“Boeing” kompaniýasyna täze ýolbaşçy bellendi

“Boeing” korporasiýasynyň täze baş direktory wezipesine 64 ýaşly Kelli Ortberg bellendi. Ol 8-nji awgustda wezipesine girişer. Kelli Ortberg bu wezipede mart aýynda işden çekilýändigini mälim eden Deýw Kalhunyň ornuny eýelär. Ýolbaşçylygyň üýtgemegi awiakompaniýanyň birnäçe meseleler, şol sanda, paýnamalaryň bahasynyň pese gaçmagy we ikinji çärýekde ýitgiler bilen ýüzbe-ýüz bolan döwri bolup geçýär. Şu ýyl “Boeing”-iň paýnamalary 27 göterim arzanlady, bu bolsa 2020-nji ýyldan bäri iň ýaramaz görkezijidir. Kompaniýa iki sany heläkçilige we uçuşlaryň uzak wagtlap togtadylmagyna getiren “Boeing 737 MAX” uçarlary bilen çynlakaý päsgelçiliklere duçar boldy.

Türkiýä baran jahankeşdeleriň sany 13,9 göterim artdy

2024-nji ýylyň ýanwar — iýun aýlarynda Türkiýä baran daşary ýurtly jahankeşdeleriň sany 13,9 göterim artdy. Bu barada ýurduň Medeniýet we syýahatçylyk ministrliginiň metbugat gullugy habar berdi. Habarda bellenilişine görä, şu ýylyň birinji ýarymynda Türkiýä baran daşary ýurtly syýahatçylaryň umumy sany 26 million 136 müň 764 adama deň bolupdyr.

1,9 milliard amerikan dollarlyk girdeji gazandy

Gruziýa ýylyň birinji ýarymynda syýahatçylyk pudagyndan 1,9 milliard amerikan dollary möçberinde girdeji gazandy. Bu bolsa geçen ýylyň degişli döwründäkiden 30,4 göterim köpdür. Hasabat döwründe Gruziýa daşary ýurtly jahankeşdeleriň 2 milliondan gowragyny kabul etdi. Ýeri gelende bellesek, şu ýylyň ýanwar — iýun aýlarynda Gruziýa syýahat etmäge baranlaryň sany boýunça Türkiýe birinji, Russiýa bolsa ikinji orny eýeledi.

Türkmenistan — syýahatçylygyň we sapaly dynç alşyň mekany

Tomus paslynyň dynç alyş günleri gyzgalaňly dowam edýär. Adamlar rahatlygy we hyzmat edilişiniň derejesi boýunça ýokary halkara ülňüleriň talaplaryna laýyk gelýän şypahana-dynç alyş merkezlerinde, şeýle hem ýurdumyzyň, şol sanda paýtagtymyzyň beýleki gözel künjeklerinde wagtlaryny hoş geçirýärler. Şunda halkyň abadançylygyna we ýaşaýşyň hilini yzygiderli ýokarlandyrmaga gönükdirilen durmuş syýasatynyň esasy ugurlary öz mynasyp beýanyny tapýar. Mälim bolşy ýaly, şu günler «Awaza» milli syýahatçylyk zolagyna, beýleki dynç alyş we sagaldyş merkezlerine ýurdumyzyň dürli künjeklerinden müňlerçe adam gelýär. Olar tomusky dynç alyş günlerini gyzykly we peýdaly geçirýärler, oňat dynç alýarlar hem-de saglygyny berkidýärler. Gökderede hem-de ýurdumyzyň sebitlerinde hereket edýän ajaýyp saglyk we dynç alyş merkezleri halkymyzyň hyzmatynda. Ýurdumyzda şypahanalaryň we dynç alyş merkezleriniň häzirki zaman ulgamyny döretmek arkaly ilatyň saglygyny berkitmek hem-de durmuşyň hilini ýokarlandyrmak Türkmenistanyň döwlet syýasatynyň möhüm ugurlarynyň biridir.

Ajaýyp howa menzili

«Inçhon» howa menzili Koreýa Respublikasynyň Inçhon şäherinde ýerleşip, ol ýurduň iň uly howa derwezesidir. Paýtagty Seuldan 48  kilometr uzaklykda ýerleşýän bu menzil 700 müň inedördül metr meýdany eýeleýär. 2001-nji ýylda açylyp ulanylmaga berlen howa menzilinde ýylda 62 million ýolagça hyzmat edilýär. Dünýäde ululygy boýunça 5-nji ýerde durýan, arassaçylyk babatda öňdebaryjy howa menzilleriniň biri hasaplanýan, binagärlik aýratynlygy bilen tapawutlanýan «Inçhon» howa menzili döwrebap äheňi bilen bir hatarda, milliligi bilen hem tapawutlanýar. Terminallarynyň arasynda otly gatnawy bolan bu ýer birnäçe gezek «dünýäniň iň gowy howa menzili» diýlip yglan edildi.

Jümle-jahan habarlary

Dünýäniň iň beýik asma köprüsi

«Türkmenistan» awiakompaniýasynyň halkara uçuşlarynyň täze tertibi

«Turkish Airlines»: Miles and Smiles maksatnamasynyň giňeldilen mümkinçilikleri

«Turkish Airlines» awiakompaniýasynyň «Miles and Smiles» wepalylyk maksatnamasy ýolagçylara uçuşlarynda milleri toplamaga we olary hyzmatyň derejesini ýokarlandyrmak we goşmaça hyzmatlary satyn almak üçin ulanmaga mümkinçilik berýär. Maksatnama gatnaşyjylar bonuslary diňe bir ýygnamak bilen çäklenmän, eýsem, paýlaşyp hem bilerler. Milleri status miline öwrüp, klubyň beýleki agzalaryna geçirip ýa-da «Miles and Smiles shop» dükanynda söwda etmek üçin ulanyp bolýar.

Syýahatçylyk dürdänesi

«Awaza» milli syýahatçylyk zolagy güneşli Diýarymyzyň gözel künjekleriniň biridir. Gojaman Hazaryň türkmen kenarynyň iň täsin we ajaýyp ýerinde ýerleşýän bu syýahatçylyk zolagy dünýäniň ünsüni özüne çekýär. Ol ýerde gysga taryhy döwrüň içinde gurlan kaşaň myhmanhanalar, sagaldyş merkezleri, kottejler toplumlary, seýilgähler, suw çüwdürimleri we beýleki köp sanly desgalar göreni haýrana goýýar. Türkmen halkynyň Milli Lideri Gahryman Arkadagymyz «Awazanyň» döredilmeginiň baş maksadynyň deňiz ýakasynyň ägirt uly dikeldiş mümkinçiliklerini peýdalanmakdan, türkmenistanlylaryň we ýurdumyzyň myhmanlarynyň dynç almagy üçin aňrybaş amatly şertleri döretmekden, adamlaryň wagtyny gyzykly hem-de peýdaly geçirmegi üçin mümkinçilikleri döretmekden ybaratdygyny belläp geçýär. Gahryman Arkadagymyzyň bu ugurdaky tagallalarynyň rowaçlyklara eýe bolandygyna Awazanyň düýpgöter özgerip, sebitiň syýahatçylyk dürdänesine öwrülendiginden, deňiz kenarynyň meşhurlygynyň barha artýandygyndan göz ýetirip gelýäris.

Türkmenistan we Gazagystan syýahatçylyk pudagynda hyzmatdaşlygy ösdürmek isleýär

Syýahatçylyk we sport ugurlarynda ikitaraplaýyn hyzmatdaşlygy ösdürmegiň geljegi Türkmenistanyň Gazagystandaky ilçisi Batyr Durdiýew bilen Syýahatçylyk we sport ministri Ýermek Maržikpaýewiň arasynda geçirilen duşuşykda ara alnyp maslahatlaşyldy. Bu barada Tengrinews internet neşiri habar berdi. Türkmen diplomaty Türkmenistanda sport we syýahatçylyk ugurlarynda durmuşa geçirilýän birnäçe başlangyçlar we taslamalar bilen tanyşdyrdy.

Gadymy ýadygärlik

Biziň eýýamymyzdan öňki 3000-nji ýyllara degişli Skara Breý ýadygärligi Şotlandiýanyň Orkneý adasynda ýerleşýär. Ýadygärlik 70-den gowrak adany özünde jemläp, Şotlandiýanyň demirgazygynda 10 mile çenli uzalyp gidýär. Bu ýerden köpsanly ýaşaýyş ýerleriniň yzlary we ybadathanalar tapyldy. Adamlar ir döwürlerde, esasan, «Meýnland» atly adada topar bolup ýaşapdyrlar. Iki sany daş aýlawy bilen bilelikde, Skara Breýiň ýadygärligi we obasy ÝUNESKO-nyň Maddy gymmatlyklarynyň sanawyna girizildi. Bu ýadygärligiň taryhyny öwrenmek boýunça ekspedisiýalaryň netijesinde Stromnessdäki duralga şäherçesi we Kirkwall şäheri dynç almak üçin meşhur şäherleriň hatarynda tanalyp ugrady.

Jümle-jahan habarlary

Gadymy tapyndy ýüze çykaryldy

Awaza — ajaýyp mekan

Şu günler «Awaza» milli syýahatçylyk zolagyna dynç almaga gelýänleriň sany artýar. Ol şypaly kenary, ynsan saglygyna melhem bolýan ajaýyp howasy bilen her birimiziň ünsümizi çekýär. Gahryman Arkadagymyzyň beýik işlerinden gözbaş alýan we Arkadagly Gahryman Serdarymyzyň tagallasy bilen özgerdilýän Awaza ildeşlerimiziň dynç alýan arzyly mekanydyr. Häzirki ajaýyp döwrümizde sapaly dynç almaga, saglygyňy berkitmäge ähli mümkinçilikler we şertler döredilendir. Munuň özi her bir ildeşlerimizde ajaýyp döwrümize, beýik ösüşlerimize buýsanjy döredýär. Awaza gaýtalanmajak gözelligi, döwrebap mümkinçilikleri bilen her birimiziň köňlümizde orun alan mekandyr. Bu ajaýyp mekanda saglygyňy berkitmekde «Awaza» şypahanasy, dynç almak üçin birnäçe myhmanhanalar iň döwrebap görnüşleri, hyzmatlary bilen tapawutlanýar. Hazar deňziniň suwy hem, deňziň howasy hem ynsan saglygyna oňat täsir edýär. Deňiz suwy bedeniň kesellere garşy göreşijilik ukybyny hem ýokarlandyrýar. Bu ýerde dynç alýanlar üçin adam bedeniniň berkidilmegine gönükdirilen fiziobejergileriň toplumyny hödürleýän SPA merkezi, döwrebap naharhanalar göz öňünde tutulandyr. Bir söz bilen aýdylanda, myhmanhanalar dynç almaga gelýänler üçin iň ýokary derejedäki hyzmatlary hödürleýär. Bularyň ählisi bolsa, adam hakyndaky edilýän aladanyň aýdyň beýanydyr.

Turkish Airlines tomsuň ahyryna çenli Aşgabat-Stambul gatnawlarynyň biletlerini arzanladýar

Turkish Airlines awiakompaniýasy 31-nji awgusta çenli Aşgabat-Stambul-Aşgabat ugry boýunça awiabiletleriniň bahalaryny arzanlatdy. Arzanlaşygyň çäklerinde ekonom klasyň biletleriniň bahasy ABŞ-nyň 525 dollaryndan, biznes klasyň biletleriniň bahasy ABŞ-nyň 1250 dollaryndan başlanar.

Beýik desgalar

Hytaýyň Şanhaý şäherinde beýikligi 632 metre barabar bolan 128 gatly «Shangai Tower» binasy dünýädäki uly desgalaryň ilkinjileriniň hatarynda tanalýar. Bu ajaýyp desga ýurduň iň beýik, dünýäniň bolsa üçünji beýik binasydyr. Hytaýyň buýsanjy hasaplanýan binada edara binalary, söwda merkezleri, myhmanhana, howuzlar we beýlekiler ýerleşýär. 2015-nji ýylyň 2-nji fewralynda açylyp ulanylmaga berlen desganyň synlaýyş merkezi özboluşlylygy bilen tapawutlanýar. Halkara dizaýn firmasy tarapyndan döredilen binanyň aýnadan ýasalan diwary gijelerine dürli yşyklandyryş aýratynlygy bilen özüne çekýär. Şanhaý şäher häkimligine degişli bolan desga özüne ýanaşyk ýerleşýän Jin Mao diňinden we Şanhaý Bütindünýä Maliýe Merkezinden beýikligi boýunça aýratyn tapawutlanýar.

Jümle-jahan habarlary

Geljegiň şäheri gurulýar

Awaza — gözellik mekany

Gojaman Hazaryň türkmen kenary Diýarymyzyň iň gözel künjeklerniň biridir. Gahryman Arkadagymyzyň taýsyz tagallalary netijesinde bu ajaýyp ýerde «Awaza» milli syýahatçylyk zolagynyň döredilmegi bilen deňiz kenary has özgerdi. Türkmen halkynyň Milli Lideri Gahryman Arkadagymyzyň belleýşi ýaly, «Awaza» taslamasy Türkmenistanyň ýakyn onýyllyklar üçin geljekki meýilnamalarynda aýratyn orny eýeleýär. Şonuň üçin hem bu taslama dünýäniň binagärçilik we inženerçilik pikiriniň iň öňdebaryjy gazananlaryny özünde jemleýär. Geçen ýyllarda bu täsin künjekde häzirki zaman myhmanhanalary, sagaldyş merkezleri, kottežler, sport maksatly desgalar, seýilgähler, suw çüwdürimleri we beýleki ençeme desgalar guruldy. Bu ajaýyplyklar göreniň aklyny haýrana goýýar hem-de maşgala dynç alşy üçin giň mümkinçilikleri açýar.

Bagtyýar çagalar «Ýaşlygyň» goýnunda

Biz bu gün sizi bagtyýar çagalygyň höküm sürýän ýerine syýahata çagyrýarys. Siz eýýäm gürrüňiň näme hakda boljakdygyny aňan bolsaňyz gerek. Hawa, gözel görnüşli Gökderäniň goýny – ine, çagalygyň iň ajap çagtynyň üýtgeşik, gyzykly, täsin ýatlamalara beslenýän ýeri. Dag eteginiň tämiz howaly ýerine gelýärkäň, ýolugra ýurdumyzyň iň owadan ýerleriniň biri bolan Gökdere jülgesinde ýaş nesilleriň dynç almagy üçin çagalar dynç alyş we sagaldyş merkezleriniň birentegini görüp, şeýle bir hakykat aňyňda aýlanýar. Ynsan hemişe özüniň iň ajaýyp, gowy zadyny perzendine bagyşlaýar. Ine, ýolugra synlap gelýän görnüşiň, ýagny diňe hut şu eşretiň özem muny aňryýany bilen tassyklaýar. Ata Watanymyzda körpe nesliň tomusky dynç alyş möwsümini täsirli hem gyzykly geçirmegi üçin uly işler amala aşyrylýar. Nurana geljegimiziň bagtdan paýly eýeleri dowam edýän möwsümde ýurdumyzyň dürli künjeginde: «Awaza» milli syýahatçylyk zolagynda, gözel Gökderäniň goýnunda, şeýle-de welaýatlarymyzda salnan döwrebap merkezlerde özleriniň wagtyny şadyýan geçirýärler. Olaryň nurana ýüzlerinde şatlyk, bagt pürepür gözlerinde umyt uçgunjyklary bar. Türkmenistanyň Söwda we daşary ykdysady aragatnaşyklar ministrliginiň «Türkmenpolat we enjamlar» döwlet lomaý-bölek söwda firmasynyň «Ýaşlyk» dynç alyş we sagaldyş merkezi hem tomusky dynç alyş möwsüminiň ikinji tapgyrynda özüniň kiçijik myhmanlaryny aýratyn hezzetleý

Awaza — hazaryň merjeni

«7/24. tm» №29 (216), 15.07.2024 Hor­mat­ly Pre­zi­den­ti­mi­ziň pa­ra­sat­ly baş­tu­tan­ly­gyn­da Ha­za­ryň gö­zel ke­na­ryn­da ýer­leş­ýän «Awa­za» mil­li sy­ýa­hat­çy­lyk zo­la­gy ok­gun­ly gül­läp ös­ýär, öz­ger­ýär. Gün-gün­den öz­ger­ýän Wa­ta­ny­my­zyň aja­ýyp kün­jek­le­ri, şol san­da «Awa­za» mil­li sy­ýa­hat­çy­lyk zo­la­gy hä­zir­ki wagt­da di­ňe bir il­deş­le­ri­mi­ziň däl, dün­ýä ja­han­keş­de­le­ri­niň hem ge­lim-gi­dim­li ýe­ri­ne öw­rül­di.

Älemiň täsin aýnasy

(Oýlanma) Tomsuň mährem ýüregiň yssysyna meňzeş howaly günleriniň birinde iş otagymyň penjiresinden daşaryny synlap oturyşyma, dünýäni gelşigine getirýän pasyllar hakda oýlanýaryn. Ynha aýdaly, «gyş» diýilse, eliň tozgalap duran ýumşajyk ak gara degen ýaly bolýar, «güýz» diýilse, hamana, gaýyp gelýän sary ýapraklaryň biri egniňe düşen ýaly, ýakymly tisginýärsiň, «bahar» diýilse, burnuňa elwan gülleriň hoşboý ysy gelip, gulagyňa-da guşlaryň saýrak nagmasy eşidilýär, «tomus» diýilse bolsa...