Şkafy nähili tertiplemeli?
Caga wagtyňdan başlap ýatýan otagyňy, geýim-gejimleriňdir okuw esbaplaryňy tertipli hem-de arassa saklamagy öwrenmek esasy talaplaryň biri bolup durýar. Esasan hem, egin-eşikleriňi ýerbe-ýer saklamagy endik etmeli. Munuň üçin bolsa, ilki bilen, egin-eşikdir gündelik ulanýan serişdeleriň saklanýan şkafy tertiplemekden başlamaly. Eýsem, zatlaryň ýerbe-ýer durmagy üçin şkafy nähili tertiplemeli? Ilki bilen şkafyň içini boşatmaly hem-de ähli ýerini mazaly arassalamaly. Tekjelerden, asgyçlardan başlap, şkafyň gapylaryna we tutawaçlaryna çenli süpürmeli. Soňra egin-eşikleriňi gözden geçirip, geýmejekleriňi bir gyra aýyrmaly. Kiçelen ýa-da reňkini halamaýan geýim-gejimleriňi jigileriňize hem berip bilersiňiz. Soňra egin-eşikleriňi şkafa ýerleşdirmezden ozal, möwsüme görä bölmeli. Mysal üçin, ýazda geýilýän ýeňil eşikleri bir tekjede, gyşyna geýilýän galyň egin-eşikleri başga bir tekjede, köplenç geýmegi halaýan eşikleriňizi bolsa, elýüzräkde ýerleşdirmeli. Eger-de egin-eşikleriňiz şkafa ýerleşmeýän bolsa, möwsüme görä geýýän eşikleriňizi ýerleşdirip, galanyny öýüň ammar otagyna äkitmeli. Şkafy tertipleýän wagtyňyz «Bu-da gerek bolar, muny hem ulanaryn» diýe