Bedewler merdana halkymyzyň milli buýsanjydyr, ýakyn syrdaşydyr, göwün ganatydyr. Behişdi bedewler ulus-ilimiziň durmuşynyň aýrylmaz bölegine öwrüldi. Gamyşgulak bedewlerimiziň waspy nusgawy şahyrlarymyzyň dürdäne goşgularynda, halk döredijiliginde giňden şöhlelenýär.
Diýarymyzda atçylygyň milli medeniýetini döwrüň derejesinde dabaralandyrmaga gönükdirilen çäreler hukuk taýdan yzygiderli kämilleşdirilýär. Bu ugurda 2015-nji ýylyň 21-nji noýabrynda kabul edilen «Atçylyk we atly sport hakynda» Türkmenistanyň Kanunyny bellemek ýerlikli bolar. Kanun 8 bapdan, 51 maddadan ybaratdyr.
