Gowaçanyň arassa sortly bolmagy zerurdyr
Gowaçanyň sorty bir durşuna durmaýar, wagtyň geçmegi bilen onuň mukdar we hil alamatlary üýtgeýär. Eger, her bir sort boýunça aýratynlykda we yzygiderlilikde tohumçylyk işi geçirilmese, onda gowaçanyň hili ýyl-ýyldan ýaramazlaşyp, hasyllylygy we süýüminiň hili pese düşýär. Şeýlelikde, tohumlaryň arassa sortlulygyny saklamak hem-de ýokarlandyrmak tohumçylyk işiniň esasy maksady we wezipesidir. Gowaça ekýän hojalyklaryň pagtanyň borçnamalaýyn meýilnamasyny doldurmagy üçin geçirilýän agrotehniki çäreleri gowulandyrmak bilen bir hatarda ekilýän tohumlaryň arassa sortly bolmagynyň uly ähmiýeti bar. Şeýle tohumlar ekilenden soň, birmeňzeş ösümlikler gögerip çykýar we olar göwnejaý idedilende, köp we ýokary hilli hasyl berýär. Gatyşyk sortly tohumlar ekilende, ekilýän sort hasylly bolsa-da, beýleki sortlar bilen gatyşmagy zerarly özüniň gymmatly hilini kem-kemden ýitirýär we hasyllylygyny peseldýär. Gowaçanyň arassa sortly tohumynyň şol sortuň özüne mahsus bolan uzynlygy, inçeligi we berkligi boýunça birmeňzeş pagta süýümini berýändigi mälimdir. Dokma senagaty üçin bolsa şeýle süýümler has ýaramly bolýar, sebäbi diňe birmeňzeş, gowy, berk süýümden berk ýüplükleri we matalary taýýarlamak mümkindir. Birmeňzeş süýümler egirme-dokma fabriklerinde egriji maşynlaryň işlemegi üçin oňaýly bolýar, sebäbi süýüm näçe meňzeş boldugyça, şonça hem maşynlaryň işi netijeli bolýar. Gowaça tohumynyň ar
