"Neutral Turkmenistan" newspaper

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-18, 39-95-82, 39-95-88
Email: neutralturkmenistan-gazeti@online.tm

Gazeti PDF görnüşinde ýükläp almak

Habarlar

Nesil terbiýesi mukaddesdir

Berkarar döwletimiziň bagtyýarlyk döwründe eziz Watanymyzyň ykdysady kuwwatynyň artmagy we gülläp ösmegi, ýaşaýyş-durmuş derejämiziň has-da ýokarlanmagy üçin yhlasly, döredijilikli zähmet çekýän halkymyzyň päk zähmetiň hözirini görüp ýaşamagy, dynç almagy, saglygyny berkitmegi barada yzygiderli aladalar edilýär. Munuň üçin ýurdumyzda, ak şäherimiz Aşgabatda köpugurly mümkinçilikler, ähli şertler döredilendir. Häzirki wagtda hormatly Arkadagymyzyň çuň parasaty bilen beýik ösüşlere beslenýän gözel paýtagtymyz Aşgabady görmäge göz, taryplamaga şirin söz gerek. Ak mermere beslenen beýik-beýik binaly, gür baglary bolan seýilgähli paýtagtymyz gözelligiň dürdänesine öwrüldi. Onuň edebiýatdaky, sungatdaky waspy has belentdir. Ak şäherimiz Aşgabadyň şanyna döredilýän şygyrlar aýdym bolup kalplara dolýar. Ýaş nesil, onuň sazlaşykly ösüşi we saglygy barada hemmetaraplaýyn alada hormatly Prezidentimiziň baştutanlygynda ýerine ýetirilýän ýurdumyzyň döwlet syýasatynyň esasy ugurlarynyň hatarynda durýar. Gahryman Arkadagymyz: «Ýaş nesillerimize mynasyp terbiýe bermek biziň üstünliklerimiziň gözbaşydyr. Şoňa görä-de, maşgala gymmatlyklaryna biz uly üns berýäris. Sebäbi ýaşlarymyzyň ýokary ahlak häsiýetleri şu gymmatlyklaryň esasynda kemala gelýär» diýip belleýär.

21 Iýun 2021

Maşgala

Bulary bilmek gyzykly

Ýarganatlar gowakdan mydama çepe tarap uçup çykýarlar. * * *

20 Iýun 2021

Maşgala

Ýuwluk gören ýuwlar

Tanyşlarymyň biri paýtagtymyzyň esaslandyrylmagynyň 140 ýyllyk toýunyň toýlanýan günleri Aşgabat şäheriniň Büzmeýin etrabynyň Bagyr obasynda iki asyryň şaýady bolan, 100 ýaşyny toýlaýan enäniň bardygyny aýtdy. Hoş habary eşiden badymyza, biz bu ene bilen gürrüňdeş bolmagy niýet edinip, onuň öýüne bardyk. Sugra Şirmämmedowa, tüweleme, 100 ýaşy arka atana meňzänok. Saglyk-amanlykdan soň, onuň bilen gürrüňimiz alşyp gitdi. Sugra Şirmämmedowa 1941 — 1945-nji ýyllaryň Beýik Watançylyk urşy başlananda ýaňy 20 ýaşyndaky gyzdy. Obadaky eli ýarag tutmaga ýaramly erkekleriň ählisi söweş meýdanyna gidýär. Obada gelin-gyzlar, garrylar, ýaş çagalar galýar. Olaryň işe ýaramlylarynyň ählisi daýhan birleşiginde işlemeli bolýar. Sugra eneleriň maşgalasyndan hem kakasy Seýitesger aga Beýik Watançylyk urşuna gidýär. Ejesi Şirwan daýza bäş çagany eklemeli bolýar. Olar agzybirlikde maşgala bolup daýhan birleşiginiň ekin meýdanlarynda gije-gündize parh goýman işleýärler. Sugra ene şeýdip ene topraga yhlasyny siňdirýär, ýylyň-ýylyna ýüpek gurçuklaryny idedýär, gysga wagtyň içinde boýdaşlaryndan tapawutlanyp, öz işiniň ussady bolýar.

18 Iýun 2021

Maşgala

Edepli ile ýarar

Edep dürdäneleri hakynda köp okansyňyz, olar dogrusyndaky tymsallardyr rowaýatlar hem ýadyňyzdadyr. Köpçülik ýerlerinde ulularyň çagalara özlerini alyp barmak bilen baglanyşykly käbir wesýetleri berýän pursatlaryna şaýat-da bolansyňyz. Emma meniň perzent edebi, perzent zehini barada pikir öwürmegime, iş sapary bilen welaýatdan gaýdyp gelýärkäm otluda bir küpede ýoldaş bolmak nesibäme ýazylan enäniň aýdan sözleri sebäp boldumyka diýýän. Üstünden köp wagt geçenem bolsa, köpügören enäniň aýdanlary pikir-hyýallarymdan daşlaşyberenokdy. Ene edepli perzentler barada söz açyp: «Dünýäde rysgal örän köpdür, ol rysgalyň gymmatyny mal bilen kesgitläp bilmersiňiz. Seni söýýän perzentleriň bardygy hem rysgaldyr. Oňat terbiýeli, ata-enesiniň diýenini edýän ogul perzent hem rysgaldyr. Perzent edebi, perzent zehini nesibäňe atylan nygmatdyr» diýipdi. Enäniň bu sözleri meni köp oýlandyrdy. Oýlandygymça-da kalbym giňeýär, ýüregim aram tapýar. Göz dikip ýetişdirýän ogul-gyzyň edebi bilen ile ýarap, zehini bilen halkyna, Watanyna hözir berip bilse, ene-atanyň ondan başga bagty islemejegi görnüp durandyr. Il-günüň oňlaýan, halkymyzyň iň eý görýän perzent terbiýesi maşgalada pyntyk ýaryp, ol soňlugy bilen jemgyýetde täsin bag ýaly boý alyp, gülläp, miwesini eçilýär. Ile ýaraýan perzentler ene-atasyny, obasyny, milletini, Watanyny beýgeldýärler. Olar edil Arşdan inen datly nygmat kimin arzyly hem sa

17 Iýun 2021

Maşgala

Maşgalam — baş galam

Berkarar döwletimiziň bagtyýarlyk döwründe maşgala mukaddesligine aýratyn ähmiýet berilýär. Jemgyýetiň iň kiçi topary bolan maşgala mukaddes ojak hasaplanylýar. Şoňa görä-de, ýurdumyzda maşgala gatnaşyklaryny yzygiderli kämilleşdirmek, onuň hukuk esaslaryny berkitmek maksady bilen degişli işler alnyp barylýar. Hormatly Prezidentimiziň tagallalary bilen kämilleşdirilýän kanunçylyk namalarynda, şol sanda Türkmenistanyň Maşgala kodeksinde maşgalany berkitmek, är-aýalyň, çagalaryň hukuklaryny, kanuny bähbitlerini goramak babatda ähli üpjünçilikler göz öňünde tutulýar. Türkmenistanyň Maşgala kodeksiniň 9-njy maddasynyň 1-nji böleginde «Maşgala hukuklary kanun bilen goralýar» diýlip bellenilmegi munuň aýdyň subutnamasydyr. Maşgalanyň esasynda garyndaşlyk gatnaşyklary durmak bilen, şol gatnaşyklar är-aýalyň bir-birleriniň, ata-enäniň we çagalaryň, şeýle hem ýakyn garyndaşlaryň arasyndaky gatnaşyklary sazlaýar. Maşgala gatnaşyklarynda, ilkinji nobatda, terbiýeleýjilik wezipesi öňde durýar. Sebäbi terbiýäniň düýp binýady, ilkinji nobatda, maşgalada goýulýar. Türkmeniň aňyrdan gelýän ýaşaýyş-durmuş kadalary haýsy maşgalada göwnejaý berjaý edilse, şol öýde hemmetaraplaýyn sagdyn, halal, päkize nesil ýetişýär. Çünki maşgala terbiýe ojagydyr.

15 Iýun 2021

Maşgala

Sapaly gökdere

Sapaly tomus paslynyň gelmegi bilen, bagtyýar çagalaryň şatlykly owazlary tutuş giňişlige ýaýrap gidýär. Okuw möwsümini tamamlan çagalary Awazadaky, gözel Gökdere jülgesindäki hem-de ýurdumyzyň beýleki ajaýyp künjeklerindäki çagalar sagaldyş we dynç alyş merkezleri gujak açyp garşylaýar. Bagtyýarlygyň bar ýerinde çagalaryň şatlyk-şowhuny has belentden ýaňlanýar. Milli Liderimiziň taýsyz tagallalary, atalyk aladalary netijesinde bu günki gün ata Watanymyz bagtly çagalygyň ýurduna öwrüldi. Ýurdumyzyň ýagty geljegini, aýdyň ertirlerini ösüp gelýän ýaş nesillerde görýän hormatly Prezidentimiziň parasatly başlangyçlary bilen çagalaryň kämil bilim almagy bilen bir hatarda, olaryň şadyýan dynç alşyny üpjün etmek ugrunda hem netijeli işler amal edilýär.

14 Iýun 2021

Maşgala

Buratinonyň başdan geçirmeleri

Mähriban çagalar! Siziň ähliňiz «Buratinonyň başdan geçirmeleri» atly multfilmi bilýän bolsaňyz gerek. Indi bu multfilm 60 ýyldan gowrak wagt bäri ýaýlyma berlip gelinýär. Biziň käbirimiz multfilmi «Altyn açar» ady bilen tanaýarys. Multfilm «Soýuzmultfilm» studiýasy tarapyndan, tanymal rus ýazyjysy Alekseý Nikolaýewiç Tolstoýyň 1936-njy ýylda çap edilen «Buratinonyň başdan geçirmeleri» atly kitaby esasynda döredildi. Ýazyjynyň bu eserini italýan ýazyjysy Karlo Kollodiniň «Pinnokionyň başdan geçirmeleri» atly romanyndan ruhlanyp ýazandygy aýdylýar. Buratino Alekseý Nikolaýewiç Tolstoýyň bu meşhur eseriniň başdan aýagyna çenli esasy gahrymany bolup hyzmat edýär. «Buratino» italýan sözi bolup, «agaç gurjagy» diýmegi aňladýar. Dowamlylygy altmyş ýedi minuta barabar bolan «Buratinonyň başdan geçirmeleri» atly multfilm «Soýuzmultfilm» studiýasy tarapyndan 1959-njy ýylyň 31-nji dekabrynda ýaýlyma berildi. Bu bolsa çagalara iň gowy täze ýyl sowgady boldy. Wagtyň geçmegi bilen, multfilm dürli dillere, şol sanda türkmen diline hem terjime edilip, dünýäniň dürli künjeklerinde görkezilýär. Multfilm birnäçe abraýly baýraklara mynasyp boldy. «Buratinonyň başdan geçirmeleri» multfilmi «Soýuzmultfilm» studiýasynyň iň şowly çykan ekran eserleriniň birine öwrüldi.

14 Iýun 2021

Maşgala

Gizlenpeçek

Gizlenpeçek türkmeniň iň gadymy we gyzykly oýunlarynyň biridir. Bu oýny çagalar toparlaýyn yzygiderli oýnaýarlar. Gizlenpeçek ýurdumyzyň dürli künjeklerinde ýaşaýan çagalaryň arasynda meşhurdyr. Oýun şäheriň ýaşaýyş toplumlarynyň dynç alyş meýdançalarynda, obalarda bukular ýaly ýerlerde oýnalýar. Oýna başlamazdan öň, pellehana bellenilýär. Onuň üçin hemme oýunçylaryň gatnaşmagynda agajyň ýüzüne tegelek çyzylyp, dikligine iki sany göni çyzyk geçirilýär. Şondan soň oýunçylar bije atyşyp, sanawaç sanaşyp, deň iki topara bölünip, haýsy toparyň döwçüdigini we haýsy toparyň çülçüdigini kesgitleýärler. Döwçi toparyň oýunçylary gizlenýärler, çülçüler bolsa olary gözleýärler.

14 Iýun 2021

Maşgala

Ýaşlary terbiýelemekde gezelençleriň ähmiýeti

Türkmen halkynyň şöhratly taryhynyň ähli eýýamlarynda ata-babalarymyz ýaş nesillere gowy gylyk-häsiýetleri, arassa ahlaklylygy we watansöýüjiligi terbiýelemegi örän wajyp iş hasaplapdyrlar. Ata-babalarymyzyň asylly ýörelgelerinden ugur alyp, hormatly Prezidentimiz ýaşlaryň döwrebap bilim almaklaryna, gowy gylyk-häsiýetli, arassa ahlakly terbiýelenmeklerine uly üns berýär. Ýaşlaryň terbiýelenmeginde, olaryň häsiýetiniň kemala gelmeginde maşgalanyň täsiri uly bolýar. Şeýle hem uly adamlaryň maslahaty, öwüt-ündewi ýaşlar üçin gymmatly gollanmadyr. Esasan hem ýaşlaryň durmuşda gözleri bilen görenleri has täsirli bolýar, sebäbi alymlaryň aýtmaklaryna görä, adam kabul edýän maglumatlarynyň togsan göterimini göz üsti bilen kabul edýär. Ýaşlary terbiýelemekde ulanylýan usullar we serişdeler döwre görä üýtgäp durýan bolsa-da, aýdylýan sözleri mysalda görkezip terbiýelemek usullary özüniň ähmiýetini ýitirmändir. Muňa mysal edip, beýik şahyrymyz Magtymguly Pyragynyň: «Eşiden deň bolmaz, gören göz bile» diýen sözlerini beýan edip bileris. Görlen maglumatlary adamyň, has-da ýaş nesliň beýnisi has çalt kabul edýär we ýatda galyjylygy uzak bolýar.

13 Iýun 2021

Maşgala

60 sekuntda...

Göräýmäge, 60 sekunt kän wagt däl. Ýöne ýaşaýyş bir sekuntlyk hem togtamaýan goja Zeminde şeýle ujypsyzja müddetde-de gaty köp hadysalar bolup geçýär. Bary-ýogy bir minutda dünýäde bolup geçýän ahwalatlary sanasak, köpleri geň galdyrsa gerek. Geliň, çagalar, olaryň käbiri bilen tanyş bolalyň! Dünýäde 60 sekuntda...

10 Iýun 2021

Maşgala

Winni Puh

Multfilme tomaşa etmek çagalaryň iň halaýan güýmenjeleriniň biri. Şonuň üçin olar her gün telewizoryň başynda halaýan multfilminiň başlanmagyna sabyrsyzlyk bilen garaşýarlar. Çagalaryň halaýan multfilmleriniň biri bolan «Winni Puh» atly multfilm kiçigöwünli, enaýyja aýyjyk Winni baradadyr. Bu multfilmiň sýužeti 1920-nji ýyllarda dramaturg we gazet işgäri A.A.Miln tarapyndan ýazylan gysga hekaýalardan ybaratdyr. Onuň esasy gahrymanlary Winni, Ýemşijek atly jojuk, gaplaň, towşan we La atly taýhardyr. Şeýle-de Kristofer Robin, baýguş we kiçijek kenguru bar. Winni Puhuň döreýşi hem täsindir. A.A.Miln 1921-nji ýylda ogly Robine bir ýaşynda oýnawaç aýyjygy sowgat edýär. Robin ulaldygyça oýunjaklarynyň üstüne bir eşek, bir jojuk, bir gaplaň, bir towşan we iki kenguru goşulýar. Robin 4 ýaşyna gadam basanda kakasy ony haýwanat bagyna äkidipdir. Bu ýerde olar Kanadanyň Winnipeg diýilýän ýerinden getirilen aýyny görüpdirler. Doglan ýerine esaslanyp Winni diýen ady alan aýy soňra Milniň 1925-nji ýylda «London Evening News» gazetinde çap etdiren hekaýasynyň esasy gahrymany bolupdyr.

10 Iýun 2021

Maşgala

Milli terbiýäniň gözbaşy

Saba säherlerde yhlas bilen saýraýan guşlar höwürtgelerinde rahatlyk tapýarlar. «Müň bir çeçekden bal ýygnaýan arylar» öýjükleriniň agzyny mum bilen suwap, nesil dowamatyny köpeldýärler. Edil şolar ýaly, ynsan oglunyň daşynyň galasy, göwnüniň aramgähi maşgaladyr. Hut şu mukaddes ojakda bizden öň ata-babalarymyz arkama-arka ýaşap geçip, durmuş tejribesine, şaýat bolan wakalaryna, gören kynçylyklaryna, şatlykly we tolgundyryjy pursatlaryna salgylanyp, maşgala terbiýesiniň uçursyz uly hazynasyna goşant goşup gidipdirler. Biz öz ýaşaýan döwrümiziň ösüşlerine, özgerişlerine baha berip, zamanamyzyň özümize eçilýän ägirt uly mümkinçiliklerinden peýdalanyp, zyýada ýyllaryň täsiri bilen maşgala terbiýesini dowam etdirýäris. Geljekde biziň neberelerimiz özlerine berlen edep sowgadynyň agramyna görä bu asylly ýoly dowam etdirerler. Şol sebäpli-de, biziň hiç bir babatda nesil terbiýesini ikinji orna geçirmäge hakymyz ýokdur. Iki başyň abat bolup, maşgalanyň ýakymly gatnaşyklary bilen çaga terbiýelemeklige ýetesi zat ýok. Atanyň ata ornunda, enäniň ýüreklerimiziň töründe, gelnimiziň elimiziň aýasynda, balalarymyzyň gözümiziň agy-garasynda bolmagy bahasyz baýlyk. Ýöne bu bir durmuş-da. «Kyrk ötükde maňlaýa näme ýazylan bolsa, bolanyny görüp barybermeli» diýmeýärlermi näme, paýhasly garrylarymyz... Ýöne şonda-da, nähili ýagdaý bolaýanda-da çagalaryňy ýa-da uly dogan bolup, kiçileri terbiýelem

9 Iýun 2021

Maşgala

Bu­la­ry bil­mek gy­zyk­ly

Süý­jü­li mons­te­ra Süý­jü­li mons­te­ra­sy lia­na ösüm­lik­ler maş­ga­la­sy­na de­giş­li bo­lup, ol mek­gejöwene meň­zeş ha­syl ge­tir­ýär. Bu ösüm­li­giň wa­ta­ny Mek­si­ka bo­lup, Kos­ta-Ri­ka­da, Awst­ra­li­ýa­da hem-de Hin­dis­tan­da giň­den ýaý­ran­dyr. Mons­te­ra­nyň bo­ýy 9 met­re ba­ra­bar bo­lup, onuň mi­we­si­niň ulu­ly­gy 20-30 san­ti­met­re ýet­ýär. Edil mek­gä­niň da­şyn­da ga­byk bol­şy ýa­ly, mons­te­ra­nyň mi­we­si­niň hem ti­ke­nek­li ga­by­gy bo­lup, mi­we biş­me­dik ha­la­tyn­da ol zy­ýan­ly­dyr.

8 Iýun 2021

Maşgala

Çaga eziz, edebi ondan hem eziz

Halkymyzda çagalary maşgala gymmatlyklary hem-de milli ýörelgeler esasynda terbiýelemek ene-atalaryň, jemgyýetiň esasy wezipesi bolup durýar. Şonuň üçin hem ata-babalarymyz  «Çaga eziz, edebi ondan hem eziz» diýen pähimi döredipdirler. Ýaş nesillerimizi terbiýelemegiň bahasyna ýetip bolmajak kadalaryny we maşgala gymmatlyklaryny döreden halkymyz bu meselä örän çynlakaý çemeleşipdir. Halallyga, ynsanperwerlige gol berýän dana pederlerimiz öz perzentlerine doglan gününden başlap gowy endikleri ündäp başlapdyrlar. Çaganyň gowy hereketlerini goldap, berekellasyny ýetirmek, ýaramaz endikleriniň netijesini düşündirip, dogry ýola gönükdirmek halkymyzyň terbiýe mekdebiniň esasy maksatlarynyň biridir.

7 Iýun 2021

Maşgala

Mugallym ykbally ynsan

— Ussat mugallymlar öz okuwçylarynyň ykbalynda ýaşaýar. Okuwçylygam çagalykdan başlanýar. Çaga özünden ula öýkünegen bolýar. Bu öýkünjeňlik tebigatyň ynsan nesliniň dowam bolmagyny üpjün edýän gudraty mysalydyr. Çaga seniň hereketiňi gaýtalar. Yzyňa düşer. Sowal berer. Tutuş durky-düýrmegi bilen öwrenjekdendir. Çaga edil ak kagyz ýaly bir zat. Onuň ýüzünde gowy ýazgylary galdyrmak ilki ene-atanyň, soňra mugallymyň borjy. Mugallymyň hyzmaty has-da zerur, sözüň doly manysynda ol çaga üçin görelde mekdebi bolmaly — diýip, Omar mugallym gürrüň berýär. Ýarym asyrdan gowrak biregne mugallym bolup işlän, mugallym bolup ýaşan Omar Orazmuhammedowyň ýanynda ençe ýyldan soň özümi ýene okuwçy ýaly duýdum. Bir göwnüme, türkmen gojasynyň maslahatyny diňleýän ýaly bolsam, bir göwnüme mugallymlaryň ählisi meňzeş bolsa gerek diýýän. Häzir Omar mugallym ýigrimi ýyl mundan öň maňa «A» harpyny öwreden mugallymyň agynjak özüdi.

7 Iýun 2021

Maşgala

Maşgala — mukaddes ojak

Gyzy Bägüliň ýatymlaýyn myhmançylyga geljegini eşiden Bossan ene muňa diýseň begendi. Gelni bilen maslahatlaşyp, onuň gowy görýän tagamlaryny taýýarlamagyň ugruna çykdy. Aşhana kendirik ýazyp, ululy-kiçili aştagtalary, oklawlary, elekdir duzgaby alyşdyrdy. Öýmesini başyna orap, öňlügini pugta guşanyp, hamyr ýugurmaga duran Bibigözele gaýta-gaýta: «Gyzym, hamyryň başyny gatyja tutgun. Ýogsam gutaplar ýaga bişirilende ýarylagan bolýandyr. Gaýynekejiň bolsa içi çorbalyja gutaby halaýandyr» diýdi. Sözüni tamamlap-tamamlamanka, gapynyň jyňňyrdysyny eşidip, ýerinden galdy. Bibigözelem ätiýajy elden bermän, çyzgan ýeňini aşak goýberdi-de, başyndaky öýmesini çözüp, onuň bir ujuny ýaşmak edindi. Gapydan ýylgyryp giren gaýynekejisini görübem rahatlandy. Soňam: «Senmi gyz, bu? Atamyz geläýdimikä diýip, ber-başagaý bolup durun. Geleweri-de-geçeweri. Tüweleme, Daýanç janam mama geldimi? Hany, balajyk, salamlaşaly!» diýip, olary mähir bilen garşylady. Bägül Bibigözeliň eginlerine kakyp, salamyny aldy. Ejesini bagryna basyp durşuna, gelne öz hoşallygyny bildirip ýetişdi: «Gelendiris gyz, özem kakamyzdan rugsatly geldik. Nesip bolsa, Nepes janyň doglan gününem geçirip, birigün gideris» diýdi. Birsalym soraşyp-ideşenlerinden soň, günortanlygyň ugruna çykyldy. Biş-düşe höwesli Bägül öňki edähedine görä gatyja hamyr ýugrup, käbesini begendirmek isledimi ýa-da uzakly gün hysyrdanypjy

4 Iýun 2021

Maşgala

Görelde öýden başlanýar

Ýurdumyzda milli medeni mirasymyzy, urp-adatlarymyzy gorap saklamak we ýaş nesillere öwretmek hem-de olary watansöýüjilik ruhunda terbiýelemekde giň gerimli işler alnyp barylýar. Bu barada hormatly Prezidentimiz: «Halkymyzyň geçmişini bilýän, döwletimiziň bu günki ýeten belentliklerine guwanýan, buýsanýan, jemgyýete, maşgala, dogan-garyndaşa, dost-ýara wepaly, ylymly-bilimli, berkarar Watanymyzy beýgeltmäge ukyply hakyky watansöýüji nesilleri ýetişdirmek biziň baş maksadymyzdyr» diýip belleýär. Şundan hem görnüşi ýaly, häzirki döwürde ýaşlary milli ruhda terbiýelemek, olaryň bilim derejesini, dünýägaraýşyny ýokarlandyrmak möhüm wezipeleriň biridir. Edep-ekram şahsyýetiň zynatydyr. Edeplilik arassa ahlakly, ýagşy terbiýeli, utanç-haýaly we gowy gylyk-häsiýetli bolmak diýmekdir. Maşgalada, adamlar bilen gatnaşyklarda, iýmek-içmek, geýinmek, dynç almak ýaly, ynsanyň tutuş durmuşynda ahlak esaslaryna tabyn bolmak edeplilikdir.

4 Iýun 2021

Maşgala

Peder pendi — perzent borjy

Şeýle at bilen Gökdepe etrabynyň jemagat hojalygy müdirliginde wagyz-nesihat duşuşygy geçirildi. Ýörite meýilnama esasynda geçirilen duşuşygy etrabyň hukuk goraýjy edaralary we jemgyýetçilik guramalary bilelikde gurady. Oňa agzalan müdirligiň işçi-hünärmenleri gatnaşdy. Berkarar döwletimiziň bagtyýarlyk döwründe ilat arasynda geçirilýän her bir maslahata duşuşykda ýurdumyzyň bedew batly ösüşleridir özgertmeleri, durmuşyň dürli ugurlarynda gazanylýan üstünlikler, ýetilýän sepgitler, şeýle-de häzirki eşretli döwrümiziň gadyr-gymmaty dogrusynda gürrüň edilýär, olaryň taryhy ähmiýeti düşündirilýär. Nobatdaky duşuşykda ýokarda agzalanlar bilen bir hatarda, perzent — ata-ene gatnaşyklary, maşgala mukaddesligi, milli ruhy-ahlak ýörelgelerimiz, gymmatly däplerimiz barada täsirli söhbet açyldy.

3 Iýun 2021

Maşgala

Salam tomus, hezil döwrüm, şatlandyrýaň çaga göwnün!

Her ýylyň tomus pasly mekdep okuwçylary üçin iň gyzykly we iň hezil döwür bolup, bu döwürde çagalar wagtlaryny şatlyk-şagalaňly geçirýärler. Tomusky dynç alyş möwsüminiň başlanmagy bilen, welaýatymyzda hereket edýän «Arkadagyň bagtyýar nesilleri» we «Gunça» atly çagalar sagaldyş we dynç alyş merkezleri hem-de orta mekdeplerde döredilýän çagalar dynç alyş meýdançalary körpeleri gujak açyp garşy alýar. Golaýda welaýat häkimliginiň hem-de welaýat baş bilim müdirliginiň bilelikde guramagynda Mary şäherindäki 24-nji zehinli ýaşlar mekdebiniň howlusynda aýdym-sazly dabara boldy. Dabarada şadyýan çagalaryň şowhunly çykyşlary oňa gatnaşyjylarda uly ruhubelentlik döretdi. Bu ýerden mekdep okuwçylarynyň ýüzlerçesi «Arkadagyň bagtyýar nesilleri» atly çagalar sagaldyş we dynç alyş merkezine tomus hezillikleriniň hözirini görmäge ugradyldy. Dürli reňkli şarlardyr toý baglary bilen bezelen awtobuslara münen çagalar dostluk aýdymyny aýdyp, ady agzalan çagalar sagaldyş we dynç alyş merkezine tarap ýola düşdüler.

2 Iýun 2021

Maşgala

Maşgalanyň abatlygy — döwrüň rowaçlygy

Döwletimiziň binýadynyň berkligini onuň bir ülüşi bolup durýan maşgalalaryň bagtyýarlygy bilen ölçerýän hormatly Prezidentimiziň «Maşgala näçe berk boldugyça, jemgyýet hem şonça hemmetaraplaýyn baýdyr» diýen dürdäne sözlerini şygar edinip, golaýda Görogly etrap medeniýet merkezinde wagyz-nesihat maslahaty geçirildi. Türkmenistanyň Zenanlar birleşiginiň etrap bölüminiň guramagynda geçirilen maslahata bilim, saglygy goraýyş ulgamlarynda zähmet çekýän işjeň zenanlar gatnaşdylar. Maslahatyň gün tertibinde döwlet durmuşyny ösdürmekde zenanlaryň orny, maşgala gymmatlygyny gorap saklamak, ýaş nesilleri döwrüň ruhuna laýyk terbiýelemek, hormatly Prezidentimiziň «Enä tagzym — mukaddeslige tagzym» atly kitabynyň durmuş mekdebini açyp görkezýän gymmatly taraplaryny wagyz etmek ýaly meseleler ara alnyp maslahatlaşyldy. Ilki bilen, etrap zenanlar guramasynyň başlygy Bahargül Garaýewa çykyş edip, jemgyýetimiziň asyrlaryň jümmüşinden gözbaş alýan ahlak we demokratik gymmatlyklaryna aýawly garalýan häzirki bagtyýarlyk döwrümizde ýurdumyzyň zenanlarynyň halk hojalygynyň dürli ugurlarynda zähmet çekmek bilen, gazanylýan üstünliklere öz goşantlaryny goşýandyklary, maşgala ojaklarynyň abat, abadan bolmagyny üpjün edip, Watanymyzyň geljegi hasaplanýan ýaş nesli döwrebap terbiýelemekde aýratyn hyzmatlary bitirýändikleri barada belläp geçdi. Hormatly Prezidentimiziň taýsyz tagallalary bilen, zenanlar

2 Iýun 2021

Maşgala