2018-nji ýylda Agyr atletika boýunça dünýä çempionatyny kabul eden paýtagtymyz bäş ýyllyk arakesmeden soňra ýene-de sport jemgyýetçiliginiň üns merkezine öwrülýär. Barmak büküp sanaýmalyja günlerden merjen paýtagtymyzda kuraş boýunça dünýä çempionaty geçiriler.
Kuraş — goňşy özbek halkynyň milli göreş sungaty hasaplanylýar. Ýurdumyzyň gündogar sebitlerinde kuraşa «ýaka göreşi» hem diýilýär. Ol Amyderýanyň ýakasyndaky obalardyr şäherlerde tutulýan toýlarda türkmen milli göreşi bilen deň derejede meşhurdyr.