Elektron kitap
Elektron kitap düşünjesi ilkinji gezek 1930-njy ýylda ýüze çykypdy. Ýazyjy Bob Brown sesli kinofilme tomaşa edenden soňra adamlaryň kitaplary ekranda okap biljekdigi hakynda pikirini öňe sürýär. Elektron kitap ýa-da E-Book diýlip atlandyrylýan kitapda ýazgylar sanly görnüşde bolup, ýagny kompýuterlerde ýa-da beýleki enjamlarda okyjylara kitaplary ekranda okamak mümkinçiligini döretdi. Bu görnüşli kitap özüniň ykjamdygy, müňlerçe kitap saklamaga ukyplydygy, şriftiniň ululygy, sazlamaga oňaýlylygy we başga-da birnäçe aýratynlyklary bilen tapawutlanýar.
