Ahal welaýatynyň Kaka etrabynyň daýhanlary ýetişdirilen gowaça hasylyny bökdençsiz ýygnap almak üçin yhlasly zähmet çekýärler. Etrabyň 22 müň gektar ekin meýdanynda gowaçanyň bol hasylyny ýetişdiren «ak altyn» ussatlary häzirki jogapkärli günleriň her bir sagadyndan netijeli peýdalanýarlar.
Möwsümde tehniki hyzmat ediş toparlarynyň işiniň göwnejaý ýola goýulmagy, ýygnalan hasylyň kabul ediş nokatlarynda bökdençsiz kabul edilmegi, pagtaçylaryň arasynda medeni-dynç alyş we höweslendiriş çäreleriniň yzygiderli guralmagy daýhanlary zähmet üstünligine ruhlandyrýar.
