Möhüm ähmiýetli çäre

Ylym
31 Oktýabr 2022
2304

Şu gün, ýagny 31-nji oktýabrda Türkmenistanyň Taryhy we medeni ýadygärlikleri goramak, öwrenmek hem-de rejelemek baradaky milli müdirligi Türkmen döwlet medeniýet instituty bilen bilelikde ýurdumyzyň gadymy ýadygärliklerinde edilen ylmy açyşlara bagyşlanan çäre geçirdi. Onda Russiýa Federasiýasynyň Ylymlar akademiýasynyň Antropologiýa we etnologiýa institutynyň ylmy işgäri Nadežda Anatolýewna Dubowa talyp ýaşlaryň öňünde okuw sapagy bilen çykyş etdi. Alym zenanyň Türkmenistanyň Taryhy we medeni ýadygärlikleri goramak, öwrenmek hem-de rejelemek baradaky milli müdirligiň alymlarynyň we hünärmenleriniň gatnaşmagynda bilelikdäki türkmen-rus ekspedisiýasyna ýolbaşçylyk edýändigini aýratyn bellemek gerek. Munuň özi onuň ýurdumyzyň gadymy ýadygärlikleri boýunça ylmy açyşlary etmekde uly goşandynyň bardygyny alamatlandyrýar.

«Zenan kalby».
Beýleki habarlar