Her gün säher bilen turup, öýden çykanyňda, gül-gunçalaryň ysy gelip duran tebigatyň tämiz howasyndan dem alanyňda, Gurbannazar şahyryň:
Säher turup syl ýüzüňe çagaňy,
Bolup bilseň päkligiňde şonça bol.
Sen sanama gara saçyň agyny,
Sen sag-aman öreniňe monça bol — diýen setirleri biygtyýar ýadyňa düşýär. Neneň monça bolmajak?! Işe sary ädýän ädimleriň buýsançly başyňy belende göterýär. Üç gatly mekdebiň depesinde şemalyň sesi göýä aýdym bolup pasyrdaýan ýaşyl Baýdagymyz bolsa bilimler öýüniň gujagyna çagyrýar. Bu mekdep ertekiler dünýäsindäki köşgi-eýwana çalymdaş. Degresi çarbagly gözel mekdebi Gahryman
