Küşt boýunça erkekleriň arasynda welaýatymyzyň birinjiligi geçirildi. Oňa ýurdumyzyň çempionatynyň birinji ligasyna wekilçilik edýän küştçüleriň 112-si gatnaşdy. Olaryň arasynda türkmenabatly küştçülerden başga-da Çärjew, Dänew we Halaç etraplaryna wekilçilik edýän küştçüler hem bar.
Gyzykly geçen duşuşyklaryň netijesinde Türkmenabat şäherinden Ilhan Çaryýew welaýatymyzyň çempiony bolmagy başardy. Tejribeli tälimçi Güljahan Öwlýakulyýewanyň şägirdi geçiren duşuşyklarynda garşydaşlarynyň ählisinden üstün çykdy.
