13-nji awgustda zähmet rugsadynda bolýan hormatly Prezidentimiz Serdar Berdimuhamedow irden Hazar deňziniň ajaýyp kenarynda ýerleşýän, tebigatyň täsin «merjeni» hasaplanylýan «Awaza» milli syýahatçylyk zolagyna ugrady.
Ir säher bilen Arkadagly Gahryman Serdarymyz paýtagtymyzyň Halkara howa menziline bardy we şol ýerden Balkan welaýatynyň Türkmenbaşy şäherine ugrady. Howa menzilinde döwlet Baştutanymyzy resmi adamlar ugratdylar.
