Türkmen halkynyň Milli Lideri Gahryman Arkadagymyz, hormatly Prezidentimiz Arkadagly Gahryman Serdarymyz bilen ata Watanymyz asudalygyň, agzybirligiň, bagtyýarlygyň, ajaýyp ösüşleriň ýurduna öwrüldi.
Ynsan ömrüniň many-mazmuny bitirilen işler bilen ölçenilýär. Eziz Watana bagyşlanan ömürler bakylyga, röwşen geljege uzaýar. Munuň şeýledigine biz türkmen halkynyň Milli Lideri Gahryman Arkadagymyzyň kyblasy, Arkadagly Gahryman Serdarymyzyň mähriban atasy, Watanyň wepaly ogly Mälikguly Berdimuhamedowyň manyly ömür ýoluna ser salanymyzda hem aýdyň göz ýetirýäris.
