Babadaýhan etrabynyň “ak altyn” ussatlary gowaça ekişine taýýarlykly barýarlar. Ýaz ekişine agrotehniki möhletde başlap, ony gysga wagtda tamamlamakda ýerleriň, tohumyň we tehnikalaryň möwsüme taýýarlyk ýagdaýyna uly ähmiýet degişlidir. Muňa oňat düşünýän babadaýhanly oba zähmetkeşleri bu ugurdaky işleriň her birini aýratyn üns merkezinde saklaýarlar.
Etrabymyzyň Tehniki hyzmat ediş kärhanasynyň abatlaýjy ussalarydyr hünärmenleri ýaz ekişinde işlediljek traktorlary we gurallary möwsüme taýýarlamakda tutanýerli işleýärler. Olaryň tagallasy bilen tehnikalardyr ekijiler doly ýagdaýda taýýarlyk hatarynda goýulýar.
