Häzirki döwürde dünýäniň köp ýurtlarynda et we ýumurtga önümlerini almak üçin bedeneleriň ak we gara, iňlis, sarymtyl-goňur Awstraliýa, mermer, altynsow Manžuriýa ýaly tohumlary köpeldilip, guşçulyk toplumlarynda bakylýar we olardan ýumurtga we et önümleri alynýar.
Bedenäniň ýumurtgasy ýokumlylygy we düzümindäki bar bolan witaminleriň, mikroelementleriň mukdary boýunça towugyň ýumurtgasyndan has ähmiýetlidir. Guşlaryň beýleki görnüşlerine garanda, bedeneleriň etiniň ýokumlylygy hem ýokarydyr.
