Bereketli, hasylly, bol naz-nygmatly altyn güýzüň noýabr aýynyň ikinji ýekşenbesinde türkmen ilimizde bereket bolçulygynyň baýramy — Hasyl toýy bellenilýär. Bu baýram diňe bir babadaýhanyň toýy bolman, eýsem, ene topraga hyzmat edýän, toprakdan bol önüm almaga gatnaşýan her bir oba hojalykçynyň-da baýramydyr.
Rysgal-berekediň baýramynyň öňýanyndaky günlerde Mary welaýatynyň «Dökünhimiýa» müdirliginiň Baýramaly etrap «Dökünhimiýa» bazasynyň başlygy Çary AÝDOGDYÝEW bilen gürrüňdeş bolduk. Şonda ol alnyp barylýan işler barada şeýle beýan etdi:
