Her gün miwelerdir gök önümleriň (käşir, turp, alma, pyrtykal, nar, armyt) dört-bäş görnüşini iýmäge çalyşmalydyr. Sitrus miwelerinde witaminler uzak wagtlap saklanýar.
Käşirde, kädide A witamini köp mukdarda saklanýar. Bu witamin diňe ýag bilen bilelikde ulanylanda doly özleşýär. Şol sebäpli bu önümlerden taýýarlanan işdäaçarlara maýonez däl-de, ösümlik ýagyny goşmak maslahat berilýär.