Gündogaryň beýik söz ussady Magtymguly Pyragynyň doglan gününiň 300 ýyllygy mynasybetli 2024-nji ýylyň «Pähim-paýhas ummany Magtymguly Pyragy» ýyly diýlip yglan edilmegi dünýäniň ünsüni ýene bu gadymy topraga gönükdirdi. Bu taryhy waka mynasybetli eziz Diýarymyzyň çar künjünde dabaraly çäreler giň gerime eýe bolýar. «Zenan kalby» žurnalynyň Daşoguz welaýat häkimligi, Türkmenistanyň Kärdeşler arkalaşyklarynyň Daşoguz welaýat birleşmesi bilen bilelikde guramagynda Daşoguz welaýat kitaphanasynda geçiren «tegelek stoluň» başyndaky söhbetdeşligi hem Magtymguly Pyragynyň guýmagursak döredijiligi hakynda boldy.
Maksuda TÖRÄÝEWA,
