Ýurdumyzda öndürilýän önümleriň mukdaryny artdyrmak we eksport etmek hormatly Prezidentimiz Gurbanguly Berdimuhamedowyň yzygiderli durmuşa geçirýän Türkmenistanyň ykdysady syýasatynyň möhüm ugry bolup durýar. Ýurdumyzyň nebitgaz we himiýa senagatynyň kärhanalary şol wezipäniň çözülmegine mynasyp goşant goşýarlar.
Munuň şeýledigini «Awaza» milli syýahatçylyk zolagynda geçirilen Merkezi Aziýa döwletleriniň Baştutanlarynyň Konsultatiw duşuşygyna bagyşlanyp guralan Merkezi Aziýa ýurtlarynyň milli önümleriniň halkara sergisi aýdyň görkezdi.
