Türkmenmetbugat

"Bereketli toprak" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-60-64, 38-60-87, 38-60-67
Email: bereketlitoprak@sanly.tm

Gazeti PDF görnüşinde ýükläp almak

Habarlar

Täzelikler

Golaýda Köýtendag etrap merkezi kitaphanasynda «Türkmenistan — parahatçylygyň we ynanyşmagyň Watany» ýyly mynasybetli dabara geçirildi. Etrap häkimliginiň, iri jemgyýetçilik guramalarynyň wekilleriniň, bilim, medeniýet işgärleriniň, kitaphanaçylaryň gatnaşmaklarynda guralan dabarada buýsançly çykyşlara giň gerim berildi. Hususan-da, çykyş edenler geçen ýylda milli ykdysadyýetimiziň ähli pudaklarynda ýokary ösüş depgininiň gazanylmagy netijesinde ýurdumyzda jemi içerki önümiň öndürilişiniň artandygyny, şonuň esasynda türkmenistanlylaryň, şol sanda etrabyň ilatynyň hem ýaşaýyş-durmuş derejesiniň görnetin gowulanandygyny bellediler. Şanly Garaşsyzlygymyzyň 30 ýyllyk ýubileýiniň toýlanylýan ýylynda öňde goýulýan belent maksatlaryň günübirin durmuşa geçirilmegine her bir raýatymyzyň önjeýli goşant goşmalydygyna hem dabarada çykyş edenler ünsi çekdiler. Köpadamly dabara etrabyň medeniýet öýüniň döredijilik toparynyň aýdym-sazly çykyşlary bilen utgaşdy.

15 Mart 2021

Kanunçylyk kämilleşdirilýär

Geçen hepdäniň şenbe güni sanly wideoaragatnaşyk ulgamy arkaly Türkmenistanyň Mejlisiniň altynjy çagyrylyşynyň 13-nji maslahaty geçirildi. Onda hormatly Prezidentimiz Gurbanguly Berdimuhamedowyň alyp barýan syýasatynyň ileri tutulýan ugurlaryna we ýurdumyzyň kanunçylyk-hukuk binýadyny kämilleşdirmek baradaky toplumlaýyn maksatnama laýyklykda işlenilip taýýarlanylan birnäçe täze Kanunlar we kadalaşdyryjy hukuk namalary kabul edildi. Maslahata gatnaşmaga birnäçe ministrlikleriň we pudaklaýyn dolandyryş edaralarynyň ýolbaşçylary, köpçülikleýin habar beriş serişdeleriniň wekilleri çagyryldy. Maslahatyň dowamynda giňişleýin ara alyp maslahatlaşmalardan soň, «Türkmenistanyň Arbitraž iş ýörediş kodeksiniň rejelenen görnüşini tassyklamak we herekete girizmek hakynda», «Türkmenistanyň «Türkmenistanyň halk itşynasy» diýen hormatly adyny döretmek hakynda» hem-de «Türkmenistanyň «Türkmenistanyň at gazanan itşynasy» diýen hormatly adyny döretmek hakynda» Türkmenistanyň Kanunlary, «Adatdan daşary ýagdaýlaryň öňüniň alynmagy we ýok edilmegi hakynda» Kanuny (rejelenen görnüşi), «Jenaýatçylykly ýol bilen alnan girdejileriň kanunylaşdyrylmagyna, terrorçylygyň maliýeleşdirilmegine we köpçülikleýin gyryş ýaragynyň ýaýradylmagynyň maliýeleşdirilmegine garşy hereket etmek hakynda» Türkmenistanyň Kanunynyň rejelenen görnüşi, «Ýokanç keselleriň öňüni almak hakynda», «Gaýtadan dikeldilýän energiýa çeş

15 Mart 2021

Döwletliligiň mizemez binýady

Hormatly Prezidentimiziň parasatly baştutanlygynda «Türkmenistan — parahatçylygyň we ynanyşmagyň Watany» ýylynda eziz Diýarymyz milli buýsanjymyz bolan mukaddes Garaşsyzlygymyzyň binýadyny pugtalandyrýan ägirt uly ösüşlere beslenýär. Şanly Garaşsyzlygymyzyň 30 ýyllyk toýunyň toýlanjak ýylynda ýurdumyzyň welaýatlarynda ykdysady kuwwatymyzy pugtalandyrýan täze binalaryň, desgalaryň hem-de döwrebap obalaryň gurlup ulanylmaga berilmegi türkmeniň döwletliliginiň aýdyň nyşanydyr. Munuň özi sazlaşykly durmuş-ykdysady ösüşiň, ilatymyzyň ýaşaýyş-durmuş derejesiniň yzygiderli ýokarlanýandygynyň anyk beýany bolup durýar. Şonuň bilen bir hatarda, döwletimiziň yzygiderli durmuş-ykdysady ösüşleriniň her bir ugrunyň dünýä bileleşiginiň 2030-njy ýyla çenli döwür üçin Durnukly ösüş maksatlarynyň wezipeleri bilen sazlaşykly utgaşýandygy aýratyn bellenmäge mynasypdyr. Häzirki wagtda mähriban halkymyz mukaddes Garaşsyzlygymyzyň 30 ýyllyk şanly baýramyny ýokary ruhubelentlikde garşylamaga ykjam taýýarlyk görýär. Taryh üçin gysga döwürde eziz Watanymyz ösüşiň belent sepgitlerine ýetmek bilen, milli Liderimiziň parasatly baştutanlygynda ýurdumyz tutuş jemgyýetimizi gurşap alýan kuwwatly, oňyn özgertmeleriň ýoly bilen ynamly öňe barýar. «Döwlet adam üçindir!» diýen baş ýörelge her bir raýatyň bagtyýar ýaşaýşynyň üpjün edilmeginiň kepili bolup çykyş edýär. Munuň özi halkymyzyň ýaşaýyş-durmuş şertlerini

15 Mart 2021

Berkararlyk mukamy

Hormatly Prezidentimiziň başlangyjy bilen 2021-nji ýylyň «Türkmenistan — parahatçylygyň we ynanyşmagyň Watany» diýlip yglan edilmegi ähli halkymyzyň guwanjyny goşalandyrdy. Bu ýyl ata Watanymyz täze taryhynda bitirilen beýik işler bilen aýratyn many-mazmunda dabaralanýar. Türkmenistan şu ýyl mukaddes Garaşsyzlygynyň 30 ýyllyk hem-de Aşgabat şäheriniň esaslandyrylmagynyň 140 ýyllyk şanly toýlaryny uludan tutar. Garaşsyzlyk ýyllary içinde ýurdumyzda asyrlara barabar işler ýerine ýetirildi. Ata Watanymyzyň ähli künjeklerinde şanly Garaşsyzlygymyzyň 30 ýyllyk baýramyna uludan taýýarlyk görülýär. Mukaddes Garaşsyzlyk — ýurdumyzyň berkararlygy, bagtyýarlygymyzyň gözbaşy. Paýhasly pederlerimiziň arzuwlan zamanasy bolan Garaşsyzlyk eýýamy halkymyza abadan ýaşaýşy, asuda, parahat, döwletli-döwrany peşgeş etdi. «Garaşsyzlyga guwanmak, Watany, halky söýmek bagtdyr!» diýip nygtaýan Gahryman Arkadagymyzyň taýsyz tagallalary bilen ata Watanymyz häzirki wagtda diňe bir syýasy-ykdysady, medeni-durmuş taýdan ösen döwlet hökmünde däl, eýsem, parahatçylygyň, asudalygyň, dost-doganlygyň mekany hökmünde hem dünýäde giňden tanalýar. Mähriban halkymyz dünýäniň ösüşinde türkmen ýolunyň röwşendigini gazanylýan beýik özgerişler bilen jahana äşgär etdi. Goý, mähriban halkymyzyň parahat, abadan, bagtyýar durmuşda ýaşamagyny üpjün edýän, toý-baýramçylyklarymyzy bitirilen beýik işler bilen dabaralandyrýan h

15 Mart 2021

Beýik işleriň öwüşgini

Berkarar döwletimiziň bagtyýarlyk döwründe hormatly Prezidentimiziň parasatly baştutanlygynda ýurdumyzyň ähli sebitlerinde maksatnamalaýyn özgertmeler durmuşa geçirilip, raýatlarymyzyň ýaşaýyş-durmuş şertlerini has-da gowulandyrmak babatda ägirt uly işler üstünlikli amala aşyrylýar. «Türkmenistan — parahatçylygyň we ynanyşmagyň Watany» ýylynda mähriban halkymyz mukaddes Garaşsyzlygymyzyň şanly 30 ýyllygyny, Aşgabat şäheriniň esaslandyrylmagynyň 140 ýyllygyny uly dabaralar bilen toýlaýar. Milli senenamamyzda wajyp orny eýeleýän bu şanly baýramçylyklary mynasyp garşylamak üçin häzirki günlerden taýýarlyk işleri gyzgalaňly alnyp barylýar. Şähergurluşyk-binagärlik keşbi barha kämil görnüşe gelýän gözel paýtagtymyz Aşgabat bu gün bagtyýar halkymyzyň buýsanjyna, Garaşsyzlyk döwrümiziň ýeten belent derejesiniň nyşanyna öwrüldi. Hormatly Prezidentimiziň şähergurluşyk-binagärlik maksatnamasynyň üstünlikli durmuşa geçirilmeginiň netijesinde Aşgabatda sanlyja ýylyň içinde ençeme medeni-durmuş maksatly desgalar gurlup ulanylmaga berildi. Aşgabat ak mermer bilen örtülen desgalaryň iň köp jemlenen şäheri hökmünde Ginnesiň Bütindünýä rekordlar kitabyna girizildi.

15 Mart 2021

Döwürlerde Garaşsyzlyk ýaňy bar

Garaşsyz, Bitarap Watanymyzyň iň täze taryhy, gazanýan üstünliklerimiziň hem-de ösüşlerimiziň ählisi mukaddes Garaşsyzlygymyzdan gözbaş alýar. Taryh üçin gysga döwürde ata Watanymyz Türkmenistan ösüşiň demokratik ýoluna gyşarnyksyz eýerýändigini, dünýäniň ähli döwletleri bilen deňhukukly, dostlukly gatnaşyklara, iki tarapa-da bähbitli hyzmatdaşlyga ygrarlydygyny tassyklady. Garaşsyzlyk ýyllary içinde ýurdumyz kuwwatly we abadan döwlet hökmünde dünýädäki abraýyny has-da berkidip, halkara jemgyýetçiliginiň deňhukukly agzasyna öwrüldi. Garaşsyz Watanymyz bu gün Gahryman Arkadagymyzyň parasatly baştutanlygynda ygtybarly, açyk, howpsuzlygy kepillendirýän hyzmatdaş, parahatçylygyň merkezine öwrülen, umumadamzat bähbitli başlangyçlary öňe sürýän döwletdir. Berkarar döwletimiziň bagtyýarlyk döwründe Gahryman Arkadagymyzyň baştutanlygynda Diýarymyzyň abadanlaşdyrylan, ýokary hilli ýaşaýyş jaý toplumlary gurulýan, öňdebaryjy tehnologiýaly iri senagat toplumlary döredilýän obadyr şäherçelerini, etrap merkezlerini, şäherlerini synlanyňda geljegimiziň has ýagty boljakdygyna ynam has-da berkeýär. Hormatly Prezidentimiziň durmuşa geçirýän giň gerimli özgertmeleri, milli ykdysadyýetimiziň ähli pudaklarynyň sanlylaşdyrylmagy döwletimiziň durnukly durmuş-ykdysady ösüşini üpjün edip, halkymyzyň hal-ýagdaýyny düýpli ýokarlandyrýar.

15 Mart 2021

Nowruz — parahatçylygyň we dost-doganlygyň baýramy

Berkarar döwletiň bagtyýarlyk döwründe halkymyzyň müňýyllyklaryň dowamynda döredip, nesilden-nesle geçirip gelýän däp-dessurlaryna, milli baýramlaryna uly sarpa goýulýar. Olar mynasyp dowam etdirilip, döwrebap öwüşginlere eýe bolýar. Şolaryň biri hem Halkara Nowruz baýramydyr. Öz gözbaşyny gojaman taryhyň çuňluklaryndan alyp gaýdýan Nowruz baýramy — gözel tebigatymyzyň täzelenişini alamatlandyrmak bilen bir hatarda, adamlaryň arasynda hoşniýetli goňşuçylyk we birek-birege hormat goýmak däplerini pugtalandyrýar. Şol sebäpli hem Nowruz dostlugyň we doganlygyň dabaralanýan baýramydyr. Halkymyzyň, şeýle hem Gündogar halklarynyň özboluşly, köpöwüşginli belent ruhy-ahlak gymmatlyklaryny, däp-dessurlaryny we taryhy-medeni baýlyklaryny özünde jemleýän bu baýram 2010-njy ýylda BMG-niň Baş Assambleýasynyň 64-nji mejlisinde «Halkara Nowruz güni» diýlip yglan edildi. Hormatly Prezidentimiziň öňe süren başlangyjyny goldap, Türkiýäniň, Azerbaýjanyň, Özbegistanyň, Gazagystanyň, Gyrgyzystanyň, Owganystanyň, Eýranyň, Täjigistanyň teklibi esasynda kabul edilen bu taryhy Rezolýusiýa parahatçylygy we halklaryň raýdaşlygyny berkitmekde, ynsanperwer ýörelgeleri wagyz etmekde Nowruz baýramynyň ähmiýetiniň belent ykraryna öwrüldi. Häzirki wagtda Nowruz baýramy diňe bir gündogar halklarynda däl, eýsem, bütin dünýäde giňden bellenilýär. Bu ynsanperwer ýörelgelere esaslanýan ruhy gymmatlyklaryň halklary,

15 Mart 2021

Dünýä nusgalyk taglymat

Berkarar döwletimiziň bagtyýarlyk döwründe Gahryman Arkadagymyzyň parasatly baştutanlygynda ata Watanymyz dünýäniň ösen döwletleri bilen aýakdaş gidýän, senagat taýdan ösen ýurt bolmaga ukyply, hemişe umumadamzat ähmiýetli başlangyçlary öňe sürýän abraýly döwlete öwrüldi. Bu barada hormatly Prezidentimiz 25-nji fewralda paýtagtymyzdaky Ruhyýet köşgünde Türkmenistanyň Mejlisiniň deputatlary bilen geçirilen duşuşykda: «Garaşsyzlyk ýyllarynda Türkmenistan saýlap alan milli ösüş ýolunyň berkdigini we netijelidigini subut etdi. Ýurdumyz halkara derejede möhüm syýasy, ykdysady we ekologiýa başlangyçlaryny öňe sürdi. Parahatçylygy döredýän ýurt hökmünde dünýäde uly abraýa eýe bolup, uzak möhlete niýetlenen ösüş maksatlary bolan kuwwatly we sazlaşykly ösýän döwlete öwrüldi» diýip belledi. Dünýäde ykrar edilen milli Liderimiziň öňe sürýän her bir halkara başlangyjy dünýä halklary tarapyndan gyzgyn garşylanýar we ullakan goldawa eýe bolýar. Munuň şeýledigini Türkmenistan döwletimiziň başlangyjy bilen Birleşen Milletler Guramasynyň Baş Assambleýasynyň 73-nji mejlisinde «2021-nji ýyl — Halkara parahatçylyk we ynanyşmak ýyly» atly Kararnamany kabul etmeginde hem görýäris. Parahatçylyga, asudalyga uly orun berýän eziz Diýarymyzda geçen ýyl «Türkmenistan — Bitaraplygyň mekany» diýlip atlandyrylan bolsa, 2021-nji ýyl «Türkmenistan — parahatçylygyň we ynanyşmagyň Watany» diýlip yglan edildi. Pe

15 Mart 2021

Şygryýet

ARKADAG BILEN Ak arzuwa besläp gözel ýurdumy,

15 Mart 2021

Işjeňlige eýe boldy

Ahal welaýat kitaphanasynda «Dünýäde parahatçylygy üpjün etmek we birek-birek bilen düşünişmek türkmen halkynyň ebedilik ýol-ýörelgesidir» ady bilen maslahat geçirildi. Türkmenistanyň Demokratik partiýasynyň welaýat komitetiniň guramagynda geçirilen maslahata partiýa işgärleri we işjeňleri gatnaşdy. «Türkmenistan — parahatçylygyň we ynanyşmagyň Watany» ýylyna bagyşlanan maslahatda Türkmenistanyň Demokratik partiýasynyň welaýat komitetiniň başlygy Resul Işangulyýew çykyş edip, berkarar Watanymyzyň täze taryhy döwürdäki beýik ösüşdir özgertmeleri, dürli ugurlarda gazanylýan üstünlikler we ýetilýän sepgitler barada gürrüň berdi hem-de şanly ýylymyzda Gahryman Arkadagymyzyň baştutanlygynda ýurdumyzyň alyp barýan içeri we daşary syýasatyny, eziz Diýarymyzda bolup geçýän taryhy wakalaryň ähmiýetini ildeşlerimiziň arasynda wagyz etmekde partiýa işgärleriniň we işjeňleriniň orny dogrusynda durup geçdi.

14 Mart 2021

Ýaşa, Arkadagly paýtagtym ýaşa!

Watanyň ýüregi, ýurduň baş kendi,Aşgabadym, gutly bolsun, ýaş toýuň!Eneleň dogasy, atalaň pendiBilen ýüze sylýas röwşen, gül roýuň! Hatar-hatar mermer ymaratlaryň,Al asmana uzap gidýän merdiwan.Okadym taryhyň dörüp gatlaryn,Kökleriň geçmişde, özüň nowjuwan.

14 Mart 2021

«Açyk gapylar» gününe çagyrýar

Türkmen oba hojalyk instituty 2021 — 2022-nji okuw ýylynda ýokary okuw mekdebine okuwa girmäge isleg bildirýän ýaşlary şu ýylyň 20-nji martynda, 17-nji aprelinde we 15-nji maýynda «Açyk gapylar» gününe çagyrýar Bu günlerde ýaşlar ýokary okuw mekdebi bilen tanyşdyrylar, olara instituta girmek üçin talap edilýän resminamalar, okuw mekdebinde okadylýan hünärler, alnyp barylýan okuw-terbiýeçilik hem-de medeni-köpçülik işleri barada giňişleýin maglumatlar berler.

14 Mart 2021

«Açyk gapylar» gününe çagyrýar

S.A.Nyýazow adyndaky Türkmen oba hojalyk uniwersiteti2021 — 2022-nji okuw ýylynda ýokary okuw mekdebine girmäge isleg bildirýän ýaşlary şu ýylyň 20-nji martynda, 17-nji aprelinde we 15-nji maýynda «açyk gapylar» gününe çagyrýar Bu günlerde ýaşlar ýokary okuw mekdebi bilen tanyşdyrylar, olara uniwersitete girmek üçin talap edilýän resminamalar, okuw mekdebinde okadylýan hünärler, alnyp barylýan okuw-terbiýeçilik hem-de medeni-köpçülik işleri barada giňişleýin maglumatlar berler.

14 Mart 2021

Bagtyýarlygyň şuglasy

Berkarar döwletimiziň bagtyýarlyk döwri ýurdumyzy ösüş-özgerişlere we toý-baýramlara beslenýän zamana bolup, göwünleri gülledýär. Mukaddes Garaşsyzlyk ýyllarynda Diýarymyz ähli ugurlar babatda — syýasatda, ykdysadyýetde, oba hojalygynda, senagatda we bilim ulgamynda, sportda, saglygy goraýyşda hem-de medeniýetde ýokary sepgitlere eýe boldy. Täze jemgyýetçilik gatnaşyklary kemala geldi. Beýik Garaşsyzlygymyzyň her ýyly, has takygy her bir aý-güni ýatda galyjy toý-baýrama, şanly wakalara beslenýär. Munuň özi ajaýyp döwrümiziň, agzybir jemgyýetimiziň, abadan döwletimiziň berkararlygyň eýesidiginden habar berýär. Kalbyňy buýsanç duýgularyndan doldurýan Garaşsyzlyk müňýyllyklardan gözbaş alýan gadymy taryhy bolan türkmen halky üçin çuňňur many-mazmuna eýedir. Elbetde, Garaşsyzlyk, bagtyýarlyk sözleriniň ynsan hakydasynda, kalbynda hemişe uly orun alandygy, ýagny arzylanandygy we arzuwlanandygy hemmämize aýdyň hakykatdyr. Bu günki gün türkmen halky özüni eziz Diýarymyzyň bagtyýar ýaşaýjylary hökmünde duýýarlar. Türkmen halky uzak-uzak eýýamlardan soň beýik ynam, egsilmez hyjuw, bimöçber joşgun bilen arzylanan berkarar döwletli bolmak arzuwynyň hasyl bolandygyna guwanyp, onuň gadyr-gymmatyna düşünip ýaşaýar. Mälim bolşy ýaly, “Türkmenistan — parahatçylygyň we ynanyşmagyň Watany” ýylynda ulus-ilimiz mukaddes Garaşsyzlygymyzyň 30 ýyllygyny ýatdan çykmajak dabaralar we uly ruhubelentl

14 Mart 2021

Mermer binalary görenler haýran

Biziň bu sözbaşyny almagymyz ýöne bir tötänlik däl. Haýsy bir zada halk baha berse, onda oňa uly orun degişli bolýar. Sebäbi ata-babalarymyz “Halk aýtsa, galp aýtmaz” diýipdir. Ynha, paýtagtymyza ýurdumyzyň çet obalarynyň birinden gezmäge gelen bir ýaşulynyň buýsançly gürrüňlerini eşitmek hem, şeýle-de köpler tarapyndan aýdylýan sözler gözel Aşgabadymyza halk tarapyndan berlen baha bolup aňymyza ýazyldy. Ol ýaşuly hormatly Prezidentimiziň ak pata bermegi bilen açylan, Aşgabady gurmagyň 16-njy tapgyryndan täze jaý alan agtygynyňka myhmançylyga gelipdir. Ýaşuly agtygyna berlen jaýyň ýanynda ulagdan düşüp, göni öýe girmändir-de ol belent ymaratlary haýran galmak bilen, esli wagt gürlemän, synlap durupdyr. Soňra ol “Ýör, ata, gel, ata” diýlen sözlere serinde aýlanýan pikirlerinden saplanyp, ilki bilen: “Mermer binalary görüp haýran galyp durun. Asyl, syrgyn-syrgyn köşklere beslenäýipdir Aşgabat!” diýen sözleri dile getiripdir. Aksakgal goja juda mamla. Hatar-hatar jaýlaryň birbada açylyp ulanmaga berilmegi biziň durmuşymyzyň bezegi boldy. Mundan birnäçe ýyl öň birje binanyň açylyş dabarasy bolýan bolsa, eşretli zamanamyzda hormatly Prezidentimiz Gurbanguly Berdimuhamedowyň parasatly baştutanlygynda geçen sähelçe ýylyň dowamynda birbada täze obanyň, etrabyň, şäherçäniň, Aşgabat şäherini gurmagyň birnäçe tapgyrlarynyň açylyş dabaralary boldy. Nesip bolsa, ak mermere beslenýän gözel A

14 Mart 2021

Ynanyşmak — asudalygyň açary

Hormatly Prezidentimiziň parasatly baştutanlygynda döwletimiziň alyp barýan içeri hem-de daşary syýasaty türkmen halkynyň milli ýörelgelerinden, kalbynyň gözelliginden gözbaş alýar. Şu jähetden seredilende, milli Liderimiziň başlangyjy esasynda Birleşen Milletler Guramasynyň kabul eden Kararnamasy bilen 2021-nji ýylyň dünýä derejesinde «Halkara parahatçylyk we ynanyşmak ýyly», milli derejede bolsa «Türkmenistan — parahatçylygyň we ynanyşmagyň Watany» diýlip atlandyrylmagynda çuňňur many bar. Çünki parahatçylyk söýüji häsiýeti, birek-birege ynanyşyp ýaşaşmak meýli türkmen halkynyň gadymdan gelýän kalp gözelligidir. Şeýle bolansoň, dünýä döwletlerini birek-birege ynanyşmak arkaly parahat ýaşamaga çagyrýan Garaşsyz, hemişelik Bitarap Türkmenistan, hakykatdan-da, bu hoşmeýilli ýörelgeleriň Watanydyr. Adamyň gören käbir zady ýa-da eşiden sözi onuň kalbyna juda ýiti täsir edýär-de, ömürboýy ýadyndan çykmaýar. Takmynan, kyrk-kyrk bäş ýyl mundan öň bir kinofilme tomaşa edipdim. Ol kinofilmiň ady hem, haýsy kinostudiýanyň önümidigi hem ýadymdan çykypdyr. Emma şondaky bir kiçiräk görnüş hiç wagt ýadymdan çykanok. Garagum sährasynda türkmeniň ak öýünde bir uly zadyň (müňläp goýun ýa-da bir süri düýe bolmalydy öýdýän) söwdasy gidýärdi. Iki tarap bolup, birsalym çekeleşenlerinden soň, taraplar belli bir bahada ylalaşdylar. Şonda alyjy bolup gelen iki adamyň biri ýantorbasyndan

13 Mart 2021

2021-nji ýyl — Halkara parahatçylyk we ynanyşmak ýyly dünýä ýurtlarynda

GRUZIÝADA Golaýda Türkmenistanyň Gruziýadaky ilçihanasy ýurdumyzyň Garaşsyzlygynyň şanly 30 ýyllygy hem-de 2021-nji ýylyň «Halkara parahatçylyk we ynanyşmak ýyly» diýlip yglan edilmegi mynasybetli onlaýn maslahat geçirdi. Oňa Gruziýanyň Daşary işler ministrliginiň, ýurtda akkreditirlenen diplomatik wekilhanalaryň we halkara guramalaryň wekilleri, ylmy işgärlerdir žurnalistler gatnaşdylar. Bu barada neutrality.gov.tm internet saýtynda habar berilýär.

13 Mart 2021

Soňlanmaýan erteki

Hormatly Prezidentimiziň nygtaýşy ýaly, Aşgabadyň binagärlik keşbinde iň oňat milli binagärlik däpleri we nusgalyk, döwrebap çözgütler sazlaşykly utgaşmalydyr, türkmen paýtagty belent derejesiniň nazara alynmagy bilen, ähli babatda nusgalyk bolmalydyr. Munuň özi, aýratyn-da, adamlaryň ýaşaýşy üçin iň amatly şertleriň döredilmegine degişlidir. Elbetde, milli Liderimiziň jöwher paýhasy bilen bu günki Aşgabat tanalmaz derejede özgerdi. Gün nuruna öwşün atýan ak mermerli binalar göreni haýrana goýýar. Häzirki wagtda paýtagtymyzda alnyp barylýan dürli maksatly binalardyr desgalaryň gurluşygynda döwrebap ýörelgeler bilen birlikde, milli aýratynlyklarymyza hem aýratyn üns berilýär. Milliligiň we döwrebaplygyň sazlaşygy bolsa, «Türkmenistan — parahatçylygyň we ynanyşmagyň Watany» ýylymyzda 140 ýyllygy giňden we dabaraly ýagdaýda belleniljek gözel Aşgabadymyzy Gündogaryň merjen şäherine öwürýär.

12 Mart 2021

Duşuşyklar başlandy

28-nji mart Türkmenistanyň Milli Geňeşiniň Halk Maslahatynyň agzalarynyň saýlawlar günüdir Welaýatymyzda öňümizde duran möhüm syýasy çärä — şu ýylyň 28-nji martynda geçiriljek Türkmenistanyň Milli Geňeşiniň Halk Maslahatynyň agzalarynyň saýlawlaryna taýýarlyk hereket edýän kanunçylyga laýyklykda dowam etdirilýär. Düýn agzalyga hödürlenilen dalaşgärleriň welaýat halk maslahatynyň agzalary bilen duşuşyklary başlandy. Duşuşyklarda dalaşgärler özleriniň maksatnamalary bilen giňişleýin çykyş etdiler we döwlet häkimiýetiniň ýerli wekilçilikli edarasynyň agzalaryna Türkmenistanyň Halk Maslahatyna agzalyga saýlanylan ýagdaýlarynda ýerine ýetirmegi göz öňünde tutýan işleri barada jikme-jik gürrüň berdiler.

12 Mart 2021

Resmi habarlar gysga setirlerde

Türkmenistanyň Prezidentiniň Permany bilen Türkmen döwlet bedenterbiýe we sport institutynyň talyby Ýulduz Alymbaý gyzy Jumabaýewa Türkmenistanyň «Watana bolan söýgüsi üçin» medaly bilen sylaglanyldy.* * *Türkmenistanyň Prezidentiniň Permany bilen Türkmenistanyň Sport we ýaşlar syýasaty ministrliginiň Türkmenistanyň Ýokary sport ussatlygy mekdebiniň agyr atletika bölüminiň tälimçi-mugallymy Meretguly Ylýasgulyýewiç Sähetmyradow Türkmenistanyň «Watana bolan söýgüsi üçin» medaly bilen sylaglanyldy. * * *Türkmenistanyň Prezidentiniň Permany bilen Türkmenistanyň daşary işler ministriniň orunbasary Berdiniýaz Gurbanberdiýewiç Mätiýew Türkmenistanyň «Gaýrat» medaly bilen sylaglanyldy.* * *Türkmenistanyň Prezidenti Buýruga gol çekdi. Resminama laýyklykda Türkmenistanyň Prezidentiniň adyndan: — Türkmenistanyň Sport we ýaşlar syýasaty ministrliginiň Türkmenistanyň Ýokary sport ussatlygy mekdebiniň agyr atletika bölüminiň tälimçi-mugallymy Meretguly Ylýasgulyýewiç Sähetmyradowa sport ýaryşlarynda ýeňiji bolup, baýrakly orunlary eýeleýän türgenleri taýýarlandygyny göz öňünde tutup, Aşgabat şäheriniň Olimpiýa şäherçesiniň 4-nji jaýynyň birinji gatynda ýerleşýän üç otagly, 149 inedördül metr ölçegi bolan 24-nji öýi;

12 Mart 2021

‹
1
2
...
534
535
536
537
538
539
540
...
561
562
›