Şu günler berkarar Diýarymyzyň ähli künjeklerinde, şol sanda Lebap welaýatynyň hojalyklarynda hem ýazky ekiş möwsümine taýýarlyk görülýär. Aslynda, sebitde eýýäm ýeralmadyr sogan ekişine girişildi, öňümizdäki aýda gök-bakja ekinleri bilen bir hatarda, gowaça ekişi guramaçylykly geçiriler.
Bosagada duran möwsüme ýokary derejedäki tehniki taýýarlyk bilen barylýar. Welaýatyň tehniki hyzmat ediş kärhanalarynda we daýhan birleşiklerinde taýýarlanan gowaça ekijileriň 328-sinden 47-si Saýat etrabyndaky meýdanlarda ulanylar. Häzirki wagta çenli bu zähmet gurallarynyň ählisi bosagada duran möhüm oba hojalyk möwsümine taýýar.
