2024-nji ýylda ýaşaýyş üçin iň gymmat şäherleriň sanawynda Ženewa birinji orny eýeledi. Ilkinji üçlüge Sýurih we Nýu-Ýork girdi. «Numbeo» platformasy tarapyndan hödürlenen ýaşaýşyň bahasy boýunça täzelenen indeksde Ženewa şäheri 101,7 bal gazanyp, dünýäniň beýleki şäherlerinden öňe saýlandy.
Ýaşaýşyň bahasy boýunça sanawda azyk önümleri, ulag we jemagat hyzmatlary ýaly esasy sarp ediş harytlarynyň we hyzmatlarynyň nyrhy göz öňünde tutulýar. Ýöne bu görkeziji kärende tölegleri ýa-da ipoteka ýaly ýaşaýyş çykdajylaryny öz içine almaýar.