Bir günde goşa şatlyk
Berkarar döwletiň täze eýýamynyň Galkynyşy döwründe Watanymyzyň ykdysady kuwwatyny pugtalandyrmakda möhüm orny eýeleýän gurluşyk-senagat toplumynyň ösdürilmegi döwlet syýasatynyň ileri tutulýan ugurlarynyň biri hökmünde kesgitlenildi. Türkmen halkynyň Milli Lideri Gahryman Arkadagymyzyň milli ykdysadyýetimiziň bu möhüm pudagynda başyny başlan we hormatly Prezidentimiziň baştutanlygynda üstünlikli amala aşyrylýan giň gerimli özgertmeleriň netijesinde ýerli çig mal gorlarynyň binýadynda daşary ýurtlardan getirilýän harytlaryň ornuny tutýan, eksport ugurly önümleriň öndürilýän görnüşleri we möçberleri yzygiderli artdyrylýar.
