Welaýatymyzyň çäklerinde ýetişdirilen gawun-garpyzlaryň ýurdumyzyň ähli ýerlerinde-de hyrydarynyň örän köpdügi hemmelere mälimdir. Çünki olar ajaýyp görnüşleri, tagamlylygy bilen aýratyn tapawutlanýarlar. Şonuň bilen birlikde, şeýle bakja önümlerini ýetişdirmekde ýadawsyz zähmet çekýän ökde daýhan adamlar hem az däl. Biz olaryň biri — Boldumsaz etrabynyň «Türkmenistan» daýhan birleşiginiň kärendeçisi Begenç Öwezow bilen gürrüňdeş bolduk.
— Begenç, aýtmaklaryna görä, siz ençeme ýyllardan bäri bakjaçylyk bilen meşgullanýan ekeniňiz. Görnüşi ýaly, bu ugurda ýeterlik tejribäňiz bar.
