Saglygyň gadryn bilgil
Magtymguly atamyzyň «Saglygyň gadryn bilgil, hasta bolmasdan burun» diýip, belleýşi ýaly, sagdyn ýaşamak ilki bilen, biziň özümize bagly. Munuň üçin sagdyn durmuş ýörelgelerine eýermeli. Ýaramaz endiklerden daşda durup, ýagşy niýetleri ýaran edinip, maksadymyzy sogaply işlere gönükdirsek, ömrümiziň dowamlylygy artar. Çünki sogaply, haýyrly işlerde il alkyşy bar. Il aýtmyşlaýyn «Alkyş bilen är gögär, ýagmyr bilen ýer».
