Ilçi ynanç hatyny gowşurdy
Lýublýana şäherindäki Prezident köşgünde Türkmenistanyň Sloweniýa Respublikasyndaky täze bellenen Adatdan daşary we Doly ygtyýarly ilçisi E.Aýdogdyýew (oturýan ýeri Moskwa ş.) Sloweniýanyň Prezidenti Nataşa Pirs-Musara ynanç hatyny gowşurdy. Dabaranyň dowamynda türkmen diplomaty Sloweniýanyň Liderine hormatly Prezidentimiziň hem-de Gahryman Arkadagymyzyň mähirli salamyny we iň gowy arzuwlaryny ýetirdi. Öz gezeginde, hanym Nataşa Pirs-Musar hem ýurdumyzyň ýolbaşçylaryna salamyny ýollap, ilçä jogapkärli wezipesinde üstünlikleri arzuw etdi.