29-30-njy iýunda Makaoda (Hytaý Halk Respublikasy) sambo boýunça geçirilen Aziýa we Okeaniýa çempionatynda türkmen samboçylary 21 medala eýe boldular. Şolaryň 2-si altyn, 6-sy kümüş, galan 13-si bolsa bürünç medallardyr. Netijede Türkmenistanyň milli ýygyndysy öňdäki üçlügi jemledi.
Şeýlelikde, söweş sambosy boýunça Bagül Nuryýewa (50 kg) we Ruşana Nurjowowa (59 kg) altyn medala mynasyp boldular. Sport sambosy boýunça Kambar Umarow (71 kg), Agamyrat Bäşimow (88 kg), Aziza Nazarowa (50 kg), söweş sambosy boýunça Kerim Kerimow (64 kg), Zarina Abdyrahmanowa (54 kg), Sabina Agajanowa (+80 kg) kümüş medaly eýelemegi başardylar.
