Ýakynda Türkmen oba hojalyk instituty tarapyndan inžener we kompýuter grafikasy boýunça üçünji açyk olimpiadasy geçirildi. Oňa ýurdumyzyň ýokary okuw mekdepleriniň dokuzysynyň, şol sanda–Türkmen oba hojalyk institutynyň talyplary gatnaşdylar.
Inžener grafikasy boýunça Türkmen oba hojalyk institutynyň we Türkmenistanyň Inžener-tehniki we ulag kommunikasiýalary institutynyň toparlary birinji orny eýelediler. Ikinji orna S.A.Nyýazow adyndaky Türkmen oba hojalyk uniwersitetiniň, üçünji orna Türkmenistanyň Döwlet energetika institutynyň toparlary mynasyp boldular.
