilux» awtoulaglarynda iň gowy netije görkezen türgenler ýaryşyň ýeňijileri boldular.

Sport — ruhubelentlik

Ata Watanymyz sagdynlygyň we bagtyýarlygyň, sportuň pajarlap ösýän ýurdy hökmünde ykrar edildi. Ýurdumyzda giňden ýaýbaňlandyrylan sagdyn durmuş ýörelgeleri, bedenterbiýe hereketiniň hem-de sportuň ösüşli menzilleri, başarjaň türgenlerimiziň halkara ýaryşlarynda üstünlikli çykyş etmekleri muny dolulygyna äşgär edýär. Sport sagdynlygyň, ruhubelentligiň gözbaşydyr. Sportuň islendik görnüşi bilen meşgullanýan adam özerkli bolýar. Oňa ukyp-başarnyk, çydamlylyk, eden işine paýhasly çemeleşmek, tertiplilik, daş-töweregindäki adamlar bilen hoşniýetli gatnaşyklary alyp barmak ýaly häsiýetler mahsusdyr. Ýeňşe bolan hyjuw bilen türgenleşýän türgenlerimiz bolsa, gazanan üstünlikleri bilen ata Watanymyzyň sportdaky halkara abraýyny has-da ýokary derejelere ýetirýär.

Innowasion sport ýaryşlary

Eziz Diýarymyzda dünýäde barha meşhurlygy artýan sportuň sanly tehnologiýalar bilen bagly ugurlary hem ösdürilýär. Halkara Bitaraplyk güni mynasybetli ýurdumyzyň ýokary okuw mekdepleriniň talyplarynyň arasynda şu ýylyň 2—7-nji dekabry aralygynda sportuň innowasion ugurly fijital we kibersport görnüşlerinden geçirilen sport hepdeligi muňa aýdyň şaýatlyk edýär. Türkmenistanyň Bilim ministrliginiň, Türkmenistanyň Bedenterbiýe we sport baradaky döwlet komitetiniň, Milli talyplar sportunyň hem-de Milli elektron sport federasiýalarynyň bilelikde guramagynda geçirilen ýaryşlar Türkmen döwlet bedenterbiýe we sport institutynyň sportuň olimpiýa görnüşleri fakultetiniň köpugurly sport toplumynda geçirildi. Innowasion sport hepdeliginiň bäsleşiklerine ýurdumyzyň ýokary okuw mekdepleriniň 20-sinden 200-e golaý talyp türgenler gatnaşdylar. Ýaryşlar türgenlerimiz üçin halkara oýunlaryna taýýarlygyň bir tapgyry bolmak bilen, innowasion sport görnüşlerinde zehinleri ýüze çykarmakda hem-de hasaba almakda möhüm ähmiýete eýe boldy. Ýaryşlar sportuň innowasion görnüşleriniň aýratynlyklaryny şöhlelendirdi. Şeýle ýaryşlaryň esasy maksady ýurdumyzyň ýokary okuw mekdeplerinde bilim alýan talyp ýaşlaryň sanly ulgamyň mümkinçiliklerini netijeli peýdalanmaklaryny gazanmakdan, olaryň fiziki işjeňligini ýokarlandyrmakdan, bu ugurdan zehinli türgenleri ýüze çykarmakdan we fijital-sport boýunça özara tejrib

Ralli-reýd boýunça ýurdumyzyň çempionaty

Halkara Bitaraplyk güni mynasybetli Garagum sährasynda awtomobil sportunyň ralli-reýd görnüşi boýunça Türkmenistanyň çempionaty geçirildi. Ahal we Balkan welaýatlarynyň çäginde guralan ýaryşa gatnaşyjylar jemi 161 kilometr aralykda bäsleşdiler. Şonuň 138 kilometri ýaryşyň birinji gününde, galany bolsa ikinji günde geçildi. Çempionat Türkmenistanyň Awtomobil sport federasiýasy bilen Türkmenistanyň Bedenterbiýe we sport baradaky döwlet komitetiniň bilelikde guramagynda geçirildi. Oňa Türkmenistanyň Içeri işler ministrliginiň, «Türkmenawtoulaglary» agentliginiň hem-de Türkmenistanyň Awtomobil sport federasiýasynyň ýygyndy toparlary gatnaşdylar. Ýaryşlar «T2» we açyk synply awtoulag görnüşleri boýunça geçirildi. «Nissan Patrol», «Mitsubishi Pajero» we «Toyota Hilux» awtoulaglarynda iň gowy netije görkezen türgenler ýaryşyň ýeňijileri boldular.

Gazçylaryň ýaş türgenleri ynamly ýeňiş gazandy

Ähli ugurlar boýunça uly üstünliklere beslenýän «Pähim-paýhas ummany Magtymguly Pyragy» ýylynyň 19-njy noýabryndan 5-nji dekabry aralygynda Türkmenistanyň Bedenterbiýe we sport baradaky döwlet komitetiniň Sport mekdebi tarapyndan Halkara bitaraplyk güni mynasybetli 2010 — 2014-nji ýyllarda doglan ýetginjekleriň arasynda şaýbaly hokkeý boýunça sport mekdebiniň açyk birinjiligi geçirildi. Aşgabat şäherindäki Gyşky oýunlar sport toplumynda Türkmenistanda şaýbaly hokkeýi ösdürmek, wagyz etmek, ýaş hokkeýçileriň ussatlygyny kämilleşdirmek, ýaşlary höweslendirmek, sporta çekmek, iň güýçli toparlary hem oýunçylary kesgitlemek maksady bilen geçirilen ýaryş diýseň gyzykly we çekeleşikli geçdi. Açyk birinjilige «Türkmengaz» döwlet konserniniň «Türkmengazawtomatika» müdirliginiň «Oguzhan» hokkeý klubunyň ýetginjek türgenleri hem gatnaşdy. Mälim bolşy ýaly, «Oguzhanyň» oýunçylary ýurdumyzyň iň güýçli türgenleriniň hatarynda durýar. Gazçylaryň topary bu gezek hem ýaryşda öz ussatlygy bilen tapawutlanmagyň hötdesinden geldi. Netijede, «Oguzhan» topary ähli garşydaşlaryndan ynamly ýeňişler bilen üstün çykdy we 1-nji ýeri eýeledi hem-de açyk birinjilikde hormat hatyna, kuboga mynasyp boldy.

2,5 MILLIARD ÝEWROLYK ÝARYŞ

2025-nji ýylda ABŞ-da täzeçe tertipde geçiriljek futbol boýunça klublaryň arasyndaky dünýä çempionatynyň baýrak gaznasy 2,5 milliard ýewro deň bolar. Bu barada «Marca» neşiri ýazýar. Çeşmäniň bellemegine görä, ýaryşyň umumy baýrak gaznasynyň 70 göterimi oňa gatnaşýan Ýewropanyň 12 toparyna paýlanylar. Baýrak gaznasynyň galan 30 göterimi bolsa ýaryşa gatnaşýan beýleki 20 topara bölünip berler. Ýeri gelende bellesek, 5-nji dekabrda ýaryşa bije çekildi. Bijä laýyklykda, tomaşaçylar eýýäm toparçalaýyn tapgyrda «Mançester Siti» — «Ýuwentus», «Bawariýa» — «Boka Huniors», «Riwer Pleýt» — «Inter», «PSŽ» — «Atletiko» we «Flamengo» — «Çelsi» ýaly gyzykly gapma-garşylyklaryň şaýady bolarlar.