«Graced» taslamasyndan (Ýewropa Bileleşigi tarapyndan maliýeleşdirilýär) peýdalanýan alymlar bakteriýalary çalt kesgitleýän täze sensorly enjamy döretdiler. Ol geljekde örän ýokary tizlik bilen işläp, azyk howpsuzlygyny ep-esli ýokarlandyryp biler.
«Plazmofoton bimodal multiplikasiýa sensory» diýlip atlandyrylýan täze enjam bakteriýalary ýüze çykarmak üçin lazer şöhlesini ulanýar hem-de marker hökmünde himiki serişdeleri ýa-da boýaglary talap etmeýär. Sensordan geçýän nusga lazer şöhlesiniň tizliginiň üýtgemegine sebäp bolýar, şeýlelik bilen, çykyşdaky päsgelçilik nagşyny üýtgedýär. Şondan soň, sensoryň üstündäki reseptorlar zyýanly himiki serişdeleri ýa-da bakteriýalary tapyp bilýär. Döredijileriň pikiriçe, täze enjam 30 minutyň içinde ýedi barlagy bir wagtda geçirip, çalt netije çykaryp bilýär.