Türkmenmetbugat

"Türkmenistan" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-60-88, 39-95-06, 39-95-67
Email: turkmenistan-gazeti@sanly.tm

Gazeti PDF görnüşinde ýükläp almak

Habarlar

«Mançester Siti » soňky sekuntlarda ýeňlişden halas boldy

Angliýanyň «Premier Ligasynda » tapgyryň iň esasy oýnunda ýeňiş gazanan bolmady. Çekeleşikli we dartgynly geçen duşuşykda «Mançester Siti » soňky sekuntlarda ýeňlişden halas boldy. Öz meýdançasynda «Arsenaly » kabul eden «Mançester Siti » Erling Holannyň 9-njy minutdaky goly bilen öňe saýlandy. Bu onuň klubdaky 100-nji goly hökmünde hasaba alyndy. Holann 100-nji goluna 105 oýunda ýetip, Kristiano Ronaldonyň «Real Madridde » 105 oýunda 100 gol rekordyny gaýtalady. Holann APL-de ilkinji 5 tapgyrda 10 gol geçiren ilkinji futbolçy boldy. Duşuşygyň 22-nji minutynda Kalafioriniň ajaýyp goly bilen «Arsenal » hasaby deňledi. 45+1-nji minutda braziliýaly goragçy Gabriel «Arsenaly » öňe saýlady. Ýöne 45+8-nji minutda Trossara emin Maýkl Oliwer 2-nji sarydan soň gyzyl kart görkezip, ony meýdançadan kowdy. 2-nji ýarymda duşuşyk «Arsenalyň » jerime meýdançasynyň alkymynda geçse- de, «Mançester Siti » 90+8-nji minutda hasaby Stounzyň goly bilen deňläp, ýeňlişden halas boldy. «Mançester Siti » «Premier Ligada » 2022-nji ýylyň noýabryndan bäri öz meýdançasynda ýeňilmän gelýär (33 oýun). Duşuşykda dyzyndan şikes alan «Mançester Sitiniň » ispaniýaly ýyldyzy Rodri üçin möwsüm tamamlandy. APL-de 5-nji tapgyrda «Çelsi » Jeksonyň (2) hem-de Palmeriň gollary bilen myhmançylykda «West Hamdan » 3–0 hasabynda üstün çykdy. «Liwerpul » hem şol hasap bilen «Bornmuty » ýeňip, duşuşykda Luiz Diaz (2) bilen N

26 Sentýabr 2024

Hepdäniň esasy duşuşyklary

27-nji sentýabr (anna) Borussiýa D – Bohum (23:30) Milan – Leççe (23:45) PSŽ – Renn (00:00) 28-nji sentýabr (şenbe) Nýukasl – Man. Siti (16:30) Udineze – Inter (18:00) Lokomotiw – Spartak (18:30) Arsenal – Lester (19:00) Çelsi – Braýton (19:00) Jenoa – Ýuwentus (21:00) Wulwerhempton – Liwerpul (21:30) Bawariýa – Baýer (21:30) Krasnodar – Zenit (21:30) Osasuna – Barselona (00:00) 29-njy sentýabr (ýekşenbe) Torino – Lasio (15:30) Ipswiç – Aston Willa (18:00) M. Ýunaýted – Tottenham (20:30) Napoli – Monza (23:45) Strasbur – Marsel (23:45) Atletiko – Real Madrid (00:00)

26 Sentýabr 2024

Çempionlar Ligasynda 1-nji duşuşyklar barada statistikalar, gyzykly maglumatlar

UEFA Çempionlar Ligasynyň täzelenen formatdaky möwsüminiň ilkinji tapgyrynyň duşuşyklary tamamlandy. Geçirilen 18 oýunda dürli hasabatlar ýüze çykdy. * 18 duşuşykda jemi 57 gol hasaba alnyp, oýunlaryň 10-synda ýer eýeleri, 5-sinde myhmanlar ýeňiş gazandy. Deňlikde gutaran 3 duşuşykda- da hasap açylmady. Golsuz deňlikde tamamlanan duşuşyklaryň 2-si Italiýada geçirildi. Umumylykda deňme- deň tamamlanan duşuşyklarda taraplaryň biri italýan klublary boldy. * 5 klubly gatnaşýan Germaniýanyň 3 kluby ýeňiş gazandy, 2 topary- da utuldy. 5 toparly ýurtlardan italýanlaryň 1 kluby ýeňip, 1 kluby utuldy, 3 kluby- da golsuz deňme- deň oýnady. 4 klubly ýurtlardan Fransiýanyň 3 kluby ýeňşini baýram etdi (1 ýeňliş). Iňlis klublarynyň 2-si ýeňse, 2-si deňme- deň oýnady. Ispan toparlarynyň 2-si Madrid şäheriniň wekilleri 3 utuk aldy, ýöne Kataloniýa sebitiniň wekilleri ýeňlişe sezewar boldy. Portugal klublarynyň 2-si 1-nji tapgyry ýeňiş bilen tamamlady. Awstriýanyň, Niderlandlaryň 2 kluby hem utuldy. * UEFA-nyň ýaryşlaryna ilkinji gezek gatnaşýan toparlardan «Brest» 1-nji aýlawy ýeňiş bilen tamamlasa, «Žirona » iň soňky minutlarda derwezeçisiniň awtogoly bilen ýeňlişe sezewar boldy. Çempionlar Ligasynyň debýutanty «Slawiýa Bratislawa » myhmançylykda uly hasap bilen ýeňildi. 42 ýyldan soň bu ýaryşa wekilçilik edýän «Aston Willa » myhmançylykda 3 utugy 3 gol bilen gazandy. 60 ýyldan soň UEFA-nyň i

26 Sentýabr 2024

Myhmançylykdaky toparlaryň uly hasaply ýeňişleri

Futbol boýunça Türkmenistanyň çempionatynda 25-nji tapgyryň çäginde 3 duşuşyk geçirildi. Şolaryň 2-sinde myhmançylykdaky toparlar uly hasaplar bilen ýeňiş gazandy. Sanawyň lideri «Arkadag » topary myhmançylykda «Merw» bilen duşuşyp, 8–1 hasabynda ýeňiş gazandy. Myhmanlara uly hasaply ýeňiş getiren gollary Altymyrat Annadurdyýew (9, 22), Didar Durdyýew (37), Abdy Bäşimow (44), Şanazar Tirkişow (45+4), Ybraýym Mämmedow (60), Begenç Akmämmedow (82) hem-de Güýçmyrat Annagulyýew (90+2) geçirdi. «Merwiň » ýeketäk pökgüsini bolsa 76-njy minutda 11 metrlik jerime urgusyndan Söhbet Allanurow öz adyna ýazdyrdy. «Altyn asyr» topary myhmançylykda «Köpetdagyň » derwezesinden jogapsyz 3 gol girizdi. Gollaryň 2-sini Myrat Annaýew (48, 68 p), beýlekisini- de Mihail Titow (62) tora saldy. Ýeňijini ýeke- täk goluň kesgitlän oýnunda «Nebitçi » öz meýdançasynda «Aşgabat » toparyny Myratdurdy Baýramowyň 78-nji minutdaky goly bilen 1–0 hasabynda ýeňlişe sezewar etdi. «Ahal» bilen «Şagadamyň » arasyndaky duşuşyk bolsa ätiýaçdaky günleriň birine geçirildi. Çempionatda iň köp gol geçirenleriň sanawynda «Arkadag » toparynyň oýunçylarynyň öz arasynda ýiti göreş dowam edýär. Didar Durdyýew 24 gol bilen 1-nji orunda barýar. 23 golly Altymyrat Annadurdyýew 2-nji, 14 gol geçiren Begenç Akmämmedow 3-nji orny eýeleýär.

26 Sentýabr 2024

Üçünji aýlawyň soňky tapgyrlary

Futbol Milli futbol çempionatymyzyň üçünji aýlawynyň 24-nji we 25-nji tapgyrlarynyň oýunlary geçirildi. Balkanabadyň «Nebitçisi» 24-nji tapgyrda Ahal welaýatynyň Änew şäheriniň «Ahal» toparyny kabul etdi. Duşuşygyň 28-nji minutynda Daýanç Meredowyň, 34-nji minutynda 11 metrlik jerime urgusyndan Elman Tagaýewiň geçiren gollary myhmanlara nobatdaky ýeňşi getirdi.

25 Sentýabr 2024

Sport mekdep-internatynyň açyk birinjiligi

Ahal welaýatynyň ýaş olimpiýaçylary taýýarlaýan sport mekdep-internatynda sportuň dzýudo görnüşi boýunça açyk birinjilik geçirildi. Şanly Garaşsyzlygymyzyň 33 ýyllygynyň hormatyna geçirilen mekdebiň açyk birinjiligine ýaş dzýudoçylaryň onlarçasy gatnaşdy. Ýaş olimpiýaçylary taýýarlaýan sport mekdep-internatynyň okuwçylary ýaryşda has şowly çykyş etdiler. 46 kilogram agram derejesinde Ismail Haýdarow, 50 kilogram agram derejesinde Yhlas Lellekow, 55 kilogram agramda Nurmuhammet Atanepesow, 66 kilogram agram derejesinde Şükür Hatamow, 81 kilogramdan ýokary agramda Hanmyrat Annalyýew dagy ýeňiji boldy.

25 Sentýabr 2024

Ýeňil atletika ýaryşy

Ak bugdaý etrabynyň sport mekdebinde sportuň ýeňil atletika görnüşi boýunça ýaryş geçirildi. “Türkmenistan” Ýaşlar bedenterbiýe-sport guramasynyň welaýat bölüminiň, etrap bilim bölüminiň hem-de etrabyň bedenterbiýe we sport bölüminiň bilelikde guramagynda geçirilen ýaryşa etrapdaky orta mekdeplerden toparlar gatnaşdy. Şanly Garaşsyzlygymyzyň 33 ýyllyk baýramyna bagyşlanan ýaryşda okuwçy oglanlar we gyzlar aýratynlykda ukyp-başarnygyny görkezdiler. Çekeleşikli geçen ýaryşyň netijesinde okuwçy gyzlaryň arasynda 16-njy orta mekdebiň topary birinji, ýöriteleşdirilen 45-nji orta mekdebiň topary ikinji, 1-nji orta mekdebiň topary üçünji orna mynasyp boldy. Oglanlaryň arasyndaky ýaryşda 1-nji, 10-njy hem-de ýöriteleşdirilen 45-nji orta mekdepleriň toparlary baýrakly birinji, ikinji, üçünji orunlary eýelediler. Ýeňiji toparlar hormat hatlary bilen sylaglandy.

25 Sentýabr 2024

Sport mekdebiniň birinjiligi

Garaşsyzlyk baýramyna bagyşlanyp, Bäherden etrap sport mekdebinde grek-rim göreşi boýunça birinjilik geçirildi. Türkmenistanyň Kärdeşler arkalaşyklarynyň etrap birleşmesiniň hem-de etrap sport mekdebiniň bilelikde guramagynda geçen ýaryşa 2014-2015-nji ýyllarda doglan türgenler gatnaşdy. Ýaryşda 21 kilogram agramda Oraz Ýomudow, 23 kilogram agramda Ahmet Babaýew, 25 kilogram agramda Mälik Baýramberdiýew, 27 kilogram agramda Kerwen Çaryýarow, 29 kilogram agramda Döwlet Nuryýew, 31 kilogram agramda Hezret Ataýew, 33 kilogram agramda Hekim Suhanlyýew, 35 kilogram agramda Selim Muhammedow dagy üstün çykdy. Ýaryşda ýeňiji bolan türgenlere Hormat hatlary hem-de ýadygärlik sowgatlar gowşuryldy.

25 Sentýabr 2024

Baş baýramyň şanyna

Garaşsyzlyk güni — döwletimiziň baş baýramy. Şoňa görä, ol uly üstünlikler, täze zähmet ýeňişleri bilen garşylanylýar. Bu şanly sene mynasybetli Diýarymyzyň çar künjeginde dürli mazmunly çäreler, baýramçylyk dabaralary geçirilýär. Ýurdumyzyň daşary döwletlerdäki diplomatik wekilhanalary hem, öz gezeginde, bu asylly işe goşant goşýar. Türkmenistanyň Aktaudaky konsullygy tarapyndan sportuň woleýbol görnüşi boýunça guralan ýaryş hem ýetip gelýän mukaddes Garaşsyzlygymyzyň 33 ýyllygyna bagyşlandy. «Pähim-paýhas ummany Magtymguly Pyragy» şygary astynda geçirilen ýaryşyň maksady sporta söýgi ruhunda halklaryň arasyndaky dostlugy berkitmäge goşant goşmakdan ybarat boldy. Bu çärä konsullygyň işgärleri, Aktau şäheriniň ýaşaýjylary we bu ýerde okaýan hem ýaşaýan türkmenistanlylar höwes bilen gatnaşdylar. Dostlukly, ruhubelent ýagdaýda geçen ýaryşa gatnaşyjylar toparlara bölünip, sportuň bu meşhur görnüşi boýunça ussatlygyny görkezdiler.

24 Sentýabr 2024

Küştçülerimiziň täze üstünligi

Ýurdumyzyň küşt boýunça erkekler we zenanlar ýygyndylary Wengriýanyň paýtagty Budapeşt şäherinde geçirilen Bütindünýä küşt olimpiadasynda üstünlikli çykyş edip, öz toparçalarynda birinji orny eýelediler. Munuň özi 6 ýyllyk arakesmeden soňra, küşt dünýäsindäki iň abraýly ýaryşa gatnaşýan türkmen türgenleri üçin ýokary netijedir. 45-nji gezek geçirilen Olimpiada 200-e golaý topar gatnaşdy. Olaryň arasynda umumy hasapdan başga-da, toparlaryň reýting derejesine laýyklykda toparçalara bölünen hasaplar hem ýöredildi. Şeýlelikde, Bütindünýä küşt olimpiadasynyň ýaryşlary bäş toparçada geçirildi. Ýaryşda ýurdumyzyň erkekler ýygyndysy mümkin bolan 22 utukdan 15 utuk toplap, «B» derejesinde, zenanlar ýygyndymyz bolsa 14 utuk bilen «C» derejesinde çempion bolmagy başardylar. Türkmen küştçüleriniň ýerleşen toparçalary olaryň umumy sanawdaky orny bilen baglydyr. Olar ýaryşa ortaça reýtingiň 73-nji ornundan girişdiler.

24 Sentýabr 2024

Şaşka boýunça bäsleşigiň netijeleri yglan edildi

Ýagşygeldi Kakaýew adyndaky Halkara nebit we gaz uniwersitetinde Türkmenistanyň Milli şaşka merkeziniň, «Nebit-gaz» gazetiniň we «Ussatnews» elektron gazetiniň redaksiýalarynyň Türkmenistanyň Garaşsyzlyk baýramynyň şanly 33 ýyllygyna hem-de «Pähim-paýhas ummany Magtymguly Pyragy» ýylyna bagyşlap, bilelikde yglan eden sportuň şaşka görnüşi boýunça bäsleşiginiň netijeleri yglan edildi. Bäsleşik şu ýylyň 1-nji fewralyndan 5-nji sentýabry aralygynda geçirilip, onuň dowam edýän döwründe gazetiň sanlarynda okyjylara Bütindünýä Intellektual oýunlarynyň ýeňijisi, Türkmenistanyň Milli şaşka merkeziniň agzasy, Balkan welaýatynyň ýöriteleşdirilen şaşka sport mekdebiniň tälimçi mugallymy Maksat Durdyýew tarapyndan taýýarlanylan şaşka meseleleri hödürlenildi. Şaşka meseleleriniň çözgütlerine baha bermek, ýeňijileri kesgitlemek Türkmenistanyň Milli şaşka merkeziniň, «Nebit-gaz» gazetiniň, «Ussatnews» elektron gazetiniň redaksiýalarynyň wekillerinden düzülen eminler topary tarapyndan gelnen netijä laýyklykda amala aşyryldy. Ýokary guramaçylyk ýagdaýynda geçirilen bäsleşige gatnaşyjylaryň sany garaşylyşyndan hem artyk boldy. Intellektual oýun ýurdumyzyň dürli pudaklarynda, bilim-ylym edaralarynda zähmet çekýän, okaýan mugallymlarydyr talyp ýaşlary, okuwçylary bir ýere jemledi.

23 Sentýabr 2024

Çekeleşikli geçen bäsleşik

Gahryman Arkadagymyzyň başyny başlan hem-de hormatly Prezidentimiziň üstünlikli dowam etdirýän döwletli işleriniň netijesinde Garaşsyz Türkmenistan sportuň hem-de köpçülikleýin bedenterbiýe-sagaldyş hereketiniň pajarlap ösýän ýurdy, iri halkara ýaryşlarynyň yzygiderli geçirilýän mekany hökmünde dünýäde ykrar edildi. Arkadagly Gahryman Serdarymyzyň belleýşi ýaly, bedenterbiýe we sport jemgyýetiň sazlaşykly ösüşini üpjün edýär, adam häsiýetini kemala getirmekde möhüm orny eýeleýär. Adamda ynamy, güýç-kuwwaty, ruhubelentligi terbiýeleýär. Şonuň üçin raýatlarymyzy, aýratyn-da, ýaşlary bedenterbiýe we sport bilen meşgullanmaga giňden çekmek, sagdyn durmuş ýörelgelerini wagyz etmek boýunça netijeli işler alnyp barylýar. Şeýle işleriň çäklerinde «Balkangazüpjünçilik» müdirliginiň «Gyzylarbatetrapgaz» gaz hojalyk edarasynda zähmet çekýän işgärleriň arasynda Türkmenistanyň Garaşsyzlygynyň şanly 33 ýyllygy mynasybetli şahsy birinjiligi almak ugrunda sportuň şaşka görnüşi boýunça geçirilen bäsleşigem uly ruhubelentlige beslendi.

23 Sentýabr 2024

Şäheriň birinjiligi ugrunda

«Pähim-paýhas ummany Magtymguly Pyragy» ýylynda welaýatymyzda ýaşlaryň  arasynda köpçülikleýin bedenterbiýäni we sporty ösdürmek hem-de wagyz etmek maksady bilen, welaýat bedenterbiýe we sport baradaky Baş müdirliginiň, Baş bilim müdirliginiň, «Türkmenistan» ýaşlar bedenterbiýe-sport guramasynyň Daşoguz şäher bölüminiň, TMÝG-niň Daşoguz şäher geňeşiniň, TDP-niň Daşoguz şäher komitetiniň bilelikde guramagynda sportuň basketbol görnüşi boýunça oglanlaryň we gyzlaryň arasynda ýaryş geçirildi. Daşoguz şäherindäki iňlis dili dersine ýöriteleşdirilen 29-njy orta mekdebiň sport eýwanynda geçirilen bu ýaryşa şäherdäki orta mekdepleriň okuwçylary gatnaşdylar.

23 Sentýabr 2024

«Bawariýa» ÝÇL-e «dokuzyny düzläp» girişdi

Geçen hepde täze görnüşde geçirilip başlanylan UEFA-nyň Çempionlar ligasynyň täze möwsümine badalga berildi. Ýaryşyň birinji tapgyry «Bawariýa» bagyşlanyldy diýsegem bolar. Sebäbi nemes topary birinji tapgyrda Zagrebiň «Dinamosyny» 9:2 hasabynda ýeňlişe sezewar etdi. Başgaça aýtsak, Wensan Kompaniden tälim alýan topar ýaryşa «dokuzyny düzläp» girişdi. Şeýlelikde, «Bawariýa» ÝÇL-iň bir oýnunda 9 gol geçiren ilkinji topar hökmünde taryha girdi. Galyberse-de, duşuşykda 4 gezek tapawutlanan angliýaly Garri Keýn ÝÇL-däki gollarynyň sanyny 33-e ýetirip, turnirde iň köp gol geçiren iňlis oýunçylarynyň arasynda birinji orna göterildi. Mundan başga-da, ÝÇL-iň birinji tapgyrynda birnäçe merkezi oýunlar hem bolup geçdi. Hususan-da, «Liwerpul» myhmançylykda «Milany» 3:1 hasabynda ýeňen bolsa, «Mançester Siti» — «Inter», «Atalanta» — «Arsenal» oýunlarynda hasap açylmady.

23 Sentýabr 2024

Ronaldunyň halypasy täzelendi

Düzüminde portugaliýaly ýyldyz Kriştianu Ronaldu hereket edýän Saud Arabystanynyň «Al Nassr» kluby kanagatlanarsyz netijeler sebäpli, baş tälimçi Luiş Kaştruny işden boşatdy. Onuň ýerini italiýaly hünärmen Stefano Pioli eýeledi. Topar «Milanyň» ozalky halypasy bilen 2026-njy ýyla çenli niýetlenilen şertnama baglaşdy. Oňa laýyklykda, 58 ýaşly hünärmen ýylyna 12 million ýewro hak alar. «Al Nassr» Pioliniň gol astyndaky ilkinji oýnuny 20-nji sentýabrda «Al-Ittifak» toparyna garşy geçirip, 3:0 hasabynda ýeňiş gazandy. Duşuşykdaky gollaryň birine 33-nji minutda 11 metrlik jerime urgusyny dürs ýerine ýetiren Ronaldu awtorlyk etdi. Şeýlelikde, 4 tapgyrda 8 utuk gazanan «Al Nassr» häzirki wagtda Saud Arabystanynyň premýer-ligasynda bäşinji ýerde barýar. Turnir tablisasynyň lideri «Al Hilalda» bolsa 12 utuk bar.

23 Sentýabr 2024

Ýüzýyllygyň iň gowy grossmeýsteri

Norwegiýaly küştçi Magnus Karlsen Halkara küşt federasiýasy tarapyndan (FIDE) ýüzýyllygyň iň gowy grossmeýsteri hökmünde ykrar edildi. Bu barada guramanyň döredilmeginiň ýüz ýyllyk ýubileýine bagyşlanan dabarada mälim edildi. 33 ýaşly Magnus Karlsen häzirki wagtda dünýä reýtinginiň lideri hasaplanýar. Ol 2013-nji ýylda nusgawy küşt boýunça dünýä çempiony boldy we bu tituly 2022-nji ýyla çenli özünde saklady. 2022-nji ýylda Magnus küşt täji üçin oýnamakdan boýun gaçyrdy. Şeýlelikde, ondan bu titul alyndy.

23 Sentýabr 2024

Joşua ilkinji gezek raundda nokauta sezewar boldy

21-nji sentýabrdan 22-sine geçilen gijede Angliýanyň London şäherinde boks agşamy geçirildi. Agşamyň merkezi tutluşygynda superagyr agramda «IBF» çempionlyk guşagynyň wagtlaýyn eýesi Daniel Dýubua bilen «IBF», «WBA», «WBO» we «IBO» ugurlary boýunça dünýäniň ozalky çempiony Entoni Joşua güýç synanyşdy. 12 raunda niýetlenilen çempionlyk söweşi 5-nji raundda wagtyndan öň tamamlandy. Has takygy, 5-nji raundda Dýubua Joşuany nokauta sezewar etdi. Ýeri gelende bellesek, Joşua professional boksda ilkinji gezek nokauta düşüp ýeňildi. Şeýlelikde, Daniel Dýubua «IBF» çempionlyk guşagynyň hakyky eýesine öwrüldi. Bu guşagy mundan ozal, ukrainaly Aleksandr Usik eýesiz galdyrypdy.

23 Sentýabr 2024

Türkmen futbolçysy taryhy gol urdy

«Altyn asyr» futbol klubynyň hüjümçisi Myrat Annaýew AFK-nyň Çempionlar ligasy 2 ýaryşynda Merkezi Aziýa toparlarynyň ilkinji goluny öz adyna ýazdyrdy. Şu ýyl täze geçirilip başlanan bu ýaryşyň toparçalaýyn tapgyrynyň 1-nji aýlawynda «Altyn asyr» myhmançylykda Yragyň «Eýr Fors» topary bilen güýç synanyşdy. Türkmen toparynyň düzüminde Myrat Annaýew 70-nji minutda owadan urgy bilen tapawutlanmagy başardy. Bu dürs urgy ýaryşa gatnaşýan Merkezi Aziýa ýurtlarynyň toparlarynyň AFK-nyň Çempionlar ligasy 2 turnirindäki ilkinji we tapgyrdaky ýeke-täk goly boldy. Has takygy, 1-nji tapgyrda Özbegistanyň «Nasafy» Kuweýtiň «Al-Kuweýt» kluby bilen, Täjigistanyň «Rawşany» bolsa Hindistanyň «Mohun Bagan» topary bilen 0:0 hasabynda deň oýnady. Ýaryşda Merkezi Aziýa wekilçilik edýän ýene bir topar Täjigistanyň «Istikloly» bolsa BAE-niň «Al-Şarja» toparyndan 1:0 hasabynda ýeňlişe sezewar boldy. Ýeri gelende bellesek, «Eýr Fors» — «Altyn asyr» oýny 2:1 hasabynda ýer eýeleriniň peýdasyna tamamlandy. «Altyn asyr» ýaryşdaky indiki oýnunda 2-nji oktýabrda Aşgabatda Bahreýniň «Al-Haldiýa» kluby bilen oýnar.

23 Sentýabr 2024

Bassyr 3 oýunda golsuz deňlik

«Ýuwentus» Italiýanyň A seriýasynyň 5-nji tapgyrynda öz öýünde «Napoli» bilen 0:0 hasabynda deň oýnady. Şeýlelikde, Týago Mottadan tälim alýan topar Ialiýanyň çempionatyndaky bassyr üçünji oýnuny golsuz deňlikde tamamlady. «Opta» statistika portalynyň habar bermegine görä, şeýle ýagdaý soňky 32 ýyllykda ilkinji gezek hasaba alyndy. Turin kluby mundan ozal, 1992-nji ýylyň maý aýynda A seriýanyň bassyr üç oýnunda 0:0 hasabynda deň oýnapdy. Şol wagt «Ýuwentusa» Žowanni Trapatoni tälim berýärdi. Ýeri gelende bellesek, «Ýuwentus» häzirki wagtda 5 oýunda 9 utuk toplap, A seriýanyň turnir tablisasynda 4-nji ýeri eýeläp dur. Topar indiki tapgyrda şenbe güni «Jenoa» bilen güýç synanyşar.

23 Sentýabr 2024

Ýeňlişsiz ýörişini 38 oýna ýetirdi

Madridiň «Real» kluby Ispaniýanyň La ligasynyň 6-njy tapgyrynda öz öýünde «Espanýoly» 4:1 hasabynda ýeňlişe sezewar etdi. Oýunda «Realyň» dördünji goluny 11 metrlik jerime urgusyny dürs ýerine ýetiren Kliýan Mbappe derwezä gönükdirdi. Gyzykly tarapy, bu Karlo Ançelottiden tälim alýan toparyň ýaryşyň deslapky 6 tapgyrynda penaltiden uran 5-nji goly boldy. XXI asyrda häzire çenli hiç bir topar La liganyň deslapky 6 tapgyrynda 11 metrlik jerime urgusyndan 5 gol geçirmändi. Şol bir wagtyň özünde «Real» La ligadaky bassyr ýeňlişsiz oýunlarynyň sanyny hem 38-e ýetirdi. Bu topar Ispaniýanyň çempionatynda soňky gezek geçen ýylyň 24-nji sentýabrynda «Atletikodan» 3:1 hasabynda asgyn gelipdi.

23 Sentýabr 2024

‹
1
2
...
30
31
32
33
34
35
36
...
385
386
›