"Bereketli toprak" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-60-64, 38-60-87, 38-60-67
Email: bereketlitoprak@sanly.tm

Gazeti PDF görnüşinde ýükläp almak

Habarlar

Işjeňlikde geçen duşuşyk

Sarahs etrabyndaky «Döwletabatgazçykaryş» müdirliginiň mejlisler jaýynda ýaş işçi-hünärmenleriň arasynda wagyz-nesihat duşuşygy geçirildi. Mukaddes Garaşsyzlygymyzyň şanly 33 ýyllygyna we “Pähim-paýhas ummany Magtymguly Pyragy” ýylyna bagyşlanan duşuşygy müdirligiň ilkinji ýaşlar guramasy gurady. Ýurt Garaşsyzlygynyň gazananlaryny, berkarar Watanymyzyň ösüş-özgertmelerini, ýurdumyzyň alyp barýan ýaşlar syýasatyny wagyz-nesihat etmek maksady bilen geçirilen duşuşykda täsirli çykyşlar diňlendi. Beýik döwrümiziň gadyr-gymmaty, ýaşlaryň bilim almagy, hünär öwrenmegi, gurmagy, döretmegi, eşretli durmuşymyzyň hözirini görüp ýaşamagy, sport bilen meşgullanmagy ugrunda edilýän tagallalar dogrusynda aýdylanlar uly täsirleri döretdi.

11 Sentýabr 2024

Jemgyýet

Döwletliligimiziň synmaz binasy

Halk Maslahaty: demokratiýa, döwletlilik, jebislik «Pähim-paýhas ummany Magtymguly Pyragy» ýyly diýlip yglan edilen üstümizdäki ýylda doglan gününiň 300 ýyllygy giňden bellenilýän akyldar şahyrymyzyň «Ýurt binamyz gaýym bolsun, gurulsyn» diýen arzuwyna laýyklykda abadan we asuda Diýarymyzda mukaddes Garaşsyzlygymyzyň, milli döwletliligimiziň we ýurt berkararlygymyzyň binasyny barha pugtalandyrmak babatda taryhy ähmiýetli işler durmuşa geçirilýär. Geçen ýyl ýurdumyzyň jemgyýetçilik wekilleriniň erk-islegi bilen Türkmenistanyň Halk Maslahatynyň döredilmegi, Gahryman Arkadagymyzyň Halk Maslahatynyň Başlygy wezipesine bellenilmegi hem-de onuň türkmen halkynyň Milli Lideri diýlip kanun esasynda ykrar edilmegi demokratik, hukuk we dünýewi döwletimiziň kanunçylyk binýadyny hasam kämilleşdirmekde möhüm sepgit boldy. «Türkmenistanyň Halk Maslahaty hakynda» Konstitusion kanunyň 1-nji maddasyna laýyklykda, Halk Maslahatynyň döredilmeginiň maksady Watanymyzyň Garaşsyzlyk ýyllarynda gazananlaryny has-da berkitmek, ýurdumyzy ösüşiň has ýokary derejelerine çykarmak üçin ählihalk hereketini ýaýbaňlandyrmak, jemgyýetçilik-syýasy, durmuş-ykdysady, medeni-ynsanperwer, kanunçylyk-hukuk ulgamlarynda täze sepgitlere ýetmek, iň täze taryhymyzda gazanylan üstünlikleri wagyz etmek bolup durýar. Türkmenistanyň Halk Maslahaty bilen bilelikde ýerlerde hem döwlet häkimiýetiniň ýerli wekilçili

11 Sentýabr 2024

Jemgyýet

Il bähbitli tutumlar

Ajaýyp zamanamyzyň «Pähim-paýhas ummany Magtymguly Pyragy» ýylynyň sahawatyny bolluk bilen eçilýän tylla güýzüniň şatlyk-şowhuny ýene bir şanly, taryhy waka bilen utgaşar. Ýene sanlyja günden paýtagtymyzdaky Maslahat köşgünde Türkmenistanyň Halk Maslahatynyň mejlisi geçiriler. Halkymyzyň geljegini has-da aýdyň ýollara atarjak çözgütlerdir kararlary kabul etmek üçin halk wekilleri uly maslahata ýygnanarlar, ösüşler bilen diňe öňe sary barýan berkarar döwletimizde amala aşyrylýan işleriň üstünlikli dowamy boljak döwletli tutumlary ara alyp maslahatlaşarlar. Her ýylda geçirilýän Türkmenistanyň Halk Maslahatynyň mejlisi bu günki gün ýurdumyzyň jemgyýetçilik gurluşynyň aýrylmaz bölegi bolup durýar. Munuň özi döwlet syýasatynyň ileri tutulýan ugurlarynyň meselelerini üstünlikli çözmekde ýurdumyzyň Halk Maslahatynyň barha netijeli häsiýete eýe bolýandygyny görkezýär. Döwlet Baştutanymyzyň: «Biz diňe halk bilen beýik işleri we belent wezipeleri amala aşyrmalydyrys!» diýip nygtaýşy ýaly, dabarasy dünýä ýaň salýan tutumly işler Gahryman Arkadagymyzyň, hormatly Prezidentimiziň halkyna sala salyp bitirýän dünýä nusgalyk beýik işleridir.

11 Sentýabr 2024

Jemgyýet

Ýurduň beýik geljegini gurujylar

Ata Watanymyzda beýik maksatlaryň, taryhy tutumlaryň rowaçlyklara beslenmeginde ýaşlara bil baglanýar. şonuň üçin hem dünýä hil ülňülerine laýyk gelýän bilimli, ylymly, hünärli, ruhy we beden taýdan sagdyn nesilleri terbiýeläp ýetişdirmek döwletimiziň baş aladasydyr. Beden we ruhy taýdan sagdyn nesiller bilen ýetilmejek menziliň, bitirilmejek işiň ýokdugyny türkmen halkynyň Milli Lideri Gahryman Arkadagymyz hemişe nygtaýar. Arkadagly Gahryman Serdarymyz bolsa «Ýaşlar — Watanyň daýanjy» atly ilkinji kitabynda ýaşlara ýurduň beýik geljegini gurujylar hökmünde garaýandygymyzy buýsanç bilen belläp geçýär. Döwlet derejesinde bildirilýän şeýle uly ynam bagtyýar ýaşlarymyzy çäksiz buýsandyrýar. Munuň şeýledigini ýaşlaryň döwlet, häkimiýet we dolandyryş edaralarynda, ykdysadyýetiň ähli pudaklarynda milli hem-de döwlet maksatnamalarynda kesgitlenilen wezipeleri üstünlikli durmuşa geçirmekde çekýän yhlasly, netijeli zähmetlerinde doly görmek bolýar. Olaryň bilimde, ylymda, medeniýetde we sungatda, saglygy goraýyşda, sportda hem-de beýleki ugurlarda gazanýan guwandyryjy üstünlikleri-de bildirilýän şeýle uly ynamyň ajaýyp miweleridir. Ýaş nesliň gazanýan köptaraply üstünlikleri ýurdumyzda olar hakynda edilýän aladalara döwletimiz tarapyndan örän jogapkärçilikli, oýlanyşykly çemeleşilýändigine hem şaýatlyk edýär. Ýurdumyzyň egsilmez kuwwatyna, abraý-mertebesine deňelýän ýaşlarymyzyň özleri

11 Sentýabr 2024

Jemgyýet

Hereketiň sazlaşygy — ak ýollaryň ýaraşygy

Hormatly Prezidentimiziň parasatly ýolbaşçylygynda durmuşa geçirilýän tutumly işleriň netijesinde ýurdumyzyň çar künjegi gözel görke beslenýär, halkymyzyň ýaşaýyş-durmuş derejesi günbe-günden gowulanýar. Döwrebap ýollarymyzy iň häzirki zaman ulag serişdeleriniň bezemegi hem muňa aýdyň şaýatlyk edýär. Ulag ýollarynda hereketiň howpsuzlygyny gazanmak boýunça häzirki wagtda alnyp barylýan işlerem diňe öwgä mynasypdyr. Her ýylyň sentýabr aýynda geçirilmegi däbe öwrülen «Ýol hereketiniň howpsuzlygy — ömrümiziň rahatlygy» atly biraýlyk munuň aýdyň subutnamasydyr. Sürüjileriň, pyýada ýolagçylaryň arasynda düşündiriş we öňüni alyş işlerini guramak biraýlygyň dowamynda geçirilýän çäreleriň özenini düzýär. Dürli edara-kärhanalaryň, jemgyýetçilik guramalarynyň, ýaşuly nesliň wekilleriniň, ýaşlaryň gatnaşmaklarynda guralýan, döwrebap obalarymyzyň, şäherçelerimiziň, şäherlerimiziň aýna ýaly tekiz hem ak ýollarynda özüňi alyp barmagyň medeniýetini wagyz edýän, ýol hereketine gatnaşýan her bir adamyň öz howpsuzlygyna bolan şahsy jogapkärçiligini artdyrýan çuň mazmunly çäreleriň ýol-ulag hadysalarynyň öňüni almakda uly ähmiýete eýedigini aýratyn belläsimiz gelýär.

11 Sentýabr 2024

Jemgyýet

Garagulakly waka

Etrek derýasyndan bölünýän Babasil diýen akaba ozallar ýyllar boýy üznüksiz akar ýatardy. Ýaz aýlary bolsa joşup, töwerek-daşyny suwlap, mes topraga öwrerdi. Şol ýerlerem ýylgyndyr garakdan, çyratandyr çaýyrdan tokaýlyga öwrülerdi. Ol döwürler etrapda gaz bolmansoň, hemme biş-düşleri taýýarlamak, hatda öýleri ýylatmagam odun ýakmak bilen amala aşyrylardy. Şonuň üçin adamlaryň esasy aladalarynyň biri hojalygy odun bilen üpjün etmekdi. Ine, bir gün «Ural» motosikletimde iki sany dostum bilen bilelikde ýaňky agzan ýerime odun çapmaga gitdik. Her kim motosikletde, welosipedde gidip, odunlary çapyp, üýşürip gaýdardylar we soň uly ýük ulagyna ýükläp öýe getirerdiler.

11 Sentýabr 2024

Jemgyýet

Sezardan gaýdan düzgün

Ýol hereketiniň düzgünleri gadymy Rimde oýlanyp tapylypdyr. Ýuliý Sezar şäheriň darajyk köçelerinde dürli görnüşdäki ulaglardan ýaňa geçere ýer galmansoň, ýol hereketini sazlamak boýunça gadymy Rim düzgünlerini herekete girizýär. Olaryň birnäçesi häzirki döwürde hem ulanylýar. Garşylyklaýyn gelýän ulaglaryň biri-biri bilen çaknyşmazlygy üçin birtaraplaýyn hereketiň ulanylmagyny muňa mysal hökmünde görkezmek bolar.  Rime başga şäherlerden gelýän ulag eýeleri üçin hem ýörite düzgünler işlenip düzülipdir. Olar öz ulaglaryny hökmany ýagdaýda şäheriň daşynda goýup, köçelerde diňe pyýada gezmeli edilipdir.

11 Sentýabr 2024

Jemgyýet

Hünärli nesil — röwşen geljek

Türkmenistanyň Kärdeşler arkalaşyklarynyň Milli merkezi, Zenanlar birleşiginiň Merkezi geňeşi, Bilim ministrligi, Telewideniýe, radiogepleşikler we kinematografiýa baradaky döwlet komiteti tarapyndan ýurdumyzyň umumybilim berýän orta mekdeplerinde hereket edýän okuwçy gyzlaryň gurnaklarynyň arasynda «Hünärli nesil — röwşen geljek» ady bilen yglan edilen bäsleşigiň Ahal welaýat tapgyry guramaçylykly geçirildi. Ak bugdaý etrabyndaky ýöriteleşdirilen 46-njy orta mekdepde guralan bäsleşige welaýatyň etraplarynda şeýle gurnaklara gatnaýan okuwçy gyzlar gatnaşdylar. Bäsleşik şertleriň üçüsinden ybarat boldy. Onuň birinji şertine laýyklykda, bäsdeşler ýurdumyzda hünär saýlap almaklary, el işlerine ussat gyzlar bolup ýetişmekleri ugrunda döredilýän mümkinçilikler hakda söz açyp, öz okaýan mekdeplerinde hereket edýän gyzlar gurnagynyň işini, şeýle-de öwrenen hünärleriniň aýratynlygyny wasp etdiler. Olar çykyşlarynda türkmen gyzyna mahsus asyllylyk, sypaýylyk, eli çeperlik ýaly häsiýetleri hem açmaga çalyşdylar. Bäsleşigiň ikinji şertinde, oňa gatnaşyjylar Gahryman Arkadagymyzyň agtyjagynyň işlerinden görelde alyp, öz ýanlary bilen getiren milli lybaslaryndaky gutarylmadyk işi eminleriň gözegçiliginde ýerine ýetirdiler. Bäsleşigiň soňky şertinde bolsa okuwçy gyzlar milli däp-dessurlara laýyklykda, türkmen aşhanasyna mahsus ýagdaýda unaş kesip, saçak bezäp, tagam taýýarlany

11 Sentýabr 2024

Jemgyýet

Gyz edebi — göwher

Halkyň arasynda gyz edebi barada köp gürrüňler edilýär. Munuň özi halkymyzyň gyz maşgala bilen bagly gadymy ýörelgeleriniň owaldan-ahyra ünsden düşürilmeýändigini aňladýar. Ene-mamalarymyz «Gyzly öý — gyzylly öý» diýipdir. Türkmen halkynyň gyz maşgala terbiýe berşi-de özboluşly. Gelin-gyzlarymyzda öz milliligimize mahsus bolan asyllylygy, edep-ekramlylygy, sypaýylygy, päkizeligi, ula hormat, kiçä sarpa goýmagy terbiýelemek, ir döwürlerde bolşy ýaly, häzirki wagtda hem uly ähmiýete eýedir. Bu häsiýetler il-gün üçin taýsyz genji-hazyna. Şular bilen bir hatarda, gyz perzentleriň maşgalada öwrenen biş-düş, tikin-çatyn, arassaçylyk başarnyklary hem geljekde hersi bir maşgalanyň sütüni bolmaly gyzlarymyzyň bezegidir, zynatydyr. Gyz edebi onuň asylly hereketlerinde hem görünýär, onuň hereketleri hiç kimiň nazaryndan sypmaýar. Şu jähetden, bir ýaşuly enäniň aýdyşy ýaly, gyz maşgala asylly bolmaly, asgyn bolmaly däl, dogumly bolmaly, gödeksi bolmaly däl, alçak bolmaly, ýeňles bolmaly däl. Şu sözdäki bolmaly hem bolmaly däl diýilýänleriň arasynda kiçijik çygyrly uly tapawut bar. Gyz maşgalalar şol tapawudy bilip, «bolmaly däl» diýlen häsiýetlerden gaça durmaly. Akyly, edebi ýüz-gözüniň nurunda jemlenen, iş-güýçden gaçmaýan gyzlar taryp bilen wasp edilmäge, söýülmäge mynasypdyrlar. Şonuň üçin hem ene-mamalarymyz gyz perzentlerine öwüt berende: «Gürlände-güleňde sesiň gürrüňdeşiň gulagynd

10 Sentýabr 2024

Jemgyýet

Söýýän göz gözellik görýär

Görseňizläň, älem-jahan nähili gözel! Seleňläp görünýän geriş-geriş daglaryň depeleri asmana gol gerip duran ýaly. Bu owadan görnüşden, howanyň tämizliginden aýrylyp bilmän, men öňki endigime görä, ýanýodadan pikir ummanyna gark bolup barýaryn. Men öňler işime gijä galmazlyk üçin tiz ýöreýärdim. Bu gün bolsa asla howlugasym gelenok. Men häzir wagtyň geçmän durmagyny isleýärin. Güýzüň gelendigini buşlaýan howa, şabat şemal ýaňaklarymdan sypap, saçlarymy daraýar. Seýilgähiň ýanyndan pessaý ýöräp, çar ýanymy söýgi bilen synlaýaryn. Suw çüwdürimleriniň ýokardan aşaklygyna düwmelenip gaçmagy göwnümi has-da göterýär. Men bu gözelliklere maýyl bolup barşyma öz-özüme ýüzlenip, göwnühoşlugymyň sebäbini soraýaryn. Şonda ýürek onuň sebäbiniň söýgüdigini aýdýar. Aslynda, söýgi hakda oýlanan pursadym men ähli zady unudýaryn. Bu taýsyz hem süýji duýga goýýan hormatym-sarpam meni bagtyýar ýaşadýar. Söýgi mukaddesligini gorap saklamagy başymyň täji, alnyma ýazylan bagtly ýazgydym hasap edýärin. Bir gün men uzak ýola ýolagçy boldum, şonda maňa ýüzi nurana, kümüş saçly bir ene bilen ýoldaş bolmak bagty miýesser etdi. Köp gürrüňdeşlikden soň ol ene meniň ýüzüme synçy nazaryny dikip, bir sowal berdi:

10 Sentýabr 2024

Jemgyýet

Çarwadarlaryň V bütindünýä oýunlary

8-nji sentýabrda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Prezident Kasym-Žomart Tokaýewiň çakylygy boýunça Çarwadarlaryň V bütindünýä oýunlarynyň açylyş dabarasyna gatnaşmak üçin Gazagystan Respublikasyna iş saparyny amala aşyrdy. Iş saparynyň barşynda türkmen halkynyň Milli Lideriniň Prezident Kasym-Žomart Tokaýew bilen duşuşygy boldy.

10 Sentýabr 2024

Jemgyýet

Maksadymyz — ak ýollaryň howpsuzlygy

Islendik oba bolsun, şäher ýa-da şäherçe, tapawudy ýok, ýol hereketiniň düzgünlerini berjaý etmek ynsan saglygyny goramakda uly ähmiýete eýedir. Häzirki döwürde ýol hereketiniň howpsuzlygyny üpjün etmek dünýäde wajyp meseleleriň biri hasaplanýar. Ýurdumyzda her ýylyň 1-30-njy sentýabry aralygynda «Ýol hereketiniň howpsuzlygy — ömrümiziň rahatlygy» atly biraýlyk geçirilýär. Bu işler özüniň oňyn netijesini hem berýär. Häzirki wagtda nurana ýollarda hereket edýän dürli kysymly awtoulaglary edinýän raýatlarymyzyň sany barha artýar. Şol sebäpden täze ýollaryň, köpugurly awtomobil köprüleriniň, ýolagçy duralgalarynyň gurulmagyna, köçeleriň yşyklandyrylmagyna, ýol belgileriniň görnükli ýerlerde goýulmagyna aýratyn üns berilýär. Ak ýollarda hereketiň güýçlenmegi bilen, ýol hereketine gatnaşyjylara, ýagny sürüjilere, pyýadalara, ýolagçylara bildirilýän talaplar hem güýçlendirilýär. Bu bolsa ýol hadysalarynyň öňüniň alynmagyny şertlendirýär.

10 Sentýabr 2024

Jemgyýet

Hünärli nesil

Düýn, Ak bugdaý etrabyndaky tebigy we takyk ugurly okuw derslerini çuňlaşdyryp öwredýän ýöriteleşdirilen 46-njy orta mekdepde Türkmenistanyň Zenanlar birleşiginiň Merkezi Geňeşiniň, Türkmenistanyň Kärdeşler arkalaşyklarynyň Milli merkeziniň, Türkmenistanyň Bilim ministrliginiň we Türkmenistanyň Telewideniýe, radiogepleşikler we kinematografiýa baradaky döwlet komitetiniň bilelikde yglan eden «Hünärli nesil — röwşen geljek» atly bäsleşiginiň jemleýji welaýat tapgyry geçirildi.

10 Sentýabr 2024

Jemgyýet

Çar ýandan oba hojalyk täzelikleri

Ekerançylykda gen inženerligi Genetikada gazanylýan üstünlikler oba hojalyk ekinlerinden hasyl almagyň derejesini ýokarlandyrmakda öz netijeliligini kesgitledi. Genleri redaktirlemegiň CRISPR ýaly täze usullary ösümlikleriň täze sortlaryny döretmekde seleksiýanyň işini çaltlandyrmaga ýardam edýär. Eger, öňler täze sorty döretmek üçin birnäçe ýyllar sarp edilýän bolsa, indi bu işiň gidişi has-da çaltlanýar.

10 Sentýabr 2024

Jemgyýet

Pag­ta bi­ziň baý­ly­gy­myz­dyr

Ýurdumyzda pagta ýygymyna guramaçylykly girişilýär. Bu milli baýlygymyzy ýangyndan goramak biziň borjumyzdyr. Pag­ta am­mar­la­ryň, pag­ta aras­sa­laý­jy kär­ha­na­la­ryň, har­man­la­ryň çäk­le­rin­de nä­saz ga­py­la­ry bo­lan elekt­rik paý­laý­jy ger­mew­le­ri ulan­mak, elekt­rik ge­çi­ri­ji­le­ri pag­ta har­man­la­ry­nyň üs­tün­den ge­çir­mek, elekt­rik ge­çi­ri­ji­le­re, öçür­ýän ab­zal­la­ra ola­ryň bi­rik­di­ri­len ýer­le­ri­ne goş­ma­ça en­jam­la­ry bi­rik­dir­mek, ýag­ty­lan­dy­ryş çy­ra­la­ry go­rag aý­na ör­tü­gi bol­maz­dan ulan­mak, elekt­rik ge­çi­ri­ji­le­riň daş­ky ör­tük­le­ri­niň elekt­rik aky­my­na gar­şy du­ruş de­re­je­si­ni sy­nag­dan ge­çir­mez­den ulan­mak, nä­saz ýa-da wagt­la­ýyn as­ma gör­nü­şin­de ge­çi­ri­len elekt­rik ge­çi­ri­ji­le­ri ulan­mak, pag­ta har­man­la­ry­nyň çä­gin­de aw­tou­lag se­riş­de­le­ri­ne ýag-ýan­gyç guý­mak, pag­ta ýük­le­ýän, dar­gad­ýan en­jam­la­ry nä­saz ýag­daý­da ulan­mak gadagandyr. Pag­ta ýük­le­ýän, dar­gad­ýan en­jam­la­ry işe goý­ber­mez­den öň, ola­ryň teh­ni­ki taý­dan gu­rat­ly­gy­ny bar­lap, ma­ýyş­gak elekt­rik ge­çi­ri­ji­le­ri ulan­ma­ly. Elekt­rik ul­ga­my­ny öçür­mez­den ýer­le­ri­ni üýt­get­mek, iş­jeň ýag­daý­da gö­zeg­çi­lik­siz gal­dyr­ma­ly däl. Iş wag­ty ta­mam­la­nan­dan soň, äh­li elekt­rik ul­ga­my­nyň öçü­ri­len­di­gi­ne göz ýe­ti­rip, ýö­ri­te tu­tu­lan ki­ta­ba bel­lik et­me­li.

10 Sentýabr 2024

Jemgyýet

Wagyz-nesihat duşuşygy

«Ýol hereketiniň howpsuzlygy — ömrümiziň rahatlygy» atly biraýlyk mynasybetli Türkmenistanyň Magtymguly adyndaky Ýaşlar guramasynyň Babadaýhan etrap Geňeşiniň, etrap polisiýa we bilim bölümleriniň bilelikde guramaklarynda şu günler etrabyň bilim-terbiýeçilik ojaklarynda meýilnama esasynda wagyz-nesihat häsiýetli duşuşyklar, gürrüňdeşlikler, bäsleşikler geçirilýär. Şol çäreleriň barşynda ýaşlara ýol hereketiniň düzgünleri düşündirilýär. Etrapdaky 23-nji orta mekdebiň okuwçy ýaşlarynyň arasynda «Ýol hereketiniň düzgünlerini öwrenmek her birimiziň borjumyzdyr» ady bilen geçirilen wagyz-nesihat duşuşygy has-da täsirli boldy. Onuň barşynda etrap polisiýa bölüminiň ýol gözegçiligi bölümçesiniň, Ýaşlar guramasynyň wekilleri, etrap bilim bölüminiň hünärmenleri, halypa mugallymlar çykyş etmek bilen, her bir adamyň ýol hereketiniň düzgünlerini berjaý etmäge borçludygy barada nygtadylar, mekdep okuwçylaryna gymmatly öwüt-ündewlerini aýtdylar.

10 Sentýabr 2024

Jemgyýet

Ýol hereketiniň howpsuzlygy — ömrümiziň rahatlygy

Jemgyýetimiziň baş baýlygy bolan adam hakyndaky aladany ähli zatdan ileri tutýan hormatly Prezidentimiziň bu ugurdaky beýik işleri halkymyzyň saglygyny, rahatlygyny kepillendirýär. Her ýylyň 1 — 30-njy sentýabry aralygynda «Ýol hereketiniň howpsuzlygy — ömrümiziň rahatlygy» diýen at bilen biraýlyk geçirilýär. Bu biraýlygyň dowamynda geçirilýän çäreler ýurdumyzda ýol hereketiniň düzgünleriniň berjaý edilmegi netijesinde ilatyň saglygyny goramaga, şikesler sebäpli döreýän keselleriň we maýyplygyň öňüni almaga gönükdirilendir. Ýurdumyzda döwrebap ýaşaýyş jaýlary, täze etraplar, şäherçeler we ähli amatlyklary bolan awtomobil ýollary, köprüler yzygiderli gurulýar. Ýollaryň ugrunda döwrebap duralgalaryň, ýerasty, ýerüsti geçelgeleriň, hereketiň kadaly ýola goýulmagyna mümkinçilik berýän ýolyşyklaryň we beýleki degişli belgileriň bolmagy sürüjilere we pyýadalara hereket etmekde ähli mümkinçilikleri we amatly şertleri döredýär. Ýol hereketiniň asudalygyny we howpsuzlygyny üpjün etmek, agyr ýol-ulag hadysalarynyň öňüni almak, ilkinji nobatda, herekete gatnaşyjylaryň ýol hereketiniň kadalaryny dogry berjaý edişine baglydyr.

10 Sentýabr 2024

Jemgyýet

Halk maslahaty — döwletiligiň milli binýady

Hormatly Prezidentimiziň parasatly baştutanlygynda ýurdumyzyň ähli ulgamlarynda uly ösüşler gazanylýar. Türkmenistanyň dünýä jemgyýetçiliginde kuwwatly we abadan döwlet, parahatçylyk dörediji merkez hökmünde abraýy ýylsaýyn belende galýar. Berkarar döwletiň täze eýýamynyň Galkynyşy döwründe Garaşsyz, hemişelik Bitarap döwletimiziň içeri we daşary syýasatynda, şeýle hem ýurdumyzy ykdysady, durmuş we medeni taýdan ösdürmek ugrunda il bähbitli işler durmuşa geçirilýär. Gahryman Arkadagymyzyň öňdengörüjilikli başlangyçlary esasynda hem-de hormatly Prezidentimiziň parasatly baştutanlygynda häzirki zaman türkmen jemgyýetini dünýä siwilizasiýasynyň belentliklerine galdyrmak maksady bilen durmuşyň ähli ugurlarynda düýpli ösüşe badalga berildi. Taryh üçin gysga döwürde ösüşiň belentliklerine tarap ynamly öňe barýan berkarar döwletimiziň mundan beýläk hem gülläp ösmegi, eziz Diýarymyzyň halkara abraýynyň has-da belende galmagy üçin guwandyryjy işler durmuşa geçirildi. Bu ugurda ýurdumyzyň kanunçykaryjylyk binýady hem yzygiderli kämilleşdirilýär.

10 Sentýabr 2024

Jemgyýet

Ozon gatlagynyň goragy — adamzadyň derwaýys meselesi

Daşky tebigy gurşaw jemgyýetiň maddy, ruhy we medeni isleglerini kanagatlandyrmak üçin ilkinji we iňňän zerur çeşme bolup hyzmat edýär. Tebigat biziň umumy öýümiz bolmak bilen, bir bitewülikde ýaşamaga, tebigy baýlyklary örän oýlanyşykly peýdalanmaga borçly edýär. Häzirki wagtda ekologiýa howpsuzlygy tutuş adamzadyň öňünde çözülmesi örän wajyp mesele bolup durýar. Ekologiýa howpsuzlygy boýunça halkara hyzmatdaşlygyny alyp barmak Türkmenistanyň daşary syýasat strategiýasynyň ileri tutulýan ugurlarynyň biri bolup durýar.

10 Sentýabr 2024

Jemgyýet

«Gözli» sütün

— Bedenimiziň iň çalasyn myşsalary gözlerimizde ýerleşýär. «Göz açyp-ýumasy salymda» diýlen söz düzümi, meger, şonuň üçin dörän bolsa gerek. — Ynsan gözüniň diametri ortaça 2,25 santimetre, agyrlygy bolsa 7 grama barabardyr.

10 Sentýabr 2024

Jemgyýet