Türkmenmetbugat

"Bereketli toprak" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-60-64, 38-60-87, 38-60-67
Email: bereketlitoprak@sanly.tm

Gazeti PDF görnüşinde ýükläp almak

Habarlar

Garaşsyzlyk ― bagtymyz

Ýylyň her bir şanly wakasyny, özgertmeleriň we üstünlikleriň ähmiýetini halkyň arasynda giňden wagyz etmek, düşündirmek, baýramçylyk çärelerini giňden dabaralandyrmak biziň paýymyza düşýär. Şu maksat bilen partiýamyzyň işjeň agzalary bolup häzirden mukaddes Garaşsyzlygymyzyň 30 ýyllygyna uly taýýarlyk görüp başladyk. Her bir baýramçylygy öz ruhuna kybapdaş dabaralandyrmak biziň esasy maksadymyzdyr. Ýylyň tutuş dowamynda syýasy ähmiýetli maslahatlary, dabaraly çäreleri we dürli döredijilik bäsleşiklerini, sergileri guramagy meýilleşdirýäris. Olarda Garaşsyz Watanymyzyň geçen taryhy ösüş ýoluny, gazanylan üstünlikleri halkyň arasynda giňden wagyz ederis. Bu bolsa ildeşlerimiziň eziz Watanymyza, mähriban topragymyza we Gahryman Arkadagymyza bolan buýsanjyny we söýgüsini has hem artdyrar. Milli Liderimiziň partiýamyzyň öňünde goýan wezipeleriniň üstünlikli hötdesinden gelmek üçin Watanymyzyň ýagty geljeginiň we halkymyzyň bagtyýar durmuşynyň hatyrasyna asylly zähmetimizi gaýgyrmarys.

12 Mart 2021

Abadandyr, gülgüzardyr obamyz

Çärjew etrabynyň Nobat Gutlyýew adyndaky geňeşliginiň çägindäki obalaryň keşbi barha owadanlaşýar. Berkarar döwletiň bagtyýarlyk döwründe oba adamlary has gurply ýaşap ugradylar. Hormatly Prezidentimiziň oba özgertmeleri kärendeçileriň zähmet girdejilerini artdyryp, olaryň gowy durmuşda ýaşamaklaryny hem üpjün edýär. Şol bir wagtda bolsa işewürligiň, telekeçiligiň ösmegi üçin döredilýän giň şertler azyk önümleriniň, dürli harytlaryň bolçulygynyň döredilmegine itergi berýär. Milli Liderimiziň döwleti dolandyrmaga girişen gününden bäri oba bilen şäheriň arasyndaky tapawut azalýar. Wagt geçdigisaýyn döwrebaplaşýan şu geňeşligiň çäginde hem saglyk öýleriniň 10-a golaýy, medeniýet öýi, kitaphana, söwda merkezi, çagalar baglarynyň 4-si, orta bilim berýän mekdepleriň 4-si, ýöriteleşdirilen çagalar sazçylyk mekdebi, gurluşyk üçin kerpiç öndürýän kärhanalaryň 2-si, un öndürýän kuwwatly haraz, dükanlaryň onlarçasy, tikinçilik sehi bar. Geňeşligiň çägindäki obalarda elektrik togy, gaz bilen üpjün edýän ulgamlar kadaly işledilýär. Elektrik toguny öndürýän kuwwatly desgalaryň birisi hem şu etrapda ýerleşýär, ikinjisiniň gurluşygy tamamlanyp barýar. Binagärçilik ösýär. Hormatly Prezidentimiziň Karary esasynda ýaşaýjylaryň ýüzlerçesine paýlanylyp berlen mellek ýerlerde ýene-de täze ýaşaýyş jaýlary peýda bolýar, hut Nobat Gutlyýew adyndaky geňeşligiň çäginde soňky 3-5 ýylyň içinde gür ilatly

12 Mart 2021

Halypa hatyrasy

Welaýat çagalar sungat mekdebinde Türkmenistanyň at gazanan bagşysy Mustak Aýmedowyň doglan gününiň 110 ýyllygy mynasybetli aýdym-sazly çäre geçirildi. Onuň çäklerinde mekdebiň milli saz gurallary we sazyň nazaryýeti bölümleriniň mugallymlary Jumageldi Orunow bilen Gunça Gapbarowa döredijilik agşamyny geçirdiler. Halkymyzda «Bagşyly il ― bagtly il» diýilýän nakyl bar. Milli aýdym-saz sungatymyzda özboluşly yz galdyran bagşy Mustak Aýmedowyň hem aýratyn orny bardyr. Bu gün onuň galdyran uly mirasy ýurdumyzyň ýaş sungaty öwrenijileri tarapyndan içgin öwrenilýär. Halypanyň aýdym-saz gory welaýatymyzdaky çagalar sungat mekdeplerinde bilim alýan zehinli ýaşlara gymmatly çeşmedir.

12 Mart 2021

Dalaşgärler bilen duşuşyklar

Şu ýylyň 28-nji martynda geçiriljek Türkmenistanyň Milli Geňeşiniň Halk Maslahatynyň agzalarynyň saýlawlaryna taýýarlyk görmek we ony geçirmek boýunça işler meýilnama laýyklykda dowam edýär. Milli Geňeşiň Halk Maslahatyna agzalyga bellige alnan dalaşgärler saýlawçylar — welaýatlaryň, Aşgabat şäheriniň halk maslahatlarynyň agzalary bilen duşuşyk ýygnaklaryna başladylar. Milli Liderimiz Gurbanguly Berdimuhamedowyň parlamentiň wekilleri bilen geçiren duşuşygynda belleýşi ýaly, öňde duran saýlawlar syýasy ulgamy kämilleşdirmek, ýurdumyzyň döwlet we jemgyýetçilik durmuşyny demokratiýalaşdyrmak wezipelerinden ugur alnyp, ýokary derejede, aç-açanlyk we aýdyňlyk ýagdaýynda geçirilmelidir.

12 Mart 2021

Adyň alyslarda aýdym, Aşgabat

Türkmenistanyň PrezidentiGurbanguly Berdimuhamedow: — Berkarar döwletimiziň bagtyýarlyk döwründe Aşgabady ösdürmek boýunça köp işler edildi. Özboluşly binalar, has oňaýly ýaşaýyş jaýlary, oklaw ýaly köçelerdir şaýollar, gözel seýilgähler, ajaýyp ýadygärlik toplumlary baş şäherimiziň görküne-görk goşýar. Ony Gündogaryň merjen şäherine öwürýär. Şeýle bolansoň, paýtagtymyzyň täsin binagärlik görnüşli desgalarynyň 11-si Ginnesiň rekordlar kitabyna girizildi.

12 Mart 2021

Belentdir baýdagyň dünýäň öňünde

Berkarar döwletimiziň bagtyýarlyk döwründe ýurdumyzda bitirilýän beýik işler her bir türkmenistanlynyň kalbynda ýokary ruhubelentlik, hormatly Prezidentimiz Gurbanguly Berdimuhamedowyň çuň pähim-parasata ýugrulan öňdengörüjilikli döwlet syýasatynyň netijesinde gazanylýan üstünliklere bolan buýsanç duýgusyny döredýär. Hormatly Prezidentimiziň parasatly baştutanlygynda «Türkmenistan — parahatçylygyň we ynanyşmagyň Watany» ýylynda mähriban halkymyz ata Watanymyzyň mukaddes Garaşsyzlygynyň 30 ýyllyk şanly baýramçylygyny hem-de Aşgabadyň esaslandyrylmagynyň 140 ýyllygyny uly zähmet üstünliklerine beslemek üçin şu günlerden ykjam taýýarlyk görýär. Bagtyýar halkymyz milli Liderimiz Gurbanguly Berdimuhamedowyň parasatly we öňdengörüjilikli baştutanlygynda ajaýyp Watanymyzyň beýik geljeginiň hatyrasyna gurýar we döredýär, Garaşsyzlygyň peşgeş eden bagtyýar eýýamyna buýsanç duýgusy bilen ýaşaýar. Ýurdumyzyň Garaşsyzlygy hakynda gürrüň edilende, ilki bilen Döwlet baýdagymyz hakydaňa gelýär. Bu gün ýaşyl baýdagymyz BMG-niň belent binasynyň öňünde türkmen döwletiniň berkararlygyny äleme äşgär edip, buýsançly pasyrdaýar.

12 Mart 2021

Döwre buýsanç - zähmete hyjuw

Wepa AMANOW,Daşoguz welaýat kazyýetiniň kazysy: — Milli Liderimiziň belleýşi ýaly, häzirki döwürde ýurdumyz sebitiň we kontinentiň möhüm ulag-logistika merkezine öwrüldi. Gazylyp alynýan tebigy baýlyklaryň we çig mal serişdeleriniň ýataklaryny senagat taýdan özleşdirmek we gaýtadan işlemek, şeýle hem ýokary goşmaça binýady bolan taýýar önümleri öndürmek milli ykdysadyýetiň möhüm ugurlarynyň biri bolup durýar. Munuň özi maýa goýumlaryny çekmek, kärhanalary hasaba alyş ulgamyny kämilleşdirmek, bäsdeşlige ukyply önümleri öndürýän, iň öňdebaryjy tehnologiýalar bilen üpjün edilen bilelikdäki kärhanalary döretmegi höweslendirmek, halkara söwda-ykdysady gatnaşyklary giňeltmek üçin amatly hukuk şertlerini döretmek zerurlygyny şertlendirýär. Şunuň bilen baglylykda, hormatly Prezidentimiz ýuridik şahslaryň döwlet tarapyndan bellige alnyşyny döwrebap ýagdaýa getirmek maksady bilen, «Ýuridik şahslary döwlet tarapyndan bellige almak hakynda» Türkmenistanyň Kanunynyň taslamasyny taýýarlamak barada parasatly tekliplerini berdi.

11 Mart 2021

Garaşsyzlyga buýsanç — kalba ganat

«Türkmenistan — parahatçylygyň we ynanyşmagyň Watany» şygary bilen badalga alan 2021-nji ýylymyzda her bir gün hoş habarlaryň buşlukçysy bolup dogýar. Şanly wakalara beslenjek bu ýylymyzda halkymyz ýurt Garaşsyzlygymyzyň 30 ýyllyk, mermer paýtagtymyz Aşgabadyň 140 ýyllyk toýuny uludan toýlar. Ýylyň başyndan bäri ähli ugurlarda bu şanly toýlara giňden taýýarlyk görlüp, dürli mazmundaky çäreler ýaýbaňlandyrylýar. Her bir ulgamda gazanylýan üstünlikler medeniýetiň, sungatyň üsti bilen dünýä ýaýylýar. Döredijiligiň dürli ugurlaryndaky sungat eserlerde döwrümiziň ýeten beýik derejeleriniň waspy belentden ýetirilýär. Ählitaraplaýyn sazlaşykly ösýän eziz diýarymyzyň tarypy milli sungatymyzda döwrebap şöhlelendirilýär. Ýaş zehinlerimiziň ylham joşgunyndan döreýän sungat eserlerde döwlet Garaşsyzlygymyza bolan buýsanç göwünlere ganat berýär. Olaryň çaga kalplaryndaky Watan mukaddesligi düşünjesiniň döredijiligiň üsti bilen beýan edilmegi daş-töweregimizi gurşap duran gözellikleriň döredýän ylham joşgunyny görkezýär. Muňa diňe bir paýtagtymyzyň mysalynda hem göz ýetirmek kyn däl. Ýurdumyzyň ýüregi Aşgabadyň merkezinde taryhy şahsyýetlerimiziň şeýle-de döwürdeş ýazyjy-şahyrlarymyzyň hormatyna gurlup, ulanylmaga berlen «Ylham» seýilgähi, Watanymyzyň asuda durmuşy üçin gahrymançylykly ýol geçen beýik şahsyýetlerimiziň edermenligini ebedileşdirýän «Halk hakydasy» ýadygärlikler toplumy ýaşl

11 Mart 2021

Türkmenistan — ÝUNESKO: Diýardan ýaýran ýollar

Uzak ýyllaryň dowamynda akademik Wiktor Sarianidiniň ýolbaşçylygynda Goňurdepe ýadygärlikler toplumynda geçirilen gazuw-agtaryş işleriniň netijesinde adam eliniň aýasyna barabar bolan kiçijik ak keçe bölegi tapyldy. Alym bu keçe böleginiň 4000 ýyllap ýeriň astynda saklanyp galandygy barada öz pikirini öňe sürdi. Häzirki wagtda ýurdumyzda ÝUNESKO-nyň Adamzadyň maddy däl medeni mirasynyň sanawyny giňeltmek boýunça degişli işler üstünlikli dowam edýär. 2021-nji ýylyň ahyryna «Dutar ýasamak senetçiligi, dutarda saz çalmak we bagşyçylyk sungaty» atly hödürnamany ÝUNESKO-nyň Adamzadyň maddy däl medeni mirasynyň sanawyna girizmek meýilleşdirildi. Şeýle hem ÝUNESKO bilen hyzmatdaşlygyň çäklerinde halkymyzyň medeni we ruhy gymmatlyklary bolan ahalteke atlarynyň we türkmen alabaýlarynyň dünýä derejesindäki ähmiýetini ýokarlandyrmak maksady bilen hödürnamany taýýarlamak hem Adamzadyň maddy däl medeni mirasynyň sanawyna girizmek boýunça degişli işler alnyp barylýar. Şol bir wagtda «Türkmen keçe sungatyny» ÝUNESKO-nyň Adamzadyň maddy däl medeni mirasynyň görnükli nusgalarynyň sanawyna girizmek baradaky hödürnamany taýýarlamak ugrundaky tagallalar halkymyzyň medeni we ruhy gymmatlyklarynyň dünýä derejesindäki ähmiýetiniň has hem ýokarlandyrylmagyna gönükdirilendir.

11 Mart 2021

Aşgabat — beýik medeniýetiň ojagy

Gahryman Arkadagymyz Watanymyzyň ýüregi bolan Aşgabadyň 140 ýyllyk baýramy mynasybetli paýtagtymyzyň häkimliginde geçiren maslahatynda taryhymyzyň şanly sahypalary baradaky maglumatlary halkymyza yzygiderli ýetirip durmagy ündedi. Taryha baý Watanymyzyň şöhratly geçmişini öwrenmegiň, parasatly pederlerimiziň watanperwerlik ýörelgelerine ygrarly bolmagyň ýaş nesillerimiz üçin aýratyn terbiýeçilik we ýokary watançylyk ähmiýetiniň boljakdygy ikuçsuzdyr. Taryhçy Ö.Gündogdyýewiň «Aşgabat — keramatly Ärsagyň şäheri» atly kitabynda ýazyşy ýaly, Watanymyzyň daýanjy bolan Aşgabat müňlerçe ýyllaryň dowamynda dünýä medeniýetiniň umumy taryhy üçin ähmiýetli wakalaryň amala aşan mekany bolup geldi. Paýtagtymyz we onuň töweregindäki gadymy obalarda ekerançylyk, maldarçylyk tejribeleri kemala gelipdir, binagärlik, ylym-bilim, medeniýet we sungat babatdaky ösüşleri tutuş sebitiň özgermegine, goňşy halklaryň medeni aň-bilim kämilligine täsir edipdir. Aşgabadyň gadymy Oguz türkmen döwletiniň, kuwwatly Parfiýanyň, Beýik seljuklar şadöwletiniň merkezi paýtagt şäherleriniň biri hökmünde taryhyň baş sahnasynda mynasyp orun eýeländigi hem-de onda asyrlara ýaň salan medeni galkynyşlaryň amala aşandygy munuň şeýledigini doly tassyklaýar. Hatda eziz Watanymyzyň taryhynyň iň çylşyrymly asyrlarynda hem Aşgabat özüniň tebigy gözellikleri, bol suwy we rysgal-berekede beslenen topragynda ýetişdirilen

11 Mart 2021

Ene — durmuşyň bezegi

Türkmenistanyň «Zenan kalby» ordeniniň döredilmegi, sekiz we şondan köp çagaly enelere «Ene mähri» diýen hormatly adyň dakylmagy hem-de ähli amatlyklary bolan ýaşaýyş jaýlarynyň sowgat berilmegi bagtyýarlyk döwrümizde enelerimize nähili belent sarpa goýulýandygyna şaýatlyk edýär. Ine, bu ýyl hem 8-nji mart — Halkara zenanlar güni mynasybetli ýurdumyz boýunça sekiz hem şondan köp çagaly eneleriň ençemesine ýurt Baştutanymyzyň Permanyna laýyklykda, Türkmenistanyň «Ene mähri» diýen hormatly ady dakyldy. Olaryň käbirleriniň ýürek sözlerini okyjylarymyza ýetirmegi makul bildik.

11 Mart 2021

Aşgabat — bagtyýarlygyň şäheri

Göreniňde gözüň eglenip, synlanyňda synyň oturýan gözel görkli paýtagtymyz Aşgabat Gündogaryň iň owadan merjen şäherine öwrülýär. Ak mermer şäherimiz Aşgabady ýurdumyzyň bagtyýar raýatlary «Aşgabadym — göwün şadym!», «Ak şäherim — Aşgabat!» diýip söýgüleýär. Uly ösüşlere beslenýän «Türkmenistan — parahatçylygyň we ynanyşmagyň Watany» ýylynda 140 ýyllygy bellenilýän baş şäherimiziň toý-baýramçylyk dabaralaryna taýýarlyk işleri mukaddes Garaşsyzlygymyzyň 30 ýyllyk şanly senesine taýýarlyk işleri bilen utgaşyp, giň gerimde ýaýbaňlanýar. Aşgabadyň uzaklardan seleňläp görünýän owadan binalaryny, ajaýyp ymaratlaryny, altyn gümmezli köşklerini, köp sanly döwrebap suw çüwdürimlerini, täze ýaşaýyş jaý toplumlaryny we beýleki durmuş maksatly desgalaryny göreniňde göwnüň göterilýär. Ak mermer şäherimiziň gözel keşbini synlanyňda hormatly Prezidentimiziň: «Aşgabady jennet mekana öwürmek meselesi öňümizde goýan maksatlarymyzyň biridir» diýip, belleýän sözleriniň bu gün hasyl bolýandygyna göz ýetirip, guwanjyň goşalanýar. Ýeri gelende, Ginnesiň rekordlar kitabyna girizilen paýtagt şäherimiziň iri halkara maslahatlarynyň, sergileriniň, işewür duşuşyklarynyň, goňşy we dostlukly döwletleriň medeniýet günleriniň, festiwallarynyň, şeýle-de sport ýaryşlarynyň geçirilýän merkezi şäherine öwrülendigini guwanç bilen bellemek gerek. Bagtyýarlygyň bagt şäheri bolan gözel Aşgabadyň mermer şäher hökmünd

11 Mart 2021

Aşgabadyň XIX — XX asyrlardaky taryhynyň sahypalary

Rus çeşmelerinde Aşgabadyň ady 43 sany galanyň sanawynyň içinde «Işkabad» ady bilen 1850-nji ýylda peýda bolýar. XVIII asyryň ahyrynda Nusaý şäheri ýaşamagyny bes edip, onuň ýerinde Bagyr obasy peýda boldy. Aňyrsy parfiýalylara baryp direýän bu welaýatda Aşgabat şäheri öňe saýlanýar. XIX asyrdan başlap ýazuw çeşmelerde şäheriň bu ady ýygy-ýygydan agzalyp ugralýar. Hywa taryhçylary Munis we Ägehi türkmen hany Myrat Serdaryň 1818-nji ýylda keseki ýurt hanynyň goşunlary bilen uruşmak üçin, Aşgabadyň we Änewiň ýaşaýjylarynyň hasabyna öz goşun bölümleriniň üstüni ýetirendigini habar berýär. Şol döwürde Aşgabat berkitmeler bilen gurşalypdyr we ahal tekeleriniň merkezi bolupdyr. Şol ýylyň özünde Hubbyguly hojanyň ýolbaşçylygyndaky güýçli keseki ýurt goşuny köp adamlary gyryp, Aşgabadyň we Aşgabat bilen Mänäniň aralygyndaky ýerleriň boşap galmagyna sebäp bolýar. 1853-nji ýylda keseki ýurt şazada Feridun Mürzäniň ýolbaşçylygyndaky keseki ýurt goşunlary türkmen topragyna aralaşýar. Keseki goşunlaryň Emir han tarapyndan baştutanlyk edilýän öňdäki bölümleri Aşgabadyň eteginde berk gaýtawula sezewar bolýar. Söweş uzak dowam edýär. Ýöne şol wagt goşunlary bilen şazadanyň özi hem ýetip gelýär. Türkmenler yza çekilmäge mejbur bolýarlar. Feridun Mürze birnäçe wagtlap Aşgabatda bolandan soň, şäheriň çäginde we onuň töwereginde ýerleşen 36 sany berkitmäni ýumurmaga buýruk berýär. Ýöne şond

11 Mart 2021

Gözelligiň we bagtyýarlygyň şäheri

Hormatly Prezidentimiziň parasatly baştutanlygynda ýurdumyz syýasatda, ykdysadyýetde, medeniýetde ägirt uly ösüşlere eýe bolýar. Türkmenistan dünýäde iň sazlaşykly hem-de çalt depginler bilen ösýän döwletleriň birine öwrüldi. Gözelligiň nury çaýylan türkmen topragynda şäherdir obalar günsaýyn ösýär, özgerýär. Türkmen ýaýlasyndan görk alan ýurdumyzda ata Watanymyzyň batly ösüşlerini äleme ýaýýan gurluşyk işleri aýratyn buýsanç bilen bellenilmäge mynasypdyr. Bina edilýän belent ymaratlar, suw çüwdürimler toplumlary, köçeleriň ýakasynda öwşün atýan gül-gülälekli meýdançalar paýtagtymyz Aşgabada görk goşýar. Gahryman Arkadagymyzyň taýsyz tagallasy netijesinde Aşgabat dünýäniň iň gözel şäherleriniň birine öwrüldi. Ýurtda gurulýan desgalaryň, binalaryň gözelligi görenleri haýrana goýýar. Ak mermere beslenen belent mermer jaýlarda ýaşaýjylar üçin ähli ýokary amatlyklar göz öňünde tutulandyr. Täze gurulýan möhüm desgalar ata Watanymyza özboluşly bezeg berýär hem-de ýurdumyzyň ykdysadyýetiniň barha kuwwatlanmagyna badalga bolýar. Gözelligiň şäheri Aşgabat — Garaşsyz, baky Bitarap Watanymyzyň ýüregi. Bu gözel şäherde edil paýtagtymyzyň arassalygy, gözelligi ýaly arassa, gözel kalply adamlar ýaşaýar. Hut şonuň üçin hem mermer paýtagtymyz dünýäde ylalaşdyryjy merkez, parahatçylygyň mekany hökmünde uly ynam, beýik söýgi bilen guwanylýan, buýsanylýan şäherdir.

11 Mart 2021

Durnukly ösüşiň möhüm şerti

Giň göwrümli, aýdyň maksatly işleriň üstünlikli durmuşa geçirilýän döwründe ýurdumyzy durmuş-ykdysady taýdan ösdürmäge gönükdirilen Milli maksatnamalar innowasion ösüşi gazanyljak belent sepgitleriň esasy ugry bolup durýar. Ykdysadyýetimiziň uzak möhletli ösüşini üpjün etmek üçin saýlanan bu baş ýörelge öňdebaryjy ylmy taglymatlary we innowasion tehnologiýalary ulanmak arkaly ýurdumyzyň ykdysady serişdeleriniň we tebigy baýlyklarynyň mümkinçiliklerini netijeli peýdalanmaga gönükdirilendir. Häzirki wagtda dünýä ykdysadyýetinde durnukly ösüşi gazanmagyň, ykdysadyýetde we halk hojalygynyň beýleki pudaklarynda netijeliligi ýokarlandyrmagyň esasy şerti sanly ulgama doly geçmekdir. Dünýäniň ähli döwletlerinde sanly tehnologiýalary ulanmagyň netijeliligini ýokarlandyrmaga aýratyn ähmiýet berilýär. Bäsdeşlige ukyply innowasion ösüş we täze iş orunlarynyň, döwrebap mümkinçilikleriň döredilmegi häzirki zaman maglumat-aragatnaşyk tehnologiýalarynyň ulanylmagy bilen berk baglanyşyklydyr. Hormatly Prezidentimiziň parasatly baştutanlygynda ýurdumyzyň pudaklaryny yzygiderli ösdürmek bilen bir hatarda, milli ykdysadyýetimizi diwersifikasiýa ýoly bilen ösdürmek, önümçilik we hyzmatlar ulgamyna ylmy we innowasion täzelikleri giňden ornaşdyrmak wezipeleri boýunça maksatnamalaýyn işler üstünlikli durmuşa geçirilýär. Sanly ykdysadyýetiň ösdürilmegi ýurtda ýokary öndürijiligi üpjün etmäge we uzakmöh

11 Mart 2021

Dabarasy dünýä dolan Diýarym

Hormatly Prezidentimiziň başda durmagynda ata Watanymyz Garaşsyzlygyň, hemişelik Bitaraplygyň ýoly bilen röwşen geljege barýar. Berkarar döwletimiziň bagtyýarlyk döwründe Gahryman Arkadagymyzyň tagallasy we başlangyçlary netijesinde, ýurdumyzyň ähli ulgamlaryny gurşap alýan özgertmeler ata Watanymyzyň uly  ösüşleri gazanmagyna şert döredýär. Garaşsyzlyk ata-babalarymyzyň erkinlik, özbaşdaklyk baradaky arzuwlarynyň ajaýyp dabaralanmasy bolup, türkmen halkynyň bagtyýar ertirine, müňýyllyklara uzaýan ak ýoludyr. Garaşsyzlyk halkymyzyň millet, özbaşdak döwlet hökmünde ykrar edilmegidir. Berkarar döwletimiziň mizemezliginiň, il-günümiziň agzybirliginiň we abadançylygynyň binýadydyr.

10 Mart 2021

Eziz Arkadagymyza alkyş aýdýar eneler Türkmenistanyň «Ene mähri» diýen hormatly adyna mynasyp bolan eneleriň ýürek buýsanjy

Dünýägözel MUHAMMEDOWA,Serdar şäherinden öý hojalykçy:  — Bedew bady bilen okgunly öňe barýan ýurdumyzda hormatly Prezidentimiziň Permany bilen Türkmenistanyň «Ene mähri» diýen hormatly adyna mynasyp bolmagym durmuşymda ýatdan çykmajak waka öwrüldi. Bu ýyl agzybir ojagymyzda Halkara zenanlar gününi goşa baýram hökmünde belledik.

10 Mart 2021

Baky bagtyň binýady

Hormatly Prezidentimiziň başlangyjy bilen «Türkmenistan — parahatçylygyň we ynanyşmagyň Watany» diýlip yglan edilen üstümiz-däki ýylda hemişelik Bitarap Türkmenistan döwletimiziň mukaddes Garaşsyzlygynyň taryhy 30 ýyllyk baýramy egsilmez buýsanç, uly dabaralar bilen belleniler. «Garaşsyzlyk özünde ägirt uly many-mazmuny jemlemek bilen, eziz Watanymyzyň şöhratly geçmişine, şu gününe we beýik geljegine düşünmäge mümkinçilik berýär. Garaşsyzlyk baýramy bolsa beýik dabaradyr!» diýip nygtaýan Gahryman Arkadagymyzyň parasatly ýolbaşçylygynda Berkarar döwletimiziň bagtyýarlyk döwründe — Garaşsyzlyk ýyllarynyň iň ösüşli zamanasynda ýurdumyzda ägirt uly işler durmuşa geçirilýär. Türkmenistan taryhy jähetden alanyňda, juda gysga döwrüň içinde dünýäniň ösen döwletleriniň hataryna goşuldy. Bu gün biziň Garaşsyz döwletimiz bilen hyzmatdaşlyk edýän ýurtlaryň sany barha artýar. Hormatly Prezidentimiziň hut özüniň başda durmagynda özara bähbitli hyzmatdaşlygy pugtalandyrmak babatda gazanylýan döwletara ylalaşyklar sebitde durnuklylygy, gatnaşyklaryň işjeňleşmegini üpjün edýär, ykdysady we beýleki meseleleri üstünlikli çözmäge şert döredýär. Häzirki wagtda durmuşa geçirilýän halkara ähmiýetli taslamalar diňe bir türkmen halkynyň däl-de, eýsem, dünýä halklarynyň hem bähbitlerine hyzmat edýär. Bu bolsa guwandyryjy hem-de buýsandyryjy ýagdaýdyr. Gahryman Arkadagymyzyň başda durmagynda Garaşsyz Diý

10 Mart 2021

Dünýäniň görki

Welaýat Baş bilim müdirliginiň hem-de Balkanabat şäherindäki daşary ýurt dillerini çuňlaşdyryp öwredýän ýöriteleşdirilen 2-nji orta mekdebiň bilelikde guramaklarynda geçirilen dabaraly çäre «Dünýäniň bar görki ene sen, ene!» diýlip atlandyryldy. Oňa bilim, medeniýet ulgamlarynyň, jemgyýetçilik guramalarynyň wekilleri, ýokary synp mekdep okuwçylary we ýerli şahyrlar gatnaşdylar. Dabaranyň dowamynda baýramçylyk gutlaglaryna uly orun berlip, olarda ýurdumyzda mährem enelerimize, zenanlarymyza goýulýan belent sarpa dogrusynda buýsançly gürrüň edildi. Mekdebiň mugallymlarydyr okuwçylary goşgularda, aýdym-sazlarda Halkara zenanlar gününiň, ata Watanymyzyň, eziz Arkadagymyzyň beýik işleriniň, mährem enelerimiziň, baýdak ýaly gelin-gyzlarymyzyň waspyny ýetirdiler. Nebitçileriň medeniýet köşgüniň «Dehistan» aýdym--tans we folklor etnografiýa toparynyň agzalary küşt depip, gazal aýdyp, baýramçylyk çäresiniň şowhunyny has-da artdyrdylar.

10 Mart 2021

Wagyz-nesihat çäreleri

Sagdyn durmuş ýörelgeleri ündeldi Saparmyrat Türkmenbaşy etrabyndaky 13-nji orta mekdepde «Sagdyn nesil — geljegiň gözbaşy» diýen at bilen wagyz-nesihat duşuşygy geçirildi. Oňa etrap häkimliginiň, jemgyýetçilik guramalarynyň, etrap hassahanasynyň we bilim bölüminiň hünärmenleri gatnaşdylar.

10 Mart 2021

‹
1
2
...
535
536
537
538
539
540
541
...
561
562
›