Welaýatymyzda ýerden ýylyň dowamynda iki-üç hasyl ýygnaýan daýhanlar az däl. Şolaryň biri-de Çärjew etrabynyň «Lebap» daýhan birleşiginiň 6-njy kärendeçiler toparynyň kärendeçisi Silap Abdyýewdir.
Silabyň daýhançylyga baş goşanyna bary-ýogy dört ýyl bolupdyr. Muňa garamazdan onuň eýýäm tejribesi ýetipdir. Hojalykda daýhan ýigidiň 10 gektar kärende ýeri bar. Ol ýere ekin dolanyşygy esasynda gowaçadyr bugdaý ekip, ekinleriň iki görnüşinden hem ýokary hasyl alyp gelýär.
