1-nji iýun — Çagalary goramagyň halkara güni
Berkarar Watanymyzda sagdyn, ruhubelent, ylym-bilimli nesil kemala gelýär. Hormatly Prezidentimiziň parasatly ýolbaşçylygynda ýurdumyzda ynsan saglygyny goramak, sagdyn durmuş ýörelgelerini ornaşdyrmak, beden hem ruhy taýdan sagdyn, ata-babalarymyzyň asylly ýörelgelerine wepaly nesilleri terbiýeläp ýetişdirmek babatda tutumly işler durmuşa geçirilýär. Ýaş nesiller barada döwlet derejesinde alada edilip, olaryň bilim almaklary, hünär edinmekleri, sport we bedenterbiýe bilen meşgullanmaklary üçin ajaýyp şertler döredilýär.