Şu günler welaýatymyzyň beýleki etraplarynda bolşy ýaly, Çärjew etrabynda hem pagta ýygymy güýçli depginde dowam edýär. Etrap birleşmämiz möhüm oba hojalyk möwsüminde «ak altyn» ussatlarynyň armasyny ýetirmek işlerine ýakyndan gatnaşýar.
Möwsümiň başyndan bäri öňdebaryjy mehanizatorlaryň we kärendeçileriň arasynda yglan edilen ongünlük bäsleşikleriň birnäçesi jemlenip, olaryň ýeňijilerine gymmat bahaly baýraklar gowşuryldy. Tutuş möwsüm boýunça yglan edilen zähmet bäsleşigi hem dowam edýär.
