Berkarar döwletiň bagtyýarlyk döwründe hormatly Prezidentimiziň parasatly baştutanlygynda amala aşyrylýan giň gerimli özgertmeleriň çäklerinde ýurdumyzyň ykdysadyýetiniň ýokary depginde ösýän pudaklary üçin täzeçil pikirlenmäge ukyply, ylmyň we bilimiň häzirkizaman gazananlaryndan oňat baş çykarýan, kärine ussat, giň gözýetimli, zähmetsöýer, ata Watanymyza we Gahryman Arkadagymyza wepaly ýaş hünärmenleri taýýarlamak meselesi möhüm orny eýeleýär.
Döwletimiziň Garaşsyzlygynyň nyşany hökmünde milli manadymyzyň dolanyşyga girizilmegi özbaşdak durmuş-ykdysady syýasaty alyp barmaga we berkitmäge, bazar gatnaşyklaryny ösdürmäge we has-da çuňlaşdyrmaga, oýlanyşykly pul-karz syýasatyny işläp düzmäge we amala aşyrmaga zerur bolan amatly şertleri döredýär.
