Bagtyýar nesilleriň ýürek joşguny

Bitaraplyk
8 Dekabr 2021
992

Golaýda «Bagt köşgi» toý dabaralar merkezinde Halkara Bitaraplyk güni mynasybetli baýramçylyk konserti guraldy. Dabarada welaýatyň çagalar döredijilik toparlarynyň taýýarlan aýdym-sazly çykyşlary ýaýbaňlandyryldy. Welaýat çagalar sungat mekdebiniň hor toparynyň zeminiň parahatlygyny, asmanyň asudalygyny, dost-doganlygy wasp edýän aýdymy dünýä dillerinde ýerine ýetirmegi baýramçylyk dabarasynyň mazmunyny baýlaşdyrdy. Konsertiň dowamynda ýaňlanan aýdym-sazlaryň aglabasy halkymyzyň kalbynda ruhy joşguna, belent buýsanja öwrülen döwletimiziň hemişelik Bitaraplyk derejesine bagyşlandy. Bir söz bilen aýdanymyzda, bu şowhunly çykyşlar hormatly Prezidentimiziň hoşniýetli Bitaraplyk taglymatynyň, öňe sürýän umumadamzat ähmiýetli başlangyçlarynyň belent waspynyň gözel Diýarymyzyň bagtyýar nesilleriniň saýrak dillerinde aýdyma öwrülýändigini alamatlandyrdy.

Ýörite habarçymyz.
Surata düşüren Bazar TILLAÝEW.
Beýleki habarlar