«7/24.tm», №51 (82), 20.12.2021.
Halkara Bitaraplyk gününiň uludan toýlanylan günlerinde Arkadag Prezidentimiz parahatçylygyň şahyrana senasyny giň okyjylar köpçüligine serpaý ýapdy. Hormatly Prezidentimiziň parasatly baştutanlygynda möhüm jemgyýetçilik-syýasy wakalaryň, dabaraly çäreleriň milli Liderimiziň köňül owazy hem pelsepewi garaýyşlar bilen utgaşmagy döwrüň ajaýyplygyndan habar berýär. Gahryman Arkadagymyzyň taryhy çykyşy we ajaýyp goşgusy milli Liderimiziň diňe bir halkymyzyň däl, eýsem, dünýä jemgyýetçiliginiň bähbitlerini nazara alyp öňe sürýän başlangyçlarynyň giň goldawa eýe bolýandygynyň anyk mysalyna öwrüldi.
