Halkyň kalbyndan syzylyp çykan milli gymmatlyklarymyzyň uly bölegi söz sungatydyr. Şirinligi, owazlylygy bilen tapawutlanýan söz sungaty şöhratly pederlerimiziň beýik ynançlaryny we dünýägaraýyşlaryny, durmuşyny, dil baýlygyny, gylyk-häsiýetini, döredijilik zehinini özüne siňdiren milli baýlygymyzdyr.
Gahryman Arkadagymyzyň külli adamzady parahatçylyga, asudalyga çagyrýan «Ýaşasyn parahat durmuş!» atly goşgusy dünýäde uly seslenme döretdi. Sebäbi ol tutuş adamzady agzybirlige, parahatçylyga çagyrýar. Ruhy dünýäsi baý ynsanyň, ruhy medeniýeti baý döwletiň geljeginiň hem ýagty boljakdygy şübhesizdir.
